Fréttablaðið - 06.03.2021, Side 8

BORGARNE S „Þetta er ótrúlega
spennandi og ég er mjög glöð yfir
að vera komin á þennan stað eftir
þriggja ára undirbúning,“ segir
Helga Halldórsdóttir.
Áamt Magnúsi Scheving og
fleirum stefnir Helga að því að setja
upp svokallaðan upplifunargarð
í Borgarnesi sem myndi byggja á
hugmyndafræði Latabæjar. Byggða­
rráð Borgarbyggðar tók jákvætt í
málið á fundi í vikunni.
„Við Magnús ásamt Páli Kr. Páls­
syni ráðgjafa, sem hefur verið að
vinna með okkur í þessu verkefni,
fórum á fundinn þar sem við kynnt­
um ákveðnar hugmyndir. Við feng­
um góðar viðtökur og byggðar ráð er
mjög áhugasamt um að þetta verði
að veruleika,“ segir Helga sem fór inn
í verkefnið nánast fyrir tilviljun.
Magnús, sem er uppalinn í
Borgarnesi, og eiginmaður Helgu
eru vinir frá því í gamla daga. Eftir
samtal þeirra á milli árið 2017 tóku
þau fjölmarga muni úr Latabæjar­
stúdíóinu í geymslu.
„Þá fórum við strax af stað að
skoða þetta verkefni og höfum
tvisvar fengið styrk úr Uppbygg­
ingarsjóði Vesturlands sem er hluti
af sóknaráætlun landshlutans og
hefur gert það að verkum að við
erum komin á þennan stað sem við
erum í dag. Við erum afar þakklát
Uppbyggingarsjóðnum fyrir það af
hafa trú á okkur.“
Þegar Magnús seldi réttinn að
Latabæ til Turner­samsteypunnar
forðum daga eignaðist stórfyrir­
tækið einkarétt á vörumerkinu.
Það hefur því tekið nokkurn tíma
að semja við Turner og fá leyfi til að
nota nafnið og munina.
„Það flækti málin aðeins en nú er
ákveðið samkomulag komið í höfn
við Turner,“ segir Helga.
Borgnesingar eru að sögn Helgu
mjög stoltir af Magnúsi og því sem
hann hefur afrekað.
„Okkur finnst þessi upplifunar­
garður hvergi eiga eins vel heima og
í Borgarnesi í hans gamla heimabæ,
því hann hefur auðvitað sagt það
sjálfur að margar af fyrirmynd­
unum úr Latabæ séu persónur sem
hann kynntist hér í gamla daga.“
Lokið hefur verið við forhönnun
sýningarinnar inn í 2.000 fermetra
hús auk útiaðstöðu. Í húsinu verði
safn, stúdíó og veitingastaður.
„Við teljum að þessu sé best
komið fyrir á góðri lóð rétt fyrir
utan bæinn. Borgarnes er auðvitað
svolítið erfitt landfræðilega séð,
langt og mjótt nes, en sveitarfélagið
á töluvert af landi,“ segir Helga.
Fram undan eru viðræður við
Borgarbyggð og lóðamálið.
Borgarbyggð sýnist í dauðafæri
að auka af þreyingu í sveitarfélag­
inu þótt Borgarnes bjóði upp á ótal
margt annað en vegasjoppur og
Bjössaróló.
„Latibær er eitt þekktasta vöru­
merki Íslendinga, það var verið að
sýna þættina í um 190 löndum og
Magnús er sendiherra hreyfingar
og heilsusamlegs lífsstíls. En nú
tekur við frekari undirbúningur,
fullmóta þarf hugmyndina, móta
umgjörð framkvæmda og afla fjár­
magns sem þarf til að gera verk­
efnið að raunveruleika. Þetta mun
kosta töluverða fjármuni og það fé
þarf að koma frá fjárfestum. Þetta
er vinnan fram undan og pappírs­
vinna og f leira, því það er svolítill
frumskógur sem þarf að komast í
gegnum fyrst. Við höfum tekið var­
færin skref hingað til og ætlum að
gera það áfram,“ segir Helga.
benediktboas@frettablaid.is
Turner leyfir Borgarnesi að fá Latabæ
Borgnesingar eru stoltir af Magnúsi Scheving, skapara Latabæjar. Magnús og hópur heimamanna vilja reisa stóran upplifunargarð
byggðan á hugmyndafræðinni úr Latabæ. Hendur munu standa fram úr ermum, enda enginn latur í Latabæ, hvað þá Borgarnesi.
Stefán Karlsson heitinn og Magnús Scheving sem Glanni glæpur og Íþróttaálfurinn á góðri stundu. MYND/LATIBÆR
Okkur finnst þessi
upplifunargarður
hvergi eiga eins vel heima og
hér í Borgarnesi.
Helga Hall-
dórsdóttir hjá
Upplifunagarði
Borgarness
IÐNAÐUR Iðnþing 2021 fór fram
í Hörpu á fimmtudag og var það
ályktun þingsins að á næstu tólf
mánuðum ráðist að miklu leyti
efnahagsleg framtíð landsins. Sam­
tök iðnaðarins (SI) leggja það til í
ályktun sinni að stjórnvöld vinni
markvisst að því næstu mánuði að
skapa eftirsótt störf og auka verð­
mæti.
Í ályktuninni kemur meðal ann­
ars fram að til þess að skapa efna­
hafsleg lífsgæði á Íslandi þurfi að
auka landsframleiðslu um 545 millj­
arða króna á næstu fjórum árum og
auka gjaldeyristekjur um 300 millj­
arða. Þá þurfi að fjölga störfum um
29 þúsund til að mæta atvinnuleysi
í landinu.
Í ályktuninni segir að til þess að
þetta verði að veruleika þurfi að
„slíta fjötra og sækja verðmætin“
og í því samhengi segjast SI munu
leggja áherslu á starfsumhverfi, inn­
viði, nýsköpun og menntun.
Meðal áhersla samtakanna er til
að mynda framlenging á átakinu
Allir vinna, til ársins 2022, hækkun
skattafrádráttar vegna fjárfestinga
einstaklinga í sprotafyrirtækjum
og aukin framlög til Tækniþróunar­
sjóðs.
Árni Sigurjónsson var endurkjör­
in formaður Samtaka iðnaðarins á
þinginu. – bdj
Efnahagsleg
framtíð ráðist á
næsta árinu
Árni
Sigurjónsson.
Í ályktuninni kemur
fram að fjölga þurfi störfum
um 29 þúsund til að mæta
atvinnuleysi í landinu.
ERT ÞÚ EINN AF
14.000
HLUTHÖFUM
Í ICELANDAIR?
KYNNTU ÞÉR MÁLIÐ Á STEINNLOGI.IS
Ég, Steinn Logi Björnsson,
sækist eftir sæti í stjórn Icelandair á
aðalfundi félagsins 12. mars 2021 nk.
Til þess að styðja mig þarft þú, sem
hluthafi í Icelandair, að veita mér umboð
eða skrá þig á rafrænan aðalfund félagsins
fyrir kl. 12, sunnudaginn 7. mars.
6 . M A R S 2 0 2 1 L A U G A R D A G U R8 F R É T T I R ∙ F R É T T A B L A Ð I Ð