Morgunblaðið - 26.11.2020, Blaðsíða 6

6 FRÉTTIRInnlent
MORGUNBLAÐIÐ FIMMTUDAGUR 26. NÓVEMBER 2020
Sími 555 2992 og 698 7999
• Við hárlosi
• Mýkir liðina
• Betri næringar-
upptaka
Náttúruolía sem hundar elska
Við höfum notað Dog Nikita hundaolíu fyrir hundana
okkar í 3 ár og við erum ekkert á því að hætta.
Feldurinn á þeim er mjúkur, fallegur og hárlosið á
þeim gengur fyrr yfir. Þófarnir eru mjúkir og sléttir
en ekki harðir og grófir eins og þeir verða oft.Við
mælum með Dog Nikita hundaolíu.
Páll Ingi Haraldsson
EldurÍs hundar
Við mælum með Dog NIKITA hundaolíu
NIKITA hundaolía - Selaolía fyrir hunda
• Gott við exemi
• Betri og sterkari
fætur
Helgi Bjarnason
helgi@mbl.is
Útflutningsverð á atlantshafslaxi
hækkaði í síðustu viku eftir að hafa
lækkað síðustu vikur og verið
langt undir því
verði sem venju-
legt hefur verið
á þessum árs-
tíma undanfarin
ár. Verðið hefur
venjulega hækk-
að á haustin
vegna góðrar
sölu á aðventu
og um jól en
hækkunin hefur
látið á sér
standa í ár vegna kórónuveiru-
faraldursins.
Geyma fiskinn í sjónum
Verðið var 44,89 norskar krónur
í síðustu viku, samkvæmt Nasdaq-
verðvísitölunni, sem svarar til
rúmlega 670 kr. íslenskra. Hækk-
aði meðalverð á laxi af öllum
stærðum um 7,63% frá vikunni á
undan. Var það langþráð hækkun
vegna þess að verðið hefur farið
lækkandi síðustu vikur.
Jólavertíðin er hafin og venju-
lega eru öll laxeldisfyrirtæki að
slátra sem allra mestu á þessum
árstíma. Þau sem geta halda nú að
sér höndum og geyma laxinn í
sjónum í von um að verðið lagist.
Búast við hækkun eftir jól
„Við höfum nánast engu slátrað í
nóvember. Miðað við framvirkt
verð mun heimsmarkaðsverðið
taka við sér fljótlega eftir áramót-
in. Við höfum því fært slátrunina
að mestu yfir í janúar og febrúar,“
segir Jens Garðar Helgason, fram-
kvæmdastjóri Laxa fiskeldis á
Austfjörðum.
Jens Garðar er þar að vísa til
væntinga markaðarins. Samkvæmt
Fish Pool er búist við að verðið
fari í rúmar 57 krónur í janúar og
febrúar sem svarar til rúmlega 860
króna íslenskra. Fari verðið í þá
tölu er það samt lægra en það var
á sama tíma á síðasta ári því það
var hátt í 80 krónur norskar í jan-
úar.
Bjartsýni fylgir bóluefni
„Þegar bóluefni kemst í umferð
og það fer að slakna á samkomu-
takmörkunum í Evrópu og hótel-
og veitingahúsageirinn fer að taka
við sér má búast við að bjartsýni
aukist og markaðurinn taki við
sér á nýjan leik,“ segir Jens Garð-
ar.
Reiknað er með því að verðið
lækki aftur næsta sumar, eins og
venjan er, en jafnvægi komist á
árið 2022, samkvæmt samantekt
Fish Pool á væntingum á markaði.
Fyrsta verð-
hækkun í
langan tíma
 Laxaframleiðendur slátra sem
minnstu vegna lágs verðs á markaði
Þróun heimsmarkaðsverðs á laxi
Heimsmarkaðsverð 2013 til 2020 í viku 47
Framvirkt verð 2020-2021
Verð í 42.-47. viku 2020
75
65
55
45
35
25
75
65
55
45
35
25
75
65
55
45
35
25
2013 2014 2015 2016 2017 2018 2019 2020 2020 2021
nóv. des. 1. 2. 3. 4. ársfj.
42. 43. 44.. 45. 46. 47.
Heimild: NASDAQ
Heimild: NASDAQ
Heimild: Fish Pool
39,63
64,85
60,33
44,89
54,25
60,30
41,23
46,02
43,60
44,8945,01
Meðalverð í norskum krónum á kg
NOK/kg
NOK/kg
Ljósmynd/Laxar fiskeldi
Reyðarfjörður Laxar fiskeldi eru að byggja upp eldi í sjókvíum í Reyðar-
firði. Hér er verið að vinna á einu kvíasvæðinu í firðinum.
Jens Garðar
Helgason
Höskuldur Daði Magnússon
hdm@mbl.is
„Landslagið er allt öðruvísi en síð-
ustu ár og það er erfitt að plana fram
í tímann. Það erfiðasta er óvissan,“
segir Andrea Ösp Karlsdóttir hjá
Jólasveinar.is. Fyrirtækið sér um að
útvega jólasveina til að skemmta hjá
fyrirtækjum, samtökum og skólum
svo dæmi sé tekið.
Vegna kórónuveirufaraldursins
og samkomutakmarkana má gera
ráð fyrir að lítið verði um hefð-
bundnar jólaskemmtanir þetta árið
og Andrea segir að af þeim sökum sé
reynt að brydda upp á nýjungum svo
yngri kynslóðin fái að hitta sveinana.
„Skólar og leikskólar eru með að-
eins meira svigrúm og það er útlit
fyrir að það verði einhverjar
skemmtanir, í það minnsta utan-
dyra. En það verða nánast engin
jólaböll hjá fyrirtækjum. Það er því
hart í ári en við erum að reyna að
halda gleðileg jól og finna leiðir fyrir
þá sem vilja gera eitthvað.“
Andrea segir að dæmi séu um að
fyrirtæki bjóði upp á bingó, pipar-
kökubakstur eða föndurstund í
gegnum netið í stað jólaballa.
„Sum fyrirtæki ætla að senda
jólasveina í heimahús til starfs-
manna. Það er ekkert mál að koma í
heimsókn, hittast úti í garði eða
banka á gluggann,“ segir hún og
bætir við að unnið sé að útfærslu á
jólaböllum og leiksýningu utandyra í
Guðmundarlundi í Kópavogi í des-
ember. Þá geti fjölskyldur komið
með vasaljós í hendi, gengið um og
hitt mismunandi ævintýrapersónur,
Grýlu og Leppalúða og fleiri.
Jólasveinar munu heimsækja
Þjóðminjasafn Íslands í ár eins og
síðustu ár. Væntanlega munu þau
Grýla og Leppalúði koma þar sömu-
leiðis við áður en synir þeirra koma
af fjöllum hver á fætur öðrum. Mar-
grét Hallgrímsdóttir þjóðminjavörð-
ur segir það skýrast fljótlega hvern-
ig heimsóknir jólasveinanna verða
útfærðar en safnið er opið og allir
velkomnir að hennar sögn.
Þá verður sömuleiðis hægt að
heimsækja jólasveinana í Dimmu-
borgum. Vegna samkomutakmark-
ana eru þó einungis tíu miðar til sölu
á hvern viðburð fyrir fólk sem fætt
er fyrir 2015 en börn á leikskólaaldri
þurfa ekki að kaupa miða. Miðum
verður bætt við ef slakað verður á
sóttvarnareglum.
Leita nýrra leiða fyrir jólaskemmtanir
 Hart er í ári hjá jólasveinum vegna samkomutakmarkana  Dagskrá verður í Þjóðminjasafninu
Morgunblaðið/Hari
Jólagleði Búast má við því að meira verði um að börn hitti jólasveina utan-
dyra í ár en á hefðbundnum jólaskemmtunum vegna samkomutakmarkana.