Skessuhorn - 15.04.2020, Page 4

MIÐVIKUDAGUR 15. ApRÍL 20204
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 3.280 krónur með vsk. á mánuði. Elli- og örorkulífeyrisþegar greiða
kr. 2.840. Rafræn áskrift kostar 2.570 kr. Rafræn áskrift til elli- og örorkulífeyrisþega er 2.370 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is

Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Höfum lært
að hlýða Víði
Þegar þetta er skrifað eru réttar fjórar vikur frá því samkomubann var sett
hér á landi til að hefta útbreiðslu kórónaveirunnar. Tökin voru hert og allt
lagt í sölurnar að lágmarka áhrif banvænnar veiru sem enn eru ekki til lyf
gegn. Þennan dag fyrir mánuði rann það af alvöru upp fyrir landsmönnum
að við værum að sigla inn í aðstæður sem fáir núlifandi Íslendingar hefðu
getað ímyndað sér að myndu koma upp.
En þrátt fyrir þær miklu breytingar sem þessi ákvörðun hafði í för með
sér, held ég að allflestir haldi enn ró sinni. Við erum að taka þetta af skyn-
semi og yfirvegun. Vissulega hefur ástandið tekið á, ekki síst sú óvissa sem
ríkir um framhaldið. Heilu atvinnugreinarnar eru í dvala. Til skemmri tíma
þjónusta á borð við hárgreiðslustofur, skemmtistaði og íþróttahús, svo ég
tali nú ekki um gjörbreytt starfsumhverfi skólafólks, samneyti við íbúa á
hjúkrunar- og dvalarheimilum, félagsstarf og fjölmargt fleira. En til lengri
tíma eru atvinnugreinar eins og ferðaþjónusta í nagandi óvissu, atvinnu-
grein sem á undanförnum árum hefur skaffað mest í gjaldeyrisöflun þjóð-
arinnar. Við vitum ekkert enn hvenær frjáls för fólks verður að nýju leyfð
milli landa. Kannski verður það í haust, kannski um áramót, eða næsta vor?
Mögulega ekki fyrr en búið verður að finna upp bóluefni gegn veirunni.
Höggið fyrir okkur sem þjóð verður því mikið.
En til að takast á við þessa óvissu er umfram allt að við höldum áfram ró
okkar, förum að tilmælum yfirvalda og treystum á faglega ráðgjöf. Það hef-
ur reynst okkur vel og mun verða affarasælast áfram. Á síðustu viku hefur
mér þótt afar fróðlegt að fylgjast með því hvernig landsmenn takast á við
breyttar forsendur. Okkur er ráðlagt að ferðast sem allra minnst, skapa ekki
óþarfa hættu í umferðinni né ofsetja sumarhúsabyggðir þannig að fámenn
heilsugæsluumdæmi ráði við álagið. Við eigum að vera heima og haga okk-
ur skynsamlega. Gaman hefur verið að sjá hvernig þjóðin bregst við. Við
sjáum t.d. fréttir um að heimabakstur hafi stóraukist. Hveiti og þurrger
hefur ítrekað selst upp í verslunum og á samfélagsmiðlum sjáum við dæmi
um snilldartakta fólks við bakstur og matargerð. Sala á frosnu lambakjöti
hefur aukist um 50% en það gleður mig sérlega mikið. Aðrir hafa tekið til
hendinni með löngu lofuð (og áður svikin) verkefni heima fyrir. Búið er að
taka til í fataskápum, mála og þrífa, laga og breyta. Þetta hefur í öllu falli
verið mikill innileikur. Fjölmiðlar hafa heldur ekki látið sitt eftir liggja og
gagnaveitur á netinu hafa streymt viðburðum, allt frá stofutónleikum til
guðsþjónusta. Þannig að fólk hefur haft val um afþreyingu.
Sjálfur er ég ótrúlega heppinn við þessar aðstæður. Ég má stunda vinnu
og er þakklátur fyrir það. Hef gert það undantekningarlaust alla daga frá
því samkomubannið var sett á að mæta til minnar vinnu. Það eru á sinn
hátt forréttindi að mega sækja vinnu og þar að auki er í mínum huga aldrei
mikilvægara en einmitt nú að deilt sé til fólks fróðleik sem á erindi til þess
hverju sinni og vonandi getur treyst. Ef ekki nú, þá hvenær?
Nú er aðeins tekið að skýrast hver framvindan verður í þessari veiru-
pest og baráttunni við hana. Eftir næstu mánaðamót verður byrjað að losa
um mestu hömlurnar á samkomuhaldi. Við sem þjóð erum að ná vopnum
okkar enda höfum við sýnt löngu gleymda samstöðu. Höfum sýnt að við
kunnum að taka leiðbeiningum og lært að hlýða Víði. Það er eitthvað sem
ég hefði ekki endilega trúað að við gætum fyrr í vetur.
Magnús Magnússon
Landfyllingin við Framnes í
Grundarfirði er farin að taka á sig
mynd en Borgarverk hefur hlað-
ið upp myndarlegum varnarvegg
á svæðinu. Síðar mun dæluskipið
Sóley dæla efni yfir í landfyllinguna
áður en verklok verða. Þarna mun
Grundarfjarðarbær stækka örlítið
að flatarmáli.
tfk
Frá því að samkomubann stjórn-
valda var sett á vegna kórónufarald-
ursins hafa stjórnendur og starfs-
fólk Slysavarnafélagsins Lands-
bjargar rýnt fjárhagsáætlun ársins
með það að markmiði bregðast við
minnkandi tekjustreymi. Það skýr-
ist m.a. vegna lokunar söfnunar-
kassa Íslandsspila, lokunar Slysa-
varnaskóla sjómanna, fækkun nám-
skeiða Björgunarskólans, samdrætti
í sjúkrakassasölu og fleiru. „Þegar
hefur verið hægt að bregðast við á
ýmsa lund en ljóst er að draga þarf
úr framgangi nokkurra verkefna til
að mæta minnkandi tekjum,“ segir í
bókun frá stjórnarfundi í SL 7. apríl
síðastliðinn. Þar segir jafnframt:
„Í þessari skoðun hefur verið lögð
áhersla á að vernda tekjuúthlut-
un til eininga félagsins og er það
markmið stjórnar að ekki þurfi að
koma til þess að til skerðingar komi
svo einingar félagsins geti áfram
sinnt sínu mikilvæga starfi án þess
að þurfa að hafa áhyggjur af tekju-
streymi frá félaginu. Auk þeirra
viðbragða sem þegar hefur verið
gripið til er hafin vinna við endur-
skoðun fjárhagsáætlunar 2020 en
henni mun ljúka í framhaldi fram-
lagningar þriggja mánaða uppgjörs
félagsins. Rétt er að árétta að staða
félagsins er góð og ákveðið svig-
rúm er fyrir hendi til að bregðast
við tímabundnum áföllum en einn-
ig þarf að meta áhrifin til lengri
tíma,“ segir í bókun stjórnar Slysa-
varnafélagsins Landsbjargar.
Ef almenningur vill koma til móts
við félagasamtökin á erfiðum tím-
um, er bent á að alltaf er opið fyrir
skráningu í Bakvarðasveit Lands-
bjargar. Allar nánari upplýsingar
þar um má finna á vefnum lands-
bjorg.is mm
Málmey SK 1 kom til Grundar-
fjarðar í gærmorgun með fullfermi.
Skipið landaði í Grundarfjarðar-
höfn um það bil tvöhundruð tonn-
um af afla sem fer í vinnsluna fyrir
norðan og svo hluti á markað.
tfk
Í byrjun síðustu viku auglýsti Vega-
gerðin útboð á endurbyggingu
Faxabrautar á Akranesi, endurgerð
götunnar og bætt grjótvörn. Óskað
er eftir tilboðum í endurbyggingu
vegkaflans frá Jaðarsbraut að Akra-
neshöfn, ásamt gerð grjótvarnar og
tilheyrandi lagnavinnu. Verkefnið
er samstarfsverkefni Vegagerðar-
innar, Akraneskaupstaðar og veitu-
fyrirtækja. Verkinu skal að fullu lok-
ið eigi síðar en 1. september 2021.
Í verkinu felst m.a. að rífa upp
steypu í vegum og stéttum, alls um
10 þúsund fermetrar, 9.300 rúm-
metra fylling og 37 þúsund rúm-
metra grjótvörn, auk styrktarlags,
burðarlags og malbikunar á götunni
eftir að endurbyggingu hennar lýk-
ur. Þetta verk er forsenda þess að
hægt verði að hefja uppbyggingu
Langasandsreits, sem áður kallaðist
Sementsreitur. Áætlað hefur verið
að verk þetta kosti um hálfan millj-
arð króna. mm
Landfyllingin hleðst upp
Málmey
landaði í
Grundarfirði
Vegagerðin býður út endur-
gerð Faxabrautar og grjótvörn
Landsbjörg þarf að bregðast við
skertu tekjustreymi vegna Covid