Fréttablaðið - 20.03.2021, Síða 85

Lestu nánar á midflokkurinn.is
Gleymum ekki
hinum stóru
málunum
Frjálslyndi
Frjálslyndi og önnur grunngildi samfélagsins eiga undir högg að sækja.
Tjáningarfrelsi og opin skoðanaskipti hafa farið halloka fyrir nýjum
rétttrúnaði þar sem yfirborðsmennska og ímyndarsköpun ráða för.
Miðflokkurinn telur að frjáls tjáning og opin skoðanaskipti séu forsenda
framfara. Við erum óhrædd við að fara gegn hóphugsun stjórnmálanna og
berjast fyrir því sem við teljum að þurfi að breyta en verja það sem hefur
reynst vel.
Öryggi
Það er frumskylda ríkisvaldsins að vernda öryggi borgaranna. Miðflokkurinn
hefur beitt sér fyrir því að lögregla og landamæraeftirlit fái úrræði og
fjármagn til að beita sér gegn skipulagðri glæpastarfsemi og að gerðar verði
ráðstafanir til að bregðast við skýrslu Ríkislögreglustjóra um stóraukin
umsvif afbrotahópa á Íslandi. Liðsmönnum erlendra glæpagengja á að vísa
úr landi.
Eldri borgarar
Árið 2014 var eldri borgurum veitt fyrirheit um að þegar búið væri að
endurreisa efnahagslíf landsins fengju þeir að njóta þess í bættum kjörum.
Endurreisnin náðist hraðar og betur en flestir bjuggust við en eldri borgarar
bíða enn og búa við ósanngjarnar skerðingar sem draga úr vilja til að spara
og vinna. Miðflokkurinn hefur frá upphafi lagt áherslu á að staðið verði við
fyrirheitin við eldri borgara.
Ísland allt
Miðflokkurinn berst fyrir stórtækustu áætlun sem kynnt hefur verið til að
efla byggðir landsins alls. Þar helst allt í hendur, heilbrigðismál, menntun og
önnur þjónusta ríkisins, samgöngur, skattalegir hvatar, atvinnuuppbygging,
orkumál, fjarskipti og annað sem varðar daglegt líf fólks. Grunnhugmyndin
er sú að allir landsmenn eigi rétt á sömu þjónustu og lífsgæðum óháð búsetu.
Með heildaráætluninni „Ísland allt“ verjum við byggðir landsins og aukum
værðmætasköpun samfélaginu öllu til hagsbóta.
Baráttan við báknið
Báknið vex stjórnlaust og kerfisvæðingin eykst. Afleiðingin er sú að það
verður sífellt erfiðara að stofna eða reka lítil fyrirtæki og skapa ný verðmæti.
Lítil fyrirtæki þurfa að ráða sérfræðinga til að fást við kerfið. Fólk þarf svo að
borga hærri skatta til að standa undir stækkandi bákni. Miðflokkurinn berst
fyrir því að minnka báknið, lækka álögur á almenning og einfalda lífið.
Verjum fullveldið
Nú þarf að verja fullveldið. Fullveldi Íslands hefur skilað samfélaginu
gífurlegum árangri. Á síðustu árum hefur það reynst ómetanlegt við að
leysa gríðarstór mál á borð við Icesave og uppgjör bankanna sem gjörbreytti
efnahagsstöðu landsins. Í bóluefnamálum hefði beiting fullveldis skipt
sköpum. Miðflokkurinn stendur vörð um fullveldið og gegn aukinni ásælni
ESB til áhrifa m.a. í orkumálum.
Samgöngubætur um allt land, ekki Borgarlínu
Þörfin fyrir samgöngubætur er knýjandi bæði á landsbyggðinni og
höfuðborgarsvæðinu. Í stað þess að forgangsraða rétt setur ríkisstjórnin 50
milljarða í Borgarlínu sem mun svo valda eilífðarútgjöldum fyrir ríkissjóð og
er til þess fallin að þrengja að annarri umferð og ýta burt Reykjavíkurflugvelli.
Fjármálakerfið
Stóru aðgerðirnar sem fylgdu uppgjöri föllnu bankanna og endurreisn
efnahagslífsins árið 2015 hafa enn ekki verið kláraðar. Mikilvægur liður í
að hámarka ávinning samfélagsins var að byggt yrði upp sterkt og heilbrigt
fjármálakerfi á Íslandi til að þjónusta almenning og fyrirtæki á góðum
kjörum. Miðflokkurinn lagði fram heildaráætlun um fjármálakerfið og
lífeyrissjóðina.
Málefni hælisleitenda
Málefni hælisleitenda eru í ólestri á Íslandi og áform stjórnvalda munu gera
okkur enn erfiðara að aðstoða sem flesta þeirra sem þurfa mest á hjálp að
halda. Hlutfallslega eru hælisumsóknir nú orðnar sexfalt fleiri en í Noregi
og Danmörku. Miðflokkurinn vill nýta reynslu annarra Norðurlanda og
skynsamlega stefnu danskra jafnaðarmanna.
Atvinnulíf
Íslenskt atvinnulíf hefur verið vanrækt. Landbúnaður var lentur í verulegum
vanda áður en faraldurinn hófst. Iðnaður býr við viðvarandi óvissu.
Ferðaþjónustufyrirtæki eiga mörg á hættu að verða sett á brunaútsölu og
nýsköpunarfyrirtæki og annar minni rekstur mætir íþyngjandi regluverki
sem er sniðið að stórfyrirtækjum. Miðflokkurinn hefur kynnt róttækar
lausnir fyrir atvinnulífið.
Það sem við segjumst ætla að gera gerum við
- vertu í okkar liði, vertu með í Miðflokknum
Vegna áhrifa kórónuveirufaraldursins hefur umræða um mörg stærstu viðfangsefni stjórnmálanna verið í lamasessi í meira en ár. Þó voru þau orðin aðkallandi löngu áður
en faraldurinn hófst. Forðum frekara tjóni. Vanrækjum ekki hin stóru málin.
Þetta snýst allt um heimilin
Allt snýst þetta um að verja heimilin og bæta hag þeirra. Við stórtækar
aðgerðir á borð við skuldaleiðréttinguna og uppgjör föllnu bankana var
markmiðið alltaf að verja og bæta kjör alls almennings. Það sama á við um
baráttu Miðflokksins nú. Hún miðar öll að því að nýta tækifæri samfélagsins
og tryggja að ávinningurinn skili sér á sanngjarnan hátt til allra landsmanna.
miðflokkurinn_StóruMálin_10x38_20210308_END.indd 1 19/03/2021 10:35:57