Morgunblaðið - 20.11.2020, Side 11

FRÉTTIR 11Viðskipti | Atvinnumál
MORGUNBLAÐIÐ FÖSTUDAGUR 20. NÓVEMBER 2020
Kringlan 4-12 | s. 577-7040 | www.loccitane.is
Gefðu
dekurgj
öf
um jóli
n
Sjávarútvegsfyrirtækið Brim hf.
hagnaðist um rúmlega 14,6 millj-
ónir evra, eða 2,4 milljarða króna, á
þriðja fjórðungi þessa árs. Þetta
kemur fram í tilkynningu félagsins
til Kauphallar Íslands.
Borið saman við sama tímabil í
fyrra minnkar hagnaðurinn um
20% milli ára.
Eignir Brims í lok tímabilsins
námu 777 milljónum evra, eða tæp-
um 126 milljörðum króna, og jukust
um 77 milljónir evra milli ára, eða
12,5 milljarða. Eigið fé félagsins er
nú 330 milljónir evra, eða 53,5 millj-
arðar króna.
Eiginfjárhlutfall Brims er 42%.
Rekstrartekjur samstæðunnar á
þriðja árfjórðungi voru 80,7 millj-
ónir evra en 65 milljónir á sama
tíma í fyrra.
Kristján Þ. Davíðsson stjórn-
arformaður félagsins segir í til-
kynningunni að þrátt fyrir áfram-
haldandi neikvæð áhrif kórónu-
faraldursins hafi starfsfólki Brims
með samstilltu átaki tekist vel upp
við rekstur veiða, vinnslu og mark-
aðssetningar við krefjandi að-
stæður.
Brim hagn-
ast um 2,4
milljarða
 Eignir jukust um
12,5 milljarða
Morgunblaðið/Hari
Útgerð Rekstrartekjur Brims voru
13 milljarðar kr. á þriðja fjórðungi.
BAKSVIÐ
Þóroddur Bjarnason
tobj@mbl.is
Vaxtalækkanir í kjölfar stýrivaxta-
lækkunar Seðlabanka Íslands fyrr í
vikunni eru í skoðun hjá öllum stóru
viðskiptabönkunum þremur, en Seðla-
bankinn lækkaði vexti sína um 0,25
prósentur niður í 0,75%.
Í svari Arion banka segir að þessi
mál séu í stöðugri endurskoðun og
margt spili inn í auk stýrivaxtanna,
þ.á m. þau fjármögnunarkjör sem
bankanum bjóðast almennt á markaði .
„[…] eins og komið hefur fram hefur
skuldabréfamarkaðurinn ekki fylgt al-
veg stýrivöxtum og þar hefur krafan
jafnvel hækkað að undanförnu á lengri
bréfum,“ segir í svari Arion banka.
Tveir bankar hækkuðu vexti
Bæði Íslandsbanki og Landsbank-
inn hafa hækkað vexti sína nýlega, og
gerði Ingólfur Bender aðalhagfræð-
ingur Samtaka iðnaðarins það að um-
talsefni í pistli í ViðskiptaMogganum
í vikunni. „Tveir bankar hafa nú á
stuttum tíma brugðist við hækkandi
ávöxtunarkröfu á skuldabréfamark-
aði með því að hækka vexti sína á
húsnæðislánum. Þróunin er dæmi um
það hvernig hækkun langtímavaxta
er að koma niður á heimilum lands-
ins. Hækkun langtímavaxta dregur
úr fjárfestingu í íbúðarhúsnæði og at-
vinnusköpun á því sviði en nú þegar
sjást umtalsverð merki um samdrátt
í íbúðarbyggingum, sérstaklega á
fyrstu byggingarstigum.“
Rakið til hækkunar skuldabréfa
Rúnar Pálmason upplýsinga-
fulltrúi Landsbankans segir í svari til
Morgunblaðsins, spurður um ástæð-
ur fyrir vaxtabreytingu síðasta
þriðjudag, að bankinn hafi þá hækkað
tvo útlánavaxtaflokka, þ.e. fasta vexti
á nýjum óverðtryggðum lánum til
þriggja og fimm ára. Hann segir að
aðrir útlánsvextir séu óbreyttir og
hækkunin hafi ekki áhrif á útlán sem
þegar hafa verið veitt. „Landsbank-
inn fjármagnar útlán með föstum
vöxtum meðal annars með útgáfu sér-
tryggðra skuldabréfa. Skuldabréfin
bera fasta vexti og eru boðin út á
skuldabréfamarkaði. Vaxtabreyt-
inguna frá því á þriðjudag má fyrst og
fremst rekja til þess að ávöxtunar-
krafa skuldabréfanna á skuldabréfa-
markaði (vextirnir sem bankinn þarf
að greiða) hafði hækkað umtalsvert
frá síðustu vaxtabreytingu. Í kjölfarið
hækkaði Landsbankinn fasta vexti á
óverðtryggðum íbúðalánum um 0,15-
0,20 prósentustig.“
Rúnar segir að Landsbankinn hafi
aldrei lánað jafn mikið í íbúðalán eins
og á þessu ári, og bjóði mjög sam-
keppnishæf kjör.
Í svari Íslandsbanka við fyrirspurn
Morgunblaðsins um sama mál segir
Edda Hermannsdóttir upplýsinga-
fulltrúi að hækkunin tengist því að
fjármögnunarkostnaður bankans hafi
aukist, líkt og sjá megi á skuldabréfa-
markaði.
Edda bendir einnig á að þrátt fyrir
hækkunina bjóði bankinn enn upp á
lægstu föstu vexti á íslenskum hús-
næðislánamarkaði.
Vaxtamunur minnkað
Rúnar Pálmason segir einnig í
skriflegu svari sínu að vaxtamunur
Landsbankans hafi minnkað umtals-
vert frá árinu 2016, þ.e. úr 3,1% (að
meðaltali) og í 2,5% að meðaltali árið
2020 og í 2,4% á þriðja ársfjórðungi
2020. „Vaxtamunurinn, þ.e. munur á
útlánavöxtum og því sem bankinn
greiðir fyrir fjármagn, hefur því
lækkað úr 3,1% og í 2,4% á stuttum
tíma,“ segir Rúnar.
Bankar skoða vaxtalækkanir
 Íslandsbanki og Landsbankinn hækkuðu nýlega vexti sína vegna hækkandi
ávöxtunarkröfu á skuldabréfamarkaði Landsbankinn aldrei lánað jafn mikið
Útlán Seðlabankinn vill að stýrivaxtalækkunin miðlist út í lán til fyrirtækja.
Viðskiptabankarnir eiga eftir að taka ákvörðun um vaxtabreytingar.
Flugfélaginu Play hefur verið út-
hlutað lendingarleyfum á tveimur
flugvöllum í London og einum í
Dublin. Sveinn Ingi Steinþórsson,
fjármálastjóri félagsins, staðfestir
að þarna sé um flugvellina London
Stansted og Gatwick að ræða, auk
alþjóðaflugvallarins í Dublin á Ír-
landi.
Áætlanir félagsins nú byggjast á
að fyrstu farþegar verði fluttir á
vegum þess á öðrum ársfjórðungi
næsta árs. Sveinn Ingi ítrekar þó að
mikil óvissa sé í kortunum og áætl-
anir breytist hratt sökum þess. Play
er ekki komið með flugrekstrarleyfi
og segir Sveinn að það komi ekki á
óvart. Það hafi verið lán félagsins að
vera ekki komið í loftið þegar kór-
ónuveirufaraldurinn breiddist um
heiminn.
„Við metum það svo að tækifærið
hafi aldrei verið stærra en einmitt
nú. Það eru að hlaðast upp skuldir
hjá keppinautum okkar og vanda-
málin munu ekki hverfa af mark-
aðnum. Það er stór spurning hversu
langan tíma það mun taka þessi fé-
lög að vinna upp það mikla tap sem
orðið hefur.“
Play fær lend-
ingarleyfi á
Bretlandseyjum
Morgunblaðið/Hari
Flug Play hyggst bjóða upp á flug til
fleiri staða en á Bretlandseyjum.