Morgunblaðið - 12.09.2020, Síða 4

4 FRÉTTIRInnlent
MORGUNBLAÐIÐ LAUGARDAGUR 12. SEPTEMBER 2020
Dan V. S. Wiium
hdl., lögg. fasteignasali
s. 896 4013
Ásta María Benónýsdóttir
lögg. fasteignasali
s. 897 8061
Þórarinn Friðriksson
lögg. fasteignasali
s. 844 6353
Jón Bergsson
lögmaður og lg.fs.
s. 777 1215
Ármúla 21, 108 Reykjavík • s. 533 4040 • kjoreign@kjoreign.is • www.kjoreign.is
OPIÐ HÚS sunnudaginn 12. september kl. 14-15
AÐEINS
10 ÍBÚÐIR
EFTIR
Nýjar glæsilegar íbúðir í grónu umhverfi í Kópavogi.
40 íbúðir. 3ja, 4ra og 5 herbergja. 3 stigahús, útsýni.
Húsið er klætt að utan. Bílastæði í bílageymslu með
völdum íbúðum.
NÓNHÆÐ
Arnarsmári 36-40
SVIÐSLJÓS
Margrét Þóra Þórsdóttir
Akureyri
Hjörleifur Hallgríms, eldri borgari á
Akureyri, hefur í ríflega áratug, eða
frá árinu 2006, átt lóð númer 12 b við
Aðalstræti. Lóðin er sögufræg, þar
stóð í eina tíð Hótel Akureyri, ein
glæsilegasta bygging landsins á sinni
tíð, en varð eldi að bráð árið 1955.
Hjörleifur ólst að hluta til upp í því
húsi og réð það mestu um að hann
keypti lóðina á sínum tíma.
Safnaði fyrir kostnaði í fimm ár
Hjörleifur hefur undanfarin ár
stefnt að því að selja lóðina. Kveðst
orðinn of gamall til að standa í stór-
ræðum við húsbyggingar. Það sem
tafið hefur fyrir söluferli er sú kvöð
sem á honum hvílir sem eiganda lóð-
arinnar að hlutast til um að fram fari
fornleifakönnun á lóðinni áður en hún
er seld eða á henni hefjist fram-
kvæmdir.
Hjörleifur fékk til liðs við sig
mannskap, vélar og tæki og tók verk-
ið um einn og hálfan dag að sögn.
Hann segir að kostnaðurinn sem á
honum lendi nemi um 1,2 milljónum
króna. Bæði er þar um að ræða véla-
vinnu og því sem henni fylgdi sem og
kostnaður við rannsóknina.
„Mér ofbýður þetta verð og er
vissulega óánægður með að allur
þessi kostnaður lendi á mér sem eig-
anda lóðarinnar,“ segir Hjörleifur og
bætir við að hann hafi um fimm ára
skeið verið að safna fyrir þessu verk-
efni með ellilífeyrislaunum sínum
sem hann segir ekki til að hrópa
húrra fyrir.
117 fermetra hús
Hjörleifur hugðist á sínum tíma
byggja á lóðinni hús með fjórum
íbúðum og stóð um skeið í stappi við
yfirvöld skipulagsmála í bænum.
Samkvæmt skilmálum er veitt leyfi
fyrir að á lóðinni rísi hús á tveimur
hæðum með risi auk kjallara undir
austari helmingi byggingarinnar, alls
117 fermetrar að stærð.
„Ég vona bara að lóðin komist í
góðar hendur og á henni rísi falleg
bygging,“ segir Hjörleifur.
Upplýsingar um liðinn
tíma glatist ekki
Vala Garðarsdóttir fornleifafræð-
ingur sá um rannsóknina fyrir hönd
Minjastofnunar á lóðinni við Aðal-
stræti 12b nú í vikunni. Hún segir að
lögum samkvæmt hvíli sú kvöð á
framkvæmdaaðilum að kanna, áður
en hafist er handa við framkvæmdir
af hvaða tagi sem er, hvort í jörðu
finnist fornminjar. Þetta gildi til að
mynda um alla stóra framkvæmda-
aðila sem gjarnan standa fyrir um-
fangsmiklum verkefnum.
„Það er aldrei veitt framkvæmda-
leyfi fyrr en búið er að ganga úr
skugga um að engar upplýsingar um
liðinn tíma glatist með framkvæmd-
inni, þetta eru reglur og þeir sem
óska eftir framkvæmdinni standa
straum af uppgreftrinum. Ég skil
þessa sýn, en það þarf að horfa á
þetta sömu augum og önnur verk
sem þarf að gera þegar reisa á bygg-
ingar, eins og t.d. að ráða rafvirkja
eða smiði. Þetta er bara hluti af
byggingarferli, mörgum þyki það
ósanngjarn en þetta er svona, menn
geta líka valið að byggja ekki og fjar-
lægja menningarminjar, þetta er val,
ekki kvöð.“
„Fundum það sem við
vissum að væri undir“
Uppgröftur á lóðinni gekk vel að
hennar sögn og fann hún m.a. um-
merki um hús sem áður fyrr stóðu
þar, m.a. frá 1850 og upp úr. Á lóðinni
við Aðalstræti 12 hafa hús tvívegis
um tíðina brunnið til kaldra kola.
„Það má segja að við höfum fundið
það sem við töldum líklegt að væri
þarna undir. Auðvitað má alltaf búast
við einhverju óvæntu en svo var ekki
í þetta skiptið,“ segir Vala.
Hún mun innan tíðar skila skýrslu
til Minjastofnunar um uppgröft sinn
á lóðinni og telur að í kjölfarið ætti
ekki neitt að standa í veginum fyrir
því að framkvæmdaleyfi verði gefið
út.
Grafið á kostnað lóðareiganda
 Fornleifauppgröftur fer nú fram á sögufrægri lóð við Aðalstræti á Akureyri  Lóðareigandi ósáttur
við að kostnaður lendi allur á honum  Getur hvorki selt lóðina né byggt fyrr en uppgreftri er lokið
Morgunblaðið/Margrét Þóra
Uppgröftur Hjörleifur Hallgríms ásamt Völu Garðarsdóttur fornleifafræðingi á lóð Hjörleifs á Akureyri.
Ljósmynd/Hallgrímur Einarsson
Fortíð Hótel Akureyri var ein glæsilegasta bygging landsins á sínum tíma en hún brann til kaldra kola árið 1955.
Kristján H. Johannessen
khj@mbl.is
Strætó hefur nú aftur hafið sölu á
hefðbundnum auglýsingum á hliðum
og bakendum vagna fyrirtækisins.
Undanfarin ár hafa strætisvagnar
nær eingöngu auglýst Strætó með
fáeinum undantekningum, s.s. með
vögnum sem minna á réttinda-
baráttu hinsegin fólks eða einstaka
skemmtiviðburði og átök.
„Við fengum aðila úti í bæ til að
reyna að selja fyrir okkur auglýsing-
ar og það hefur gengið svona allt í
lagi. Það er þó ekkert brjálað að
gera, við erum búnir að selja kannski
fimmtán auglýsingar, annað hvort
heilauglýsingar eða afturenda, eins
og við köllum það,“ segir Jóhannes
Svavar Rúnarsson, framkvæmda-
stjóri Strætó, í samtali við Morgun-
blaðið, en greint var frá því í desem-
ber sl. að verið væri að athuga hvort
fýsilegt sé að hefja sölu á ný.
Spurður hvort dræm auglýsinga-
sala komi ekki á óvart, í ljósi þess
hve sýnilegir vagnar Strætó eru í
umferðinni svarar Jóhannes Svavar:
„Menn eru ekki að bíða í röðum eftir
því að komast hér að. En þetta er, að
okkar mati, gott sýningapláss og
mun ódýrara en margur annar aug-
lýsingamiðill. Við erum þó ekki að
tapa neitt á þessu. Svo er ástandið
ekki alveg eðlilegt núna.“
Morgunblaðið/Eggert
Gagnavagn Segja má að þessi strætó minni á keppni sem aldrei fór fram.
Selja aftur aug-
lýsingar á strætó
 Fáir hafa þó stokkið til og keypt