Fréttablaðið - 13.03.2021, Blaðsíða 10

SAMGÖNGUMÁL Töluverð óánægja
er innan Giljahverfis og Síðuhverfis,
úthverfanna í norðvesturhluta
Akureyrar, með nýtt leiðakerfi
strætisvagna. Samkvæmt kerfinu,
sem tekur gildi þann 1. júní, verður
minni keyrsla í Síðuhverfi og ekki
keyrt inn í Giljahverfi. Samkvæmt
heimildum Fréttablaðsins hafa
íbúarnir sent inn athugasemdir til
bæjarins í undirbúningsferlinu og
mótmælt harðlega.
A nd r i Teit s son, for maðu r
umhverfis- og mannvirkjaráðs
Akureyrar, segir að nýja kerfið sé
ekki meitlað í stein þó að stefnan nú
sé að hverfa ekki frá þeim áætlun-
um sem gerðar hafa verið. Hið nýja
leiðakerfi byggi á hugmyndafræði
um að tíðni ferða aukist og leiðirnar
verði beinni milli bæjarhluta til að
auka hraðann. Þetta sé til hagsbóta
en hafi þó fórnarkostnað.
„Þessi hugmyndafræði er á
kostnað þess að allar hliðargötur
séu þræddar. Í einhverjum til-
vikum á fólk þá lengri gönguleið
að strætóstöð en áður,“ segir Andri.
„Það er ekki hægt að gera allt í einu
í sama kerfinu. Með þessu var horft
til meiri heildarhagsmuna.“
Með breytingunni verður leiðum
fækkað úr sex í tvær en tengingar
styttri milli skóla, íþróttamann-
virkja og tómstundastarfs. Auð-
veldara á að vera að skipta úr einni
leið í aðra þar sem þær mætast.
Aðspurður um hvort eitthvað verði
gert til þess að koma til móts við
óánægjuraddir úthverfanna segir
Andri svo vera. „Til dæmis verður
séð til þess að snjómokstur og
hálku varnir verði góðar á leiðunum
að stætóstöðvunum,“ segir hann.
Andri ítrekar að nýja leiða-
kerfið sé ekki sparnaðarráðstöfun
og vögnum ekki fækkað. Á fundi
ráðsins í gær hafi verið ákveðið að
kaupa nýjan metanknúinn strætis-
vagn, þann fjórða í f lotanum.
Ólíkt strætisvagnakerfum ann-
ars staðar, til dæmis á höfuðborg-
arsvæðinu, er ókeypis í vagnana á
Akureyri. Andri segir engar hug-
myndir hafa komið fram um að
breyta því í þessari heildarupp-
stokkun á leiðakerfinu. Kostnaður
Akureyrarbæjar við kerfið er um
250 milljón krónur á ári.
Síðasta endurskoðun á leiða-
kerfinu var gerð árið 2016 og sam-
kvæmt Andra gafst sú breyting
ekki vel. Nýting vagnanna hafi þá
hrunið um tugi prósenta vegna
þess að kerfið hentaði ekki hópum
fólks. „Það var því ekki úr háum
söðli að falla. Núverandi leiða-
kerfi hefur ekki reynst mjög vel,“
segir hann. Aðspurður um hvað
bæjarstjórn vonist til þess að hið
nýja kerfi auki notkunina mikið,
segir hann hins vegar að ekki séu
komin fram töluleg markmið um
það. „Ef vel tekst til eigum við heil-
mikið inni.“
kristinnhaukur@frettabladid.is
Núverandi kerfi
hefur ekki reynst
mjög vel.
Andri Teitsson,
formaður um-
hverfis- og mann-
virkjaráðs
Færri stopp í
úthverfunum
Í nýju strætisvagnaleiðakerfi Akureyrar er leiðum
fækkað úr sex í tvær. Formaður umhverfis- og
mannvirkjaráðs segir horft til heildarhagsmuna.
Í nýja leiðakerfinu eru tvær leiðir í stað sex. MYND/AF VEF AKUREYRARBÆJAR
Síðuhverfi
Giljahverfi
VIÐSKIPTI Tillaga að breytingu á
miðlun upplýsinga um matvæli
er nú til umsagnar í Samráðsgátt
stjórnvalda en á Íslandi er skylt að
endurmerkja forpökkuð matvæli
frá ríkjum utan Evrópska efnahags-
svæðisins (EES), með tilheyrandi
kostnaði fyrir neytendur.
Lagt er til að veita megi innihalds-
upplýsingar með rafrænum hætti í
gegnum QR-kóða eða strikamerki
fyrir smáforrit. Ólafur Stephensen,
framkvæmdastjóri Félags atvinnu-
rekenda, segir um mikilsverðan
áfanga að ræða verði breytingarnar
samþykktar. Þær muni bæði draga
úr kostnaði og bæta upplýsingagjöf
til neytenda.
„Það er hins vegar takmarkað
hversu miklum upplýsingum er
hægt að koma á umbúðir,“ segir
Ólafur. – bdj
Upplýsingagjöf rafvædd
Forgangssvið við úthlutun í ár eru:
Efling starfs- og tæknináms í framhaldsfræðslu.
Þróun starfstengds tungumálastuðnings í framhaldsfræðslu.
Stafræn og/eða græn hæfniuppbygging í framhaldsfræðslu.
Við mat á umsóknum er m.a. litið til þess hvernig þær falla að markmiðum 2. greinar laga
nr. 27/2010 um framhaldsfræðslu, faglega þekkingu og reynslu umsækjanda af að vinna
verkefni sem sótt er um styrk til.
Að auki þurfa umsóknir að uppfylla eftirfarandi skilyrði:
Vera vandaðar og skýrt fram settar.
Skýr tenging við markhóp laga um framhaldsfræðslu.
Mæti sýnilegri þörf fyrir úrræði í framhaldsfræðslu.
Hafi skýr skilgreind markmið og skilgreinda verkefnastjórn.
Hafi skýra kostnaðar-, verk- og tímaáætlun.
Skili hagnýtri afurð og verði vel kynnt.
Verkefnin skulu vera opin öllum fræðsluaðilum, mega ekki gera kröfu um umtalsverðan eða
íþyngjandi kostnað, eða flókna sérfræðiþekkingu fyrir þá sem nýta sér afurðina.
Eingöngu er tekið við umsóknum á rafrænu formi. Umsóknareyðublað, lög um framhaldsfræðslu
nr. 27/2010 og nánari upplýsingar um vinnuferli og viðmið vegna styrkumsóknar er að finna
á vef Fræðslumiðstöðvar atvinnulífsins, www.frae.is
Umsóknarfrestur er frá 15. mars og til 19. apríl.

Auglýst er eftir umsóknum um styrki úr Fræðslusjóði
til nýsköpunar- og þróunarverkefna.
Styrkir
VR | Kringlunni 7 | 103 Reykjavík | Sími 510 1700 | vr@vr.is | vr.is
Aðalfundur VR
Fundurinn fer fram bæði sem staðfundur
og fjarfundur í senn. Félagsmenn sem ætla
að sækja fundinn verða að skrá sig fyrirfram
annað hvort á stað- eða fjarfund á vef VR,
fyrir kl. 12.00 á fundardegi. Á staðfundi
verður grímuskylda viðhöfð og sóttvörnum
fylgt í hvívetna.
Vegna fyrirkomulags fundarins verða
allar kosningar rafrænar og fundargögn
sömuleiðis.
Aðalfundur VR verður haldinn miðvikudaginn
24. mars 2021 kl. 19.30 á Hilton Reykjavík Nordica.
Mikilvægt er að öll sem mæta á fundinn
hafi meðferðis viðeigandi búnað (tölvu
eða snjalltæki) til þess að geta tekið þátt
í kosningum.
Á dagskrá eru hefðbundin aðalfundarstörf,
lagabreytingar og ákvörðun um innborgun
í VR varasjóð.
Dagskrá og frekari upplýsingar er að finna
á vr.is/adalfundur.
1 3 . M A R S 2 0 2 1 L A U G A R D A G U R10 F R É T T I R ∙ F R É T T A B L A Ð I Ð