Skessuhorn - 22.04.2020, Side 14

MIÐVIKUDAGUR 22. ApRíl 202014
Þórdís Kolbrún Reykfjörð Gylfa-
dóttir, ferðamála-, iðnaðar- og ný-
sköpunarráðherra, hefur ráðstaf-
að 200 milljóna króna viðbótar-
framlagi til Framkvæmdasjóðs
ferðamannastaða á árinu 2020.
Aukafjárveitingin er hluti af sér-
stöku tímabundnu fjárfestingará-
taki stjórnvalda til að bregðast við
áhrifum af Covid-19 faraldrinum.
Markmiðið er að hraða uppbygg-
ingu á innviðum ferðamannastaða
um landið allt.
Alls hljóta 15 verkefni brautar-
gengi með aukafjárveitingunni,
til viðbótar við þau 33 sem fengu
styrki úr sjóðnum þegar úthlut-
að var í mars síðastliðnum. Um
er að ræða verkefni um allt land
sem sótt var um styrk fyrir í sjóð-
inn við síðustu úthlutun, en fengu
ekki styrk þá. Þar af eru tvö verk-
efni á Vesturlandi. Dalabyggð fær
tæplega 16,2 milljóna króna styrk
vegna minningarreits um sagna-
ritarann Sturlu Þórðarson og
Eyja- og Miklaholtshreppur fær
7,6 milljónir vegna útisvæðis við
Gestastofu Snæfellsness í Breiða-
bliki. kgk
Þessa dagana eru strandveiðimenn
um allt land á fullu að gera báta
sína klára fyrir veiðarnar. Það er
að ýmsu að huga áður en haldið er
til veiða en áætlað er að þær hefj-
ist mánudaginn 4. maí. Ekki er þó
búið að gefa út hvernig veiðunum
verður háttað þetta árið. lands-
samband smábátaeigenda hefur þó
sent sjávarútvegsráðherra bréf þar
sem farið er fram á að hann beiti
sér fyrir breytingu á ákvæði um
strandveiðar í lögunum um stjórn
fiskveiða og er beiðnin fram komin
í ljósi áhrifa af COVID-19. leggur
landssambandið til að í stað þess
að strandveiðar standi yfir frá maí
til og með ágúst, og að 48 veiðidag-
ar skiptist jafnt á mánuðina, verði
dagarnir gefnir út til 12 mánaða og
að engar hömlur verði á því hvenær
þeir verði nýttir, en nú er einung-
is hægt að nýta fjóra daga vikunn-
ar, mánudaga til fimmtudaga. Ekki
hefur enn borist svar frá ráðherra
við þessari beiðni en breytingar á
strandveiðum hafa oft verið gerðar
rétt áður en þær hefjast. þa
Kristján Þór Júlíusson landbún-
aðarráðherra hefur undirritað
reglugerð sem flýtir stuðnings-
greiðslum við sauðfjárrækt á þessu
ári um nokkra mánuði. Upphæðir
sem koma áttu til greiðslu 1. sept-
ember og 1. október 2020, verður
flýtt til 1. maí og 1. júní. Með því
að flýta greiðslunum kveðst ráð-
herra vera að bregðast við áhrif-
um COVID-19 veirunnar á ís-
lenskan landbúnað, en aðgerðin
mun sérstaklega nýtast þeim stóra
hópi sauðfjárbænda sem stund-
ar jafnframt aðra starfsemi sam-
hliða búskap, svo sem ferðaþjón-
ustu, og hafa fundið fyrir miklum
tekjusamdrætti vegna kórónaveir-
unnar.
mm/ Ljósm. úr safni: SÁ.
Á Sturlureykjum í Reykholtsdal
verður í sumar boðið upp á reið-
námskeið fyrir krakka á aldrinum
6-15 ára. Hjónin Jóhannes Krist-
leifsson og Hrafnhildur Guð-
mundsdóttir hafa rekið hestaleigu
og ferðaþjónustu á Sturlureykj-
um til margra ára þar sem erlend-
ir ferðamenn eru stærsti viðskipta-
mannahópurinn. En í ljósi að-
stæðna í samfélaginu er ekki hægt
að gera ráð fyrir erlendum ferða-
mönnum í sumar.
„Þetta eru breyttir tímar og við
verðum bara að spila með. Ég held
að það vanti líka meiri svona afþrey-
ingu fyrir krakka,“ segir Hrafnhild-
ur í samtali við Skessuhorn og bætir
því við að hestaleigan verði einnig
opin eins og venjulega, alla daga frá
klukkan tíu til fjögur. Á námskeið-
unum fá krakkarnir að kynnast
hestinum og hvernig skuli umgang-
ast hann auk þess að njóta samver-
unnar við hestinn og hafa gaman.
„Við erum með góða og þrautþjálf-
aða hesta sem henta fyrir alla og
góða aðstöðu, stóra kaffistofu, reið-
höll og skemmtilegar reiðleiðir hér
í kring, það er svo gaman að ríða
hér með ánni,“ segir Hrafnhildur
og bætir við að krökkunum verði
ekki skipt upp eftir aldri heldur fái
allir kennslu við sitt hæfi óháð aldri
og reynslu.
„Aldur segir ekkert um getu. Við
skiptum hópnum bara niður þeg-
ar krakkarnir koma og það skiptir
engu máli hvar þú ert staddur, það
geta allir lært og munu fá kennslu
sem hentar hverjum og einum. En
fyrst og fremst ætlum við bara að
hafa gaman,“ segir hún. Hvert nám-
skeið er frá klukkan tíu til eitt alla
mánudaga, þriðjudaga og miðviku-
daga í sumar og krakkarnir mega
mæta á eins mörg námskeið og þeir
vilja. „Við verðum með námskeið
í allt sumar, byrjum strax á mánu-
deginum 1. júní,“ segir Hrafnhild-
ur. arg/ Ljósm. úr safni
Aukaúthlutun úr Framkvæmdasjóði ferðamannastaða
Hugmynd um uppbyggingu Sturluseturs í Saurbæ í Dölum komst á skrið sumarið
2018 þegar Sturluhátíð var haldin á Staðarhóli og í Tjarnarlundi. Sturlunefnd
lítur á verkefnið sem hluta af hinum „Gullna söguhring” og yrði til þess fallinn að
styrkja atvinnulífið á svæðinu í formi menningartengdar ferðaþjónustu. Hér er
svipmynd frá Sturluhátíð sumarið 2018. Ríkissjóður ætlar nú að leggja verkefninu
lið. Ljósm. úr safni/sla.
Annar styrkurinn sem rann til verkefna á Vesturlandi er vegna útisvæðis við
Gestastofu Snæfellsness á Breiðabliki. Ljósm. úr safni/ mm.
Gert klárt
fyrir strandveiðar
Ráðherra flýtir greiðslum
til sauðfjárbænda
Margar skemmtilegar reiðleiðir eru við Sturlureyki.
Reiðnámskeið á
Sturlureykjum í sumar
Jóhannes Kristleifsson og Hrafnhildur Guðmundsdóttir á Sturlureykjum ætla að bjóða upp á reiðnámskeið í sumar.