Morgunblaðið - 15.10.2020, Blaðsíða 32

32 FRÉTTIRViðskipti | Atvinnulíf
MORGUNBLAÐIÐ FIMMTUDAGUR 15. OKTÓBER 2020
Flatahrauni 7 | 220 Hafnarfirði | Sími 565 1090 | www.bjb.is
Fékk bíllinn
ekki skoðun?
Aktu áhyggjulaus í burt á nýskoðuðum bíl
Sameinuð gæði
BJB-Mótorstilling þjónustar
flesta þætti endurskoðunar
anngjörnu verði og að
ki förum við með bílinn
n í endurskoðun, þér
kostnaðarlausu.
á s
au
þin
að
N Ý F O R M
h ú s g a g n a v e r s l u n
Strandgötu 24 | 220 Hafnarfjörður | Sími 565 4100 | nyform.is
Glæsileg borðstofuhúsgögnum
frá CASÖ í Danmörku
15. október 2020
Gengi Kaup Sala Mið
Dollari 138.46
Sterlingspund 180.14
Kanadadalur 105.62
Dönsk króna 21.926
Norsk króna 15.121
Sænsk króna 15.781
Svissn. franki 152.03
Japanskt jen 1.3118
SDR 195.78
Evra 163.2
Meðalgengi/Viðskiptavog þröng 193.0449
Hrávöruverð
Gull 1920.8 ($/únsa)
Ál 1841.0 ($/tonn) LME
Hráolía 41.81 ($/fatið) Brent
BAKSVIÐ
Þóroddur Bjarnason
tobj@mbl.is
Netpartar ehf., umhverfisvæn endur-
vinnsla bifreiða, fékk í gær verðlaun á
Umhverfisdegi atvinnulífsins fyrir
framtak ársins á sviði umhverfis-
mála. Eins og fram kemur á vef Sam-
taka atvinnulífsins fá Netpartar við-
urkenninguna fyrir að vera leiðandi í
umhverfismálum við niðurrif bíla og
sölu varahluta.
Aðalheiður Jacobsen, fram-
kvæmdastjóri og eigandi Netparta,
segir að hún og allir hjá fyrirtækinu
séu stolt og þakklát fyrir viðurkenn-
inguna. Hún sé þeim mikil hvatning.
Spurð um þýðingu verðlaunanna fyr-
ir fyrirtækið segir Aðalheiður að þau
séu mikilvæg viðurkenning á um-
hverfisvænni starfsemi fyrirtækisins
og liður í að fá fleiri bílapartasölur til
að skilgreina sig sem umhverfisvæna
endurvinnsluaðila.
Allt verði endurunnið
Leiðarljós Netparta er að sögn Að-
alheiðar að ekkert sé urðað og allt sé
endurunnið. Í dag séu 85% af bílhræj-
um hjá Netpörtum endurunnin, og
næst sé stefnt að 95% markmiði Evr-
ópusambandsins. „Verðlaunin eru
einnig mikilvæg til að styðja við meiri
notkun á notuðum varahlutum. Ég vil
til dæmis að tryggingafélögin hvetji
enn frekar til notkunar notaðra vara-
hluta og verði virk í þeim efnum.
Verðlaunin hjálpa til við að vekja at-
hygli á þeim málstað.“
Aðalheiður bætir því við að verð-
launin séu líka ákveðin viðurkenning
á því að bílapartasala sé góður „bis-
ness“. Starfsemin sé samfélagslega
ábyrg og snerti alla hluta reksturs
fyrirtækisins á jákvæðan hátt, hvort
sem um er að ræða viðskiptavinina,
starfsmenn eða birgja.
Eina ISO-vottaða partasalan
Netpartar eru að sögn Aðalheiðar
eina bílapartasalan á landinu með
ISO-umhverfisvottun. Spurð að því
hvort aðrar bílapartasölur hafi sýnt
áhuga á að fara sömu leið og hún, segir
Aðalheiður að hún hafi orðið vör við
áhuga hjá bílapartasölum að innleiða
sömu gagnagrunnstækni og Netpart-
ar eru með í smíðum, en sú tækni mun
auðvelda leit eftir pörtum á vefsíðu
Netparta. Þar er tekið mið af nýrri
Evrópureglugerð (Tilskipun 53/EC)
um meðferð bíla við lok lífdaga (e. end-
of life vehicles). „Bílapartasölur sem
vilja fara sömu leið í tækninni og við
þurfa um leið að taka til í sínum ranni
hvað umhverfismálin snertir. Ég hef
ekki áhuga á að vinna með neinum
nema sá hluti sé í lagi líka. Í Svíþjóð fá
eingöngu þær bílapartasölur sem eru
með þessi mál á hreinu samninga við
tryggingafélögin. Mig langar að hífa
þennan geira hér á Íslandi upp á sama
stað.“
Samnorrænt verkefni
Netpartar, ásamt endurvinnslufyr-
irtækinu Hringrás, taka þátt í sam-
norræna verkefninu Proactive sem
gengur út að gera heildarúttekt á
stöðu nýtingar á bílarafhlöðum á
Norðurlöndunum. „Við skoðum stöð-
una í löndunum öllum. Hverjir verk-
ferlarnir eru og hvernig farið er með
rafbíla sem færðir eru til niðurrifs.“
Aðalheiður segir að verkefnið, sem
taka muni tvö ár, sé komið vel af stað
og hópurinn hittist á netforritunum
Zoom og Teams reglulega. Verkefnið
fékk styrk frá norræna nýsköpunar-
sjóðnum Nordic Innovation Fund á
dögunum.
Tekjur jukust milli ára
Tekjur Netparta árið 2019 jukust
um tíu milljónir milli ára og voru 109
milljónir króna. Hagnaðurinn jókst
einnig umtalsvert og var 7,4 milljónir
króna en hann var 800 þúsund árið
2018. Aðalheiður segir um árið í ár að
fyrirtækið haldi sjó, þrátt fyrir að illa
ári í samfélaginu vegna kórónuveir-
unnar. „Hér hefur engum verið sagt
upp. Við verðum mjög nálægt núllinu í
ár, og vonandi réttum megin við það.“
Vill fleiri umhverfis-
vænar partasölur
Ljósmynd/Samtök atvinnulífsins
Verðlaun Guðni Th. Jóhannesson, forseti Íslands, Kristín Jóhannsdóttir, al-
mannatengill Netparta, Aðalheiður Jacobsen, framkvæmdastjóri Netparta,
og Halldór Benjamín Þorbergsson, framkvæmdastjóri SA.
Umhverfisverðlaun
atvinnulífsins
» Umhverfisfyrirtæki ársins er
Terra en framtak ársins á sviði
umhverfismála eiga Netpartar.
» Fyrirtækin Landsnet og
Orka náttúrunnar hafa áður átt
framtak ársins á Umhverfis-
degi atvinnulífsins.
» Netpartar voru reknir með
7,4 milljóna króna hagnaði árið
2019.
» Fyrirtækið er framúrskar-
andi að mati Creditinfo.
 Netpartar framtak ársins á Umhverfisdegi atvinnulífsins
„Kreppan er dýpri og langvinnari en
nokkur hefði getað ímyndað sér,“
segir Alexander de Juniac um ástand
og horfur í alþjóðaflugi.
Alexander er yfirmaður hjá IATA,
alþjóðasamtökum flugfélaga, sem
kynnti horfur og uppfærðar spár á
rafrænni kynningu í liðinni viku.
Þar kom fram að dregið hefur úr
væntingum þess að iðnaðurinn rétti
úr kútnum og talið er líklegt að vand-
inn dragist enn á langinn. Sem dæmi
er nú talið að heildarflugumferð í
heiminum (mæld í sætiskílómetrum)
verði nk. desember 68% minni en á
sama tíma í fyrra, en í júlí höfðu sam-
tökin spáð 55% minni umferð.
Stjarnfræðilegur taprekstur
Til að setja ástandið í samhengi
segir Alexander að flugfélög heims-
ins tapi nú sem nemur tvö þúsund
milljörðum króna á mánuði og jafnvel
þó að bóluefni verði fljótlega kynnt til
sögunnar, megi gera ráð fyrir því að
iðnaðurinn muni halda áfram að vera
rekinn með ca. þúsund milljarða
króna tapi á mánuði árið 2021.
Alexander segir að kjarni vandans
sé sá að flugfélög standi frammi fyrir
algeru tekjufalli, eða 80% að meðal-
tali á heimsvísu. Erfitt sé að fylgja
eftir með samdrætti í kostnaði og þó
gripið hafi verið til róttækra aðgerða
sé hann enn um 50% af því sem hann
var á heimsvísu. „Þess vegna eru
flugfélög enn að brenna lausafé og
eru enn rekin með miklu tapi,“ segir
Alexander um ástandið og bætir við
að mörg félög geti ekki aflað rekstr-
arfjár með hefðbundnum leiðum og
standi því frammi fyrir fjárþurrð áð-
ur en langt um líður.
Þörf á frekari ríkisaðstoð
Mörg ríki hafa varið miklu fé til að-
stoðar flugfélögum og metur IATA
að umfangið sé um 160 milljarðar
dollara á heimsvísu. Þær tímabundnu
ráðstafanir hafi þau áhrif að mun
færri flugfélög hafi gefið upp öndina,
en þó séu blikur á lofti vegna þess að
dregið hafi úr sértækum ráðstöfun-
um.
IATA ákallar því stjórnvöld að
halda uppi fjárhagslegri aðstoð í því
neyðarástandi sem ríkir.
„Ríkisaðstoðar er þörf fyrir allan
iðnaðinn,“ segir Alexander, því áhrif-
anna gætir í allri virðiskeðjunni,
þ.m.t flugvöllum og öðrum innviðum
sem eru háðir tekjum af flugumferð,
eins og þeir voru fyrir tíma veirunn-
ar. Hann segir ógnina ekki einskorð-
ast við flugiðnaðinn sjálfan, því að
mati IATA eru 10% af hagkerfi
heimsins tengd honum á einn eða
annan hátt; fjöldi beinna og afleiddra
starfa sé um 46 milljónir og efna-
hagsleg starfsemi í kringum iðnaðinn
sé 1,8 trilljónir bandaríkjadala að
mati IATA.
Ákallið er skýrt: frekari aðgerða er
þörf áður en flugiðnaðurinn lendir í
meiri þurrð og fleiri fyrirtæki fara á
höfuðið. sighvaturb@mbl.is
AFP
Flugvöllur Stórir flugflotar á jörðu niðri eru ein af birtingarmyndum þess
ástands sem ríkir í iðnaðinum á heimsvísu. Útlitið er enn dökkt að mati IATA.
Áfram svart-
sýni í flugi
 Alþjóðasamtök flugfélaga spá miklu
tapi þrátt fyrir mögulegt bóluefni