Morgunblaðið - 21.07.2020, Blaðsíða 13

FRÉTTIR 13Erlent
MORGUNBLAÐIÐ ÞRIÐJUDAGUR 21. JÚLÍ 2020
Hellaskoðun fyrir tvo
í Raufarhólshelli
Gisting fyrir tvo
í standard herbergi
Morgunverðarhlaðborð
Sumartilboðsverð:
20.600 kr.
Skoðaðu glæsilegu sumartilboðin okkar á
hotelork.is/tilbod
Leiðtogar Evrópusambandsríkjanna
27 settust á fund í Brussel í gær,
fjórða daginn í röð, til að reyna að
ná samkomulagi um aðgerðir til að
örva hagkerfi Evrópu. Um er að
ræða bæði styrki og lán, sem gætu
samtals numið 750 milljörðum evra,
jafnvirði 120 þúsund milljarða
króna.
Charles Michel, forseti leiðtoga-
ráðs Evrópusambandsins, lagði upp-
haflega til að 500 milljörðum evra
yrði varið í beina styrki. Hann hefur
síðan lagt fram málamiðlunartillögu
um að styrkurinn lækki í 390 millj-
arða evra en lánahlutinn hækki á
móti.
Búist var við að fundurinn gæti
dregist fram á nótt. Upphaflega var
áformað að viðræðurnar myndu
taka tvo daga en hart hefur verið
deilt um útfærslur á örvunarpakk-
anum og umfang hans. Ríkin hafa
skipst í ólíkar fylkingar þar sem
Austurríki, Svíþjóð, Danmörk, Finn-
land og Holland standa saman og
vilja útdeila lægri upphæð og setja
skilyrði fyrir úthlutun. Hafa ríkin
þannig öðlast viðurnefnið „þau spar-
sömu“. Á sama tíma vilja Ítalía,
Spánn og bandamenn þeirra rausn-
arlegar aðgerðir.
Michel greip til þess ráðs í gær
að bjóða „sparsömu“ ríkjunum af-
slátt af framlögum þeirra til sjóða
sambandsins, gegn því að þau sam-
þykktu úthlutunina. Ekki höfðu bor-
ist tíðindi af viðtökum þessa boðs,
þegar Morgunblaðið fór í prentun.
Deilur leiðtoganna munu hafa
orðið háværar á kvöldverðarfundi á
sunnudagskvöld þar sem Emmanuel
Macron, forseti Frakklands, sakaði
Mark Rutte, forsætisráðherra Hol-
lands, og Sebastian Kurz, kanslara
Austurríkis, um að stofna Evrópu-
samvinnunni í hættu með því að
hugsa aðeins um eigin hagsmuni. Þá
hótaði Macron að ganga út ef þeir
hlustuðu ekki á sjónarmið hans og
Angelu Merkel, kanslara Þýska-
lands.
Að sögn viðstaddra barði Macron
eitt sinn í borðið og skammaði Kurz
fyrir að fara frá borðinu til að svara
símtali. Þá sakaði hann Rutte um að
haga sér eins og David Cameron,
fyrrverandi forsætisráðherra Breta,
sem gjarnan tók harða afstöðu á
leiðtogafundum ESB og endaði á að
halda þjóðaratkvæðagreiðslu í Bret-
landi um úrsögn úr bandalaginu.
Rutte sagði við blaðamenn á eftir,
að hann væri í Brussel til að gæta
hagsmuna lands síns, en ekki til að
vingast við aðra leiðtoga eða sækja
afmælisveislur þeirra. Merkel varð
66 ára á föstudag, fyrsta fundardag-
inn, og nokkir fundarmanna gáfu
henni þá gjafir. gummi@mbl.is
Stormasamur leiðtogafundur
 Viðræður leiðtoga ESB-ríkja um fjárframlög til að örva hagkerfi ríkjanna héldu áfram fjórða daginn
í röð  Áttu að taka tvo daga  „Sparsömu“ ríkjunum boðinn afsláttur af framlögum til sambandssjóða
Ný rannsókn bendir til þess að allir
hvítabirnir gætu verið horfnir af
yfirborði jarðarinnar fyrir árið 2100,
þar sem hlýnun jarðarinnar þýðir að
þeir hafa skemmri tíma af árinu til
þess að veiða sér til lífsbjargar, og
eiga því frekar á hættu að svelta.
Í rannsókninni, sem birtist í tíma-
ritinu Nature Climate Change, segir
að á vissum svæðum hafi fjölda
hvítabjarna hrakað undir þolmörk,
þar sem minna sé um hafís, sem aft-
ur þýði að birnirnir eiga erfiðara
með að veiða sér seli til átu.
Það leiðir aftur af sér að þeir ná
ekki að safna á sig því fitulagi sem
þarf til þess að lifa af heimskautavet-
urinn, en kvendýrin treysta sérstak-
lega á það til þess að geta framleitt
mjólk fyrir bjarnarhúnana.
Vísindamennirnir sem stóðu að
rannsókninni sögðu í samtali við
AFP-fréttastofuna að vandamálið
væri aðallega það hvað birnirnir
ættu erfitt með að aðlagast breyttu
tíðarfari. „Ef við gætum varðveitt
með einhverjum töfrum hafísinn
myndu hvítabirnirnir líklega geta lif-
að af, þrátt fyrir hækkandi hitastig á
norðurslóðum,“ sagði Steven Amst-
rup, sem leiddi rannsóknarteymið.
Talið er að um 25.000 hvítabirnir
fyrirfinnist í náttúrunni um þessar
mundir, en tegundin er talin við-
kvæm en ekki enn í útrýmingar-
hættu samkvæmt kvarða alþjóðlegu
náttúruverndarsamtakanna IUCN.
Amstrup segir hins vegar að sú
skilgreining sé gölluð, þar sem
kvarðinn vegi og meti einkum þætti
eins og veiðiþjófnað og ásókn manna
í búsvæði dýra, sem hægt sé að taka
á með samstilltu átaki. „Við getum
hins vegar ekki reist girðingar til að
verja hafísinn,“ segir Amstrup.
Horfnir fyrir
næstu aldamót?
 Hafa skemmri tíma til selaveiða
AFP
Í hættu Horfurnar þykja fremur
dökkar fyrir framtíð hvítabjarna.
Bruno Dey, fyrrverandi fangavörður
í Stutthof, útrýmingarbúðum nasista
í Póllandi, bað í gær fórnarlömb hel-
fararinnar afsökunar á gjörðum sín-
um í seinna stríði.
„Ég vil í dag biðja þá sem gengu í
gegnum vítisloga brjálæðisins afsök-
unar, sem og aðstandendur þeirra.
Svona atburður má aldrei aftur eiga
sér stað,“ sagði Dey, sem er 93 ára
gamall.
Dey er ákærður fyrir að vera með-
sekur um morð á 5.230 manns, sem
tekin voru af lífi í fangabúðunum á
meðan hann var fangavörður á veg-
um SS-sveitanna. Gert er ráð fyrir að
dómur muni falla á fimmtudaginn og
hefur ákæruvaldið krafist þess að
Dey fái þriggja ára fangelsisdóm.
Lögmaður Deys hefur hins vegar
óskað eftir því að hann verði sýkn-
aður eða dómurinn skilorðsbundinn.
ÞÝSKALAND
AFP
Fangavörður Dey hylur andlit sitt með
möppu fyrir ljósmyndurum.
Bað fórnarlömb
helfarar afsökunar
Sameinuðu arabísku furstadæmin bættust í hóp
geimkönnuða í fyrrinótt þegar könnunarfari
þeirra, „Von“, var skotið á loft um kl. 22 að ís-
ætlað að rannsaka lofthjúp rauðu plánetunnar,
en bæði Kínverjar og Bandaríkjamenn munu
senda för til Mars á næstu vikum.
lenskum tíma frá Japan. Skotið heppnaðist vel
og var því fagnað mjög, þar sem fresta hafði
þurft flugtakinu í tvígang vegna veðurs. Von er
Vongóðir um fyrstu könnunarferðina til Mars
AFP