Studia Islandica - 01.06.1937, Page 14

12
hafði þar skóla; þar nam Þorlákur helgi. Um Eyjólf
segir sagan, að hann hafði bæði „höfðingskap mikinn
ok lærdóm góðan, gæzku og vitsmuni gnægri en flestir
aðrir“.r) Þessi klerklegi lærdómur í Odda hefur verið
arfur eftir Sæmund, sem naut óvenjulegrar virðingar
meðal samtíðarmanna sinna vegna lærdóms síns, og
synir hans hafa fetað í fótspor hans. Og þegar Jón
Loftsson á að svara erkibiskups erindi, ber hann fyrir
sig þessa ættmenn sína og hina fyrri biskupa; þegar
Sighvatur Hálfdánarson á að svara kröfum Árna bisk-
ups kringum öld síðar, ber hann líka fyrir sig Sæmund
fróða.1 2 3)
En einnig innlend fræði hafa verið höfð þar í met-
um. Sagnarit Sæmundar byggðist á innlendu efni, þó að
á latínu hafi verið. í Sturlu sögu segir, að „Oddi Þor-
gilsson var at fóstri í Odda með Sæmundi Sigfússyni,
ok varð hann fróðr“.s) Það væri gaman að geta vitað
dálítið um þessi innlendu fræði í Odda. f riti um Odda-
verja hefur Halldór Hermannsson gert tilraun til að
komast að því.4) f formála Sigurðar Nordals að Egils
sögu er líka minnzt á þetta. í því sem hér fer á eftir,
langar mig til að leggja nokkuð til þess máls, og mun ég
taka nokkuð sérstakt efni til meðferðar: sagnaritun,
sem beint eða óbeint snertir ætt þeirra og ættrækni. Það
má taka fram, að hér dregur eitt ritið annað á eftir
sér, en í þetta sinn verður ekki fjallað nema um fáein
af þeim, sem til greina geta komið.
Þegar Snorri greinir frá heimildum sínum í formála
Heimskringlu, kemst hann m. a. svo að orði: „í bók
þessa lét ek rita fornar frásagnir um höfðingja þá, er
ríki hafa haft á Norðrlöndum ok á danska tungu hafa
1) Bisk. I 90.
2) Bisk. I 693.
3) Sturlu s., 1. kap., Sturl. I 54.
4) Halldór Hermannsson: Sæmund Sigfússon and the Odda-
verjar, Islandica XXII.