Fjölrit RALA - 15.02.1995, Side 45

Frjóvgun og fræsetning
43
Meiri fræframleiðsla á hálfgrónu landi og í lúpínujaðri (flokkur III) gæti stafað af
meiri þéttleika hunangsflugna þar en úti á melnum eða inni í breiðunni. Þegar stórt
skordýr sest á blóm sjálffrævandi lúpínu getur fræmyndun í henni aukist vegna
hristings (Wainwright 1978). í athugun á fræfalli lúpínu í breiðu í Heiðmörk haustið
1993 kom fram að fræfall í jaðri breiðunnar nam að meðaltali um 1070 fræjum á
fermetra en aðeins 150 fræjum á fermetra inn í breiðunni (>6 m frá jaðri) (Bjarni
Diðrik Sigurðsson, óbirtar niðurstöður). Ekki er ljóst hvort þetta stafaði af mis-
jöfnum aldri og blómmyndun plantna í jaðri og eldri hluta breiðunnar, eða hvort um
mismunandi frævunarskilyrði var að ræða.
Rannsóknir þessar benda til að alaskalúpína sé að jafnaði um 30% víxlfrjóvga
og að mikilvægi víxlfrjóvgunar aukist með aldri plantnanna. Þetta er það hátt hlutfall
að hætt er við að sætt beitarafbrigði af alaskalúpínu viki fljótt úr landi, vegna æxlunar
við villta beiska lúpínu, ef ekki kæmu til varnaraðgerðir af einhverju tagi.