Rit Mógilsár - 2019, Síða 39

R i t M ó g i l s á r | 39

Að dúndra niður plöntu
Agnes Geirdal, skógar- og býflugnabóndi
agnesg@simnet.is

Útdráttur
Sem býflugna- og skógarbónda langar mig að fara í gegnum hugleiðingar mínar í máli
og myndum eftir rúm þrjátíu ár í nytjaskógrækt og átta ár í býflugnarækt.
Að breyta nauðbitnu landi í dásamlega paradís gerist ekki af sjálfu sér og kostar mikla
vinnu, tíma og fjármagn. Að dúndra niður plöntu er lítið mál en að fá hana til að
kolefnisbinda almennilega getur stundum verið dálítið flókið. Það er ekkert
leyndarmál að fyrir ófaglærða í skógarbransanum er mikil kúnst að vinna eftir öllum
þeim vísdómi og ráðleggingum sem okkar frábæru fræðimenn veita skógræktendum
á fumstigi skógræktar. Hér verður rifjaður upp hluti af þeim ráðleggingum sem ég hef
fengið í gegnum tíðina og gætu jafnvel nýst í núverandi skógræktarátaki.
Það er alveg yndislegt að horfa á skóginn vaxa og dafna en hvernig getum við haldið
áfram að gera góða hluti? Býflugur eru ein af undirstöðum lífs hér á jörðu og fer hratt
fækkandi. Þetta eru skógardýr sem komin eru á válista og það er bannað með lögum
að fara með skordýraeitur þar sem býflugur eru nærri. Þetta eru öflug vinnudýr sem
sannarlega eiga heima í íslenskum skógum. Farið verður stuttlega yfir þennan
heillandi heim og hvernig skógurinn á Galtalæk nýtist til býflugnaræktar.