Fréttablaðið - 20.03.2021, Qupperneq 34

Nýjasta áhugamál Arnaldar
Pálmasonar er að klippa hár fjöl-
skyldumeðlima sinna og vina.
Heimsókn á tyrknesku rakara-
stofurnar í Berlín kveiktu áhuga
hans.
Arnaldur Pálmason er tæplega
sextán ára dellukarl að eigin sögn
en nýjasta áhugamálið hans er að
klippa hár karlkyns fjölskyldu-
meðlima sinna og vina. „Ég bjó
ásamt hluta fjölskyldu minnar í
Berlín í Þýskalandi síðasta vetur
og þar kviknaði áhugi minn þegar
ég fór í klippingu á tyrknesku
rakarastofunum í borginni. Þegar
heimsfaraldurinn skall á og ég,
eins og flestir aðrir, komst ekki í
klippingu fór ég að skoða You-
Tube-myndbönd um klippingar og
smátt og smátt kviknaði áhuginn
á að klippa eigið hár og annarra.
Þegar ég varð fimmtán ára fékk ég
í afmælisgjöf frá foreldrum mínum
rakaravél ásamt helstu tækjum og
tólum sem þarf til að klippa hár.
Ég byrjaði á því að klippa bræður
mína, pabba minn og líka sjálfan
mig en ég vil sérstaklega þakka
litla bróður mínum fyrir að vera
einhvers konar tilraunadýr hjá mér
en fyrsta klippingin var ekki beint
upp á marga fiska.“
Hann segist lengi hafa verið
dellukarl en á undanförnum
árum hefur hann meðal annars
Geggjuð tilfinning
að gefa ferska
klippingu
Góðir vinir Arnaldar koma oft í klippingu til hans og ganga fínir út.
„Ég byrjaði á
því að klippa
bræður mína,
pabba minn
og líka sjálfan
mig en ég vil
sérstaklega
þakka litla
bróður mínum
fyrir að vera
einhvers konar
tilraunadýr hjá
mér en fyrsta
klippingin var
ekki beint upp
á marga fiska,“
segir Arnaldur
Pálmason.
FRÉTTABLAÐIÐ/
SIGTRYGGUR ARI
Arnaldur fékk helstu tæki og tól í afmælisgjöf frá foreldrum sínum.
fengið brennandi áhuga á jafn
ólíkum hlutum og bílum, körfu-
bolta, brauðgerð og pítsubakstri,
og matargerð. „Ég sé reglulega um
eldamennskuna heima fyrir og
elda til dæmis stundum rétti úr
þekktum kvikmyndum og ýmis-
legt tengt ítalskri matargerð.“
Geggjað að breyta fólki
Í dag er Arnaldur búsettur á höfuð-
borgarsvæðinu. Hann byrjar í
menntaskóla næsta haust og spilar
körfubolta með Val. „Ég sé hiklaust
fyrir mér að halda áfram að klippa
fólk næstu árin. Það veitir bæði
útrás fyrir sköpunarþörfina og svo
fæ ég stundum umbun fyrir. Um
þessar mundir er ég helst að klippa
hár karlanna í fjölskyldunni auk
þess sem ég held uppi þjónustu
fyrir félaga mína. Góðir vinir
mínir koma oft í klippingu og
ég fæ stundum greitt, til dæmis í
páskaeggjum, kvöldmat eða bara í
peningum. Það er auðvitað fínt að
fá eitthvað til baka en það er fyrst
og fremst geggjuð tilfinning að
breyta einhverjum og gefa honum
ferska klippingu.“
Ætlar að njóta lífsins
Næsta sumar er óráðið eins og
staðan er í dag en Arnaldur gerir
fastlega ráð fyrir að halda áfram að
klippa fjölskyldumeðlimi og vini
sína, ásamt ýmsu öðru. „Í sumar
ætla ég bara að reyna mitt besta til
að njóta lífsins, spila körfubolta og
reyna að græða einhvern pening.
Ef heimsfaraldurinn verður í lág-
marki sé ég fyrir mér að ferðast
aftur til Berlínar og þá ætla ég
pottþétt að fá mér gott kebab og
skella mér í klippingu á einhverri
rakarastofunni.“
Ég sé hiklaust fyrir
mér að halda
áfram að klippa fólk
næstu árin. Það veitir
bæði útrás fyrir sköp-
unarþörfina og svo fæ ég
stundum umbun fyrir.
Arnaldur Pálmason
Mest selda
liðbætiefni
á Íslandi
EYMSLI, STIRÐLEIKI
EÐA BRAK Í LIÐUM?
2-3ja
mánaða skammtur íhverju glasi
4 kynningarblað A L LT 20. mars 2021 LAUGARDAGUR