Fréttablaðið - 13.03.2021, Blaðsíða 104

RITSTJÓRN
ritstjorn@frettabladid.is
AUGLÝSINGADEILD
auglysingar@frettabladid.is
PRENTUN
Torg ehf.
DREIFING Póstdreifing ehf.
dreifing@postdreifing.is 550 5000
Óttars
Guðmundssonar
BAKÞANKAR
Í aðdraganda Örlygsstaðabar-daga árið 1238 lagðist Sturla frændi minn Sighvatsson á bæn.
Hinum megin víglínunnar hvatti
Gissur Þorvaldsson sína menn
til dáða. Ræðunni lauk hann með
orðunum: Gæti vor allra Guð. Bæði
Sturla og Gissur lærðu ungir að leita
til almættisins um hjálp.
Síðustu vikur hafa menn deilt um
kristnifræðikennslu. Álitsgjafar
hafa farið hamförum á netinu og
sagt að nær væri að kenna börnum
trúarbragðasögu eða siðfræði.
Kristnidómnum væri ofaukið í
skólum landsins!
Þetta er tímanna tákn. Vísinda-
menn greina virkni eldfjalla í
iðrum jarðar. Spekingar með spá-
líkan og tölvuskjá segja fyrir um
gang drepsótta og eldfjallavirkni.
Öll óvissa er eitur í beinum nútíma-
manna. Þegar lífið verður fyrir-
sjáanlegt er engin þörf fyrir Guð.
Móðir mín kenndi mér faðirvorið
og nokkrar bænir sem hafa reynst
mér vel í lífsins ólgusjó. Í barna-
messum Laugarneskirkju lærði ég
sálma sem ég hef oft raulað mér til
hugarhægðar. Þegar ég fór í aðgerð
á dögunum þuldi ég vers eftir séra
Hallgrím á leið inn á skurðstofuna.
Mér fannst það reynast mun betur
en lyfjasull svæfingalæknisins.
Ég lærði því lungann úr minni
kristnifræði við móðurkné, en ekki
í Laugarnesskólanum.
Lífið er þó ekki alltaf fyrirsjáan-
legt eins og við Sturla frændi höfum
margsinnis fengið að sannreyna.
Þegar fokið er í f lest skjól finnst
mér vænlegast að biðja til Guðs.
Hinir geta á ögurstundum lífsins
rifjað upp trúarbragðasögu eða
siðfræði og beint augum sínum til
tölvunnar í von um hjálp. Hallgrím-
ur heitinn Pétursson vitjaði mín
reyndar í draumi og fór með þessar
hendingar úr Passíusálmunum:
„Svo er án bænar sálin snauð,
sjónlaus, köld, dauf og rétt stein-
dauð.“
Ungum er það
allra best
mottumars.is
AUKATÓNLEIKAR 22. MARS KL. 20.00 ELDBORG HÖRPU
UPPSELT 21. MARS!