Skessuhorn - 22.04.2020, Blaðsíða 4
MIÐVIKUDAGUR 22. ApRíl 20204
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 3.280 krónur með vsk. á mánuði. Elli- og örorkulífeyrisþegar greiða
kr. 2.840. Rafræn áskrift kostar 2.570 kr. Rafræn áskrift til elli- og örorkulífeyrisþega er 2.370 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Huglægt mat
um lífvænleika
Á undanförnum vikum hafa stjórnvöld kynnt aðgerðir sem ætlað er að
sporna við áhrifum kórónaveirufaraldursins á viðskipti og efnahag heim-
ila og fyrirtækja, enda tengist þetta tvennt órjúfanlegum böndum. Engan
veginn er það öfundsverð áskorun sem ráðamenn standa frammi fyrir þeg-
ar kemur að útdeilingu fjármuna ríkissjóðs við þessar aðstæður. Þegar heilu
atvinnugreinarnar þurrkast út svo gott sem á einum degi. Nú þegar hefur
verið gripið til skammtímaaðgerða sem vissulega geta hjálpað. Til dæmis
er þakkarvert að bjóða upp á hlutabætur til að starfsfólk haldi ráðningar-
sambandi við atvinnurekendur sína með von um að fljótlega taki sól aftur
að rísa. En slík aðgerð er til skamms tíma og virkar einungis sem dempari
á högg sem verður þyngra en áætlað var í upphafi faraldursins. Það eru að-
gerðir til langs tíma sem ég hef meiri áhuga á að takist vel.
Ein af þeim aðgerðum sem strax í mars var boðuð, var að ríkið veitti
bönkum bakábyrgð til aukinna lánveitinga til fyrirtækja, svokölluð brúar-
lán. Mig minnir að þegar fjármálaráðherra kynnti þessa aðgerð hafi hann
orðað það svo að styðja ætti við áframhaldandi rekstur „lífvænlegra fyrir-
tækja“. Brúarlánum er semsé ætlað að verja lítil og meðalstór fyrirtæki sem
vegna veirunnar verða fyrir ófyrirséðum lausafjárskorti.
Fram undir þetta hafa efnahagsaðgerðir ríkisstjórnarinnar gagnvart at-
vinnulífinu verið almenns eðlis og náð til fyrirtækja sem verða fyrir skyndi-
legum samdrætti. Þar á meðal er frestun gjalddaga og niðurgreiðsla launa-
kostnaðar. Nokkur sveitarfélög hafa sömuleiðis boðað frestun gjalddaga.
En frestun gjalddaga er í mínum huga ekkert sem skiptir máli í heildar
samhenginu. Svona álíka gagnlegt og að pissa í skóinn og vona að hlýj-
an vari lengi. Fyrir eigendur skuldugra fyrirtækja sem standa frammi fyrir
forsendubresti í viðskiptum, til dæmis ferðaþjónustuna, er um tvennt að
velja. Annars vegar að leggja strax upp laupana áður en tapið verður enn
stærra, eða freista þess að nýta þau úrræði sem stjórnvöld og fjármálakerfið
býður. En þá vandast málið! Hvernig ætla stjórnvöld og fjármálastofnanir
að ákveða hvaða fyrirtæki eru lífvænleg og hver ekki? Hvaða haldbæru og
skynsamlegu leiðir eru til þess?
Nú vill svo til að við þurfum ekki að leita nema tæp tólf ár aftur í tímann
til að rifja upp hvernig fjármálastofnanir völdu hvaða fyrirtæki voru sett
í þrot og hver ekki. Svo skemmtilega vill til að aftar í þessu blaði má lesa
viðtal við harðduglegan karl sem rak fyrirtæki og átti um tuttugu aðskild-
ar eignir þegar bankarnir urðu gjaldþrota 2008. Þar lýsir hann því þegar
honum var tilkynnt einn daginn á fundi að bankinn hefði ákveðið að setja
hann í þrot. Af honum voru hirtar allar hans eigur sem á þeim tíma voru
töluvert meira virði en þær skuldir sem á þeim hvíldu. En í ljósi þess að
hann var sökum verkefnaskorts ógjaldfær um afborganir lánanna þá var allt
tekið af honum. Hins vegar voru töluvert mörg dæmi um fyrirtæki, sem
voru skuldug upp í rjáfur, voru áfram látin vera í höndum sömu „eigenda“
og stjórnenda, af því bankarnir græddi ekkert á að leysa það til sín. Ég kýs
að minna sérstaklega á þetta hér í ljósi þess að ég er nokkuð sannfærður
um að framundan eru svipaðir tímar og þarna um haustið sem Geir bað
Guð að blessa ísland. Einhver hópur banka-, embættis- eða stjórnmála-
manna mun nú setjast yfir eigna- og skuldastöðu íslenskra fyrirtækja og
leggja huglægt mat á hvaða fyrirtæki eru talin lífvænleg og hver ekki. Ég
ætla bara rétt að vona að gegnsætt eftirlit verði með framkvæmd þessa hug-
læga mats, þannig að valdir gæðingar úr vinahópum eða frændgarði fái ekki
að þjóðnýta eigur heiðarlegs fólks sem hefur það eitt til saka unnið að vera
að reka fyrirtæki þegar heimsfaraldur gekk yfir. Ég kalla því eftir að farin
verði heiðarleg leið, án spillingar, þegar valið verður hverjir halda áfram
og hverjir ekki.
Magnús Magnússon.
Gunnlaugur A Júlíusson, fyrrver-
andi sveitarstjóri Borgarbyggðar,
krefur sveitarfélagið um 60 millj-
ónir króna vegna uppsagnar hans
úr starfi í nóvember síðastliðn-
um. Stefnan var lögð fram í Hér-
aðsdómi Vesturlands fyrr í þess-
um mánuði og greindi fréttavefur
Ríkisútvarpsins frá innihaldi henn-
ar. Gunnlaugi var sagt upp störfum
í nóvember síðastliðnum og telur
að á sér hafi verið brotið. í stefn-
unni rekur hann aðdragandann að
starfslokunum og afleiðingar henn-
ar. Með stefnu nú fer Gunnlaugur
fram á fjártjónskröfu sem felur m.a.
í sér launaleiðréttingu, greiðslu or-
lofs, að sveitarfélagið greiði kostn-
að vegna lögmannsaðstoðar auk
fjögurra milljóna króna í miskabæt-
ur, alls um 60 milljónir króna.
Sveitarfélagið mun
taka til varna
Á fundi byggðarráðs Borgar-
byggðar síðastliðinn fimmtudag
var stefna Gunnlaugs lögð fram
og ákveðið að tekið verði til varna.
„Byggðaráð harmar efni framkom-
innar stefnu og ítrekar að sveitar-
félagið hafi alltaf lagt áherslu á að
gengið sé frá starfslokum Gunn-
laugs A. Júlíussonar, fyrrv. sveitar-
stjóra, í samræmi við viðeigandi lög
og ráðningarsamning. ljóst er að
ítrustu kröfur Gunnlaugs eru langt
umfram þær kröfur sem sveitarfé-
lagið telur réttmætar,“ segir í bók-
un byggðarráðs: „Það er því hvorki
eðlilegt né heimilt að greitt verði
úr sveitarsjóði á grundvelli þeirra
og því verður tekið til varna. Bið-
launatímabil er enn yfirstandandi
og verður lokagreiðsla greidd í
næsta mánuði, þar sem lokauppgjör
fer fram af hálfu sveitarfélagsins
og virtar verða allar skuldbinding-
ar samkvæmt lögum og ráðningar-
samningi,“ segir í bókun byggðar-
ráðs.
mm
lögreglustjórinn á Vesturlandi hef-
ur verið að endurnýja bílaflota emb-
ættisins eftir þörfum og nú hefur
verið tekinn í notkun nýr bíll sem
staðsettur verður í Búðardal. Nýja
lögreglubifreiðin er Toyota land
Cruiser jeppi, búinn öllum þeim
búnaði sem þörf er á við löggæslu,
að því er fram kemur í tilkynningu
frá lögreglunni á Vesturlandi.
í umdæmi lögreglustjórans á
Vesturlandi starfa lögreglumenn
á sex lögreglustöðvum; Akranesi,
Borgarnesi, Búðardal, Stykkis-
hólmi, Grundarfirði og Ólafsvík. „Á
hverjum stað er reynt að velja lög-
reglubifreið sem hentar starfsem-
inni,“ segir í tilkynningu lögreglu.
Auk þess að sinna hefðbundnu eft-
irliti hefur lögreglan á Vesturlandi
einnig til umráða sérstaka bifreið til
vegaeftirlits, sem og myndavélabíl
sem er alltaf á ferðinni við hraða-
eftirlit í umdæminu.
kgk
Sveitarstjórn Reykhólahrepps sam-
þykkti á fundi sínum 14. apríl síð-
astliðinn að slíta samstarfi við
Tryggva Harðarson sveitarstjóra.
Hefur hann þegar látið af störfum.
Ástæða starfsloka er ólík sýn á verk-
efni á vettvangi sveitarfélagsins, að
því er fram kemur í samþykkt sveit-
arstjórnar. Ekki náðist samkomu-
lag við fráfarandi sveitarstjóra um
starfslok. Ákveðið var að auglýsa
starfið og mun Árný Huld Haralds-
dóttir oddviti sinna starfi sveitar-
stjóra þar til nýr hefur verið ráðinn.
Ekki var einhugur um málið inn-
an sveitarstjórnarinnar. Fjórir voru
fylgjandi uppsögn sveitarstjórans
en einn á móti. Ingimar Ingimars-
son varaoddviti lagði fram spurn-
ingalista þar sem hann óskaði m.a.
eftir svörum um það hvernig stað-
ið hafi verið að uppsögninni og
hvort reynt hefði verið að ná sam-
komulagi við sveitarstjórann um
starfslokin. Árný Huld Haralds-
dóttir oddviti lagði fram bókun
þar sem ítrekað var að ástæða upp-
sagnarinnar væri ólík sýn á verk-
efni sveitarfélagsins. Vegna ólíkrar
sýnar hefði enn fremur ekki náðst
samkomulag um starfslok. Þar sem
um pólitíska ráðningu hafi verið að
ræða á sínum tíma þyrfti ekki að
rökstyðja ákvörðunina frekar. Enn
fremur ætti andmælaréttur ekki við
þar sem sveitarstjóri væri ekki sak-
aður um brot í starfi.
Ingimar lagði því næst fram á
fundi sveitarstjórnar tillögu þess
efnis að afgreiðslu málsins yrði
frestað til næsta fundar. Taldi hann
málið vanreifað, uppsögnina órök-
studda og efaðist um lögmæti henn-
ar. Aðrir sveitarstjórnarfulltrúar
voru því ósammála og felldu frá-
vísunartillöguna með fjórum at-
kvæðum gegn einu. Að svo búnu
var tillaga um uppsögn sveitarstjór-
ans samþykkt með sama atkvæða-
fjölda. Ingimar lagði þá fram bókun
þar sem hann ítrekaði áðurnefnda
afstöðu sína. Enn fremur sagði
Ingimar í bókun sinni að trú hans
á samvinnu og sátt innan sveitar-
stjórnar hefði brostið. Hann sæi sig
því knúinn til að starfa að málefn-
um Reykhólahrepps í minnihluta.
kgk
Meðan allt lék í lyndi í samstarfi sveitarstjórnar og fyrrum sveitarstjóra. Myndin
var tekin daginn sem núverandi sveitarstjórn tók við sumarið 2018.
Ljósm. úr safni.
Gunnlaugur stefnir Borgarbyggð
Nýjasti bíllinn í flota Lögreglunnar á Vesturlandi, hér við hafnarbakkann í Búðar-
dal. Ljósm. Lögreglan á Vesturlandi.
Nýr lögreglubíll í Búðardal
Tryggvi Harðarson. Ljósm. úr safni/ kgk.
Sveitarstjóra Reykhólahrepps
sagt upp