Fréttablaðið - 13.03.2021, Blaðsíða 4

TÖLUR VIKUNNAR 07.03.2021 TIL 13.03.2021
1.400
manns mættu í skimun
fyrir COVID-19 á mánudag.
30
milljarðar er virði
Creditinfo group
í viðskiptum í
vikunni.
370
þúsund var launahækkun for-
stjóra Orkuveitunnar.
5.000
farþegar ferðuðust í
millilandaflugi með
Icelandair í febrúar.
Þrjú í fréttum
Sálfræðingur,
lögmaður og
formaður
Álfheiður Guðmundsdóttir
formaður fagdeildar
sálfræðinga við
skóla
segir ekki
mikið um að
nemendur hafi
leitað til skóla-
sálfræðinga eftir
að vefur Menntamálastofnunar
hrundi í samræmdu prófi. Hún
segir eðlilegt að pirringur myndist
meðal nemenda og að aðstæðurnar
skapi óvissu. „En það getur verið
þroskandi að takast á við óvissu
og átta sig á því að hlutirnir geta
klikkað,“ segir hún.
Jón Steinar Gunnlaugsson
hæstaréttarlög-
maður
segir fólk veitast
að sinni per-
sónu og snúa út
úr skoðunum
sínum. Hörð
gagnrýni kom fram
af hálfu kvenréttindafélaga eftir að
dómsmálaráðherra fól honum að
vinna að tillögum um mögulega
styttingu á málsmeðferðartíma
sakamála. Aðkoma Jóns Steinars
að endurbótum í kynferðisbrota-
málum var sögð senda konum
„kaldar kveðjur“. Jón Steinar sagði
sig frá verkefninu í gær.
Ragnar Þór Ingólfsson
formaður VR
sagðist í gær vera
„ofboðslega þakk-
látur fyrir þennan
stuðning sem
ég fékk og mjög
auðmjúkur fyrst
og fremst.“ Ragnar
var í gær endurkjörinn formaður
VR með 63 prósentum atkvæða.
Þátttaka í atkvæðagreiðslunni var
sú mesta í sögu félagsins, 28 prósent
félagsmanna tóku þátt, en 35.919
manns voru á kjörskrá. Ragnar Þór
er jafnframt fyrsti formaður VR
sem stendur af sér mótframboð.
af 4.200 nemendum
tókst að ljúka
samræmdu prófi í
íslensku.
3.500
SAMFÉLAG „Við erum búin að vera
í þessari baráttu bæði í gegnum
Íslandsspil og Landsbjörg í ára-
raðir. Við höfum fundað með stjórn-
völdum og ráðherrum til að koma á
breytingum er varða spilakassana,“
segir Þór Þorsteinsson, formaður
Landsbjargar, spurður um afstöðu
félagsins til kröfu Samtaka áhuga-
fólks um spilafíkn (SÁS) um lokun
spilakassa.
Tvö fyrirtæki sjá um rekstur
spilakassa hér á landi, Íslandsspil og
Happdrætti Háskóla Íslands (HHÍ),
Íslandsspil eru rekin af Rauða kross-
inum og Landsbjörg. Þór segir nauð-
synlegt að sameina alla þá starfsemi
sem snýr að hvers konar spilun hér
á landi undir einn hatt til að útiloka
samkeppni.
„Að okkar mati á ekki að vera
samkeppni á spilamarkaði sem er
til góðgerðarmála,“ segir Þór. „Þetta
ætti bara að vera eitt batterí með
sem minnsta yfirbyggingu,“ bætir
hann við.
Þá vísar Þór til þess að HHÍ hafi
víðtækari heimildir til hærri vinn-
inga og sameiginlegra potta en
Íslandsspil, það skýrist af því að
fyrirtækin starfa eftir tveimur
ólíkum reglugerðum. HHÍ starfar
eftir reglugerð um pappírslaust pen-
ingahappdrætti þar sem heimild er
fyrir sameiginlegum söfnunarpotti
en Íslandsspil vinnur eftir reglugerð
um söfnunarkassa þar sem sú heim-
ild er ekki til staðar. Þór segir þetta
verða til þess að vinningspottar
HHÍ séu mun hærri en Íslandsspila
og að þau sem eigi við spilafíkn að
etja sæki frekar þangað sem vinn-
ingarnir eru hærri.
Þór segir það ekki draumastöðu
Landsbjargar að reka spilakassa
en ekki sé önnur lausn í sjónmáli.
„Við þurfum fjármagn til rekst-
urs og þetta er sá gjaldmiðill sem
við fengum upp í hendurnar. Við
höfum þó leitað leiða til breytinga,
til að mynda lagt til spilakortin,“
segir hann.
Spurður að því hvort til greina
komi að loka kössunum til að
sporna við vanda spilafíkla segir
Þór það f lókið mál. Miklar breyt-
ingar hafi orðið á starfsemi Lands-
bjargar, verkefnum hafi fjölgað og
þau séu orðin f lóknari. Fjármagn
þurfi til að sinna þeim öllum.
„Vandamálið hverfur heldur ekki
með því að loka kössunum. Það er
verið að varpa ábyrgðinni frá fíkl-
unum og yfir á spilakassana,“ segir
Þór. „Það er hluti bataferils fíknar
að taka ábyrgð og viðurkenna sína
fíkn og leita sér hjálpar.“
Baldvin Þorsteinsson, fíkniráð-
gjafi hjá SÁÁ, segir spilafíkla þurfa
að taka ábyrgð á sínum sjúkdómi
en að stór hópur fólks hafi náð að
byggja sig upp þegar spilakössum
og spilasölum var lokað vegna sótt-
varnaaðgerða. „Þessir kassar eru
markaðssettir til að herja á þennan
hóp en margir okkar skjólstæðinga
náðu að njóta lífsins á meðan þeir
voru lokaðir og sem betur fer hafa
nokkrir náð að halda því.“
Baldvin segir það stórt réttlætis-
mál að loka kössunum, þeir séu
skaðvaldur. „Ef þú ert veikur fyrir
þá nær kassinn þér. Það er enginn
að tala um að það eigi að loka fyrir
lottó eða eitthvað slíkt en þarna er
bara verið að fara illa með spila-
fíkla. Það væri stórt og mikið skref
fyrir stóran hóp að hafa ekki aðgang
að spilakössum,“ segir hann.
birnadrofn@frettabladid.is
Segir ábyrgðinni varpað frá
spilafíklunum á spilakassana
Formaður Landsbjargar segir nauðsynlegt að útrýma samkeppni á spilamarkaði. Það sé ekki drauma-
staða félagsins að reka spilakassa en fjármagn þurfi til að sinna auknum og flóknari verkefnum. Þá hafi
ábyrgðinni verið varpað frá spilafíklum á kassana. Fíkniráðgjafi segir réttlætismál að loka kössunum.
Tekjur Landsbjargar frá spilakössum árið 2018 voru um 242 milljónir og um 80 milljónir í fyrra. FRÉTTABLAÐIÐ/VALLI
Að okkar mati á
ekki að vera sam-
keppni á spilamarkaði sem
er til góðgerðarmála.
Þór Þorsteinsson,
formaður Lands-
bjargar
BJÓÐUM UPP Á 37” - 40” BREYTINGAPAKKA
BREYTINGAVERKSTÆÐI ÍSBAND,
SMIÐSHÖFÐA 5, SÉRHÆFIR SIG Í
BREYTINGUM Á RAM PALLBIFREIÐUM.
ÍSBAND UMBOÐSAÐILI RAM Á ÍSLANDI
RAM 3500
BÍLL Á MYND RAM 3500 LARAMIE SPORT MEGACAB MEÐ 35” BREYTINGU
VERÐ FRÁ 7.547.906 KR. ÁN VSK.
9.359.403 KR. M/VSK.
UMBOÐSAÐILI JEEP® OG RAM Á ÍSLANDI • ÍSLENSK-BANDARÍSKA • ÞVERHOLT 6 • 270 MOSFELLSBÆR
S. 590 2300 • WWW.ISBAND.IS • ISBAND@ISBAND.IS • OPIÐ VIRKA DAGA 10-18 • LAUGARDAGA 12-16
GOTT ÚRVAL BÍLA TIL AFHENDINGAR STRAX
1 3 . M A R S 2 0 2 1 L A U G A R D A G U R4 F R É T T I R ∙ F R É T T A B L A Ð I Ð