Morgunblaðið - 25.02.2021, Síða 32

MORGUNBLAÐIÐ FIMMTUDAGUR 25. FEBRÚAR 2021
Gunnlaugur Snær Ólafsson
gso@mbl.is
Um helmingur af fiskveiðiárinu er lið-
inn og hefur um helmingur af útgefnu
aflamarki í þorski verið veiddur. Þá
hefur verð á þorski tekið að dala og er
það talið tengt samspili veikrar stöðu í
hótel- og veitingageiranum og aukins
framboðs.
„Ferski fiskurinn er aðeins að dala
núna, eins og hann hefur oft gert þeg-
ar framboð frá Noregi kemur,“ segir
Pétur Hafsteinn Pálsson, fram-
kvæmdastjóri Vísis hf. í Grindavík.
Vísar hann til þess að ein umfangs-
mesta þorskvertíð hefst á vetri hverj-
um í Norður-Noregi. Hins vegar segir
Pétur Hafsteinn óvenjulegt nú hve
snemma áhrifin frá norska fiskinum
virðast koma og að það sé líklega
vegna kórónuveirufaraldursins sem
gerir markaðina viðkæmari. Þá séu
aðstæður þannig að þessi árlega verð-
dýfa kunni að verði eitthvað meiri nú
en fyrri ár, en það er ekkert öruggt í
þeim efnum. „Þetta er svolítið það
sem menn voru að búast við,“ segir
hann.
Þjónustustigið skiptir miklu
Spurður hvort hann telji uppsafn-
aða birgðastöðu hafa haft áhrif seg-
ir Pétur Hafsteinn svo ekki vera.
„Ég tel að það sé þannig að fram-
leiðendur séu með eitthvað meiri af
birgðum en venjulega, en ég held að
það sé minna um birgðir á mark-
aðnum. Það hafa allir lært að sýna
varkárni og er því minna af milli-
birgðunum, sem sagt hjá kúnn-
unum. Þeir taka lítið í einu og alls
ekki meira en þeir nauðsynlega
þurfa. Þess vegna skiptir þjón-
ustustigið miklu máli núna.“
Það að það sé minna af millibirgð-
um gerir það einnig að verkum að
vonir eru um að þegar markaðir taki
við sér á ný gerist það af miklum
hraða, segir hann. „Ég held að
reyslan sé þannig að þegar eitthvað
stoppar þá fer það skarpt af stað
þegar það byrjar aftur.“
Hann segir heilt yfir hafa gengið
vel að aðlaga framleiðsluna að óskum
markaðarins og að mun meiri sveigj-
anleiki sé innan greinarinnar í heild
nú en var síðasta vor. „Þær afurðir
sem eru eingöngu eða að stærstum
hluta ætlaðar þessum hótel- og veit-
ingageira – það er búið að vera erfitt
þar. En þeir sem hafa getað beint sölu
í búðirnar, frystum og söltuðum
vörum, þeir hafa haldið sér. Ferski
fiskurinn hefur gengið þokkalega vel
miðað við allt.“
Mun meiri veiði
Eins og fyrr segir hefur um helm-
ingur af útgefnu aflamarki í þorski
verið veiddur, en í byrjun árs var fátt
sem benti til þess að helmingi afla-
marks yrði landað á fyrri helmingi
fiskveiðiársins. „Veiðin í haust var
talsvert dræm miðað við undanfarin
haust. En með mjög mikilli veiði í jan-
úar og febrúar held ég að það sé búið
að vinna það upp. […] Ég held að smá-
bátaflotinn hafi verið með 65% meiri
veiði í janúar miðað við í fyrra og afla-
marksskipin með 35% meira af þorsk-
inum. Það er búið að veiða meira af
öllu nema ufsa,“ segir Pétur Haf-
steinn.
Hann telur þessa auknu veiði í vet-
ur ekki hafa haft afgerandi áhrif á
verðmyndunina. „Þetta hefur verið
mjög stór og flottur fiskur, og gengið
vel að selja hann. Það sem vantaði inn
í framleiðsluna í haust kemur núna, en
ferskfiskmarkaðurinn er alltaf hlaup-
andi upp og niður.“
„Ég held að menn séu að halda að
sér höndum,“ segir hann spurður
hvort líklegt sé að útgerðir dragi úr
veiðum við þessar aðstæður. „Strax og
salan fer að hökta þá kippa menn bara
úr. Menn spáðu því að það væri vet-
urinn 2021 sem myndi reyna á kaup-
mátt fólks erlendis, en þá var gert ráð
fyrir að veiran væri farin. Nú eru
menn bara enn á tánum og nýta allan
innbyggðan sveigjanleika sem þeir
hafa hjá sér. Svo hægja einyrkjarnir á
sér núna þegar verð er að fara niður.“
Kann að verða meiri dýfa
 Árleg verðdýfa þorsks á mörkuðum vegna vetrarvertíðar í Noregi hafin
 Markaðir enn viðkvæmir vegna veirufaraldursins  Veiðin góð í vetur
Aðlögunarhæfni Pétur Hafsteinn Pálsson segir ástandið kalla á allan sveigjanleika framleiðenda.
Staða þorskveiða
24. febrúar 2021 Heimild: Fiskistofa
Óveitt
107.420 tonn
(49,8%)
Landaður afl i
108.210 tonn (50,2%)
Útgefi ð
afl amark
215.630
tonn
Gunnlaugur Snær Ólafsson
gso@mbl.is
Matvælastofnun hefur gert tillögu
að rekstrarleyfi fyrir Sæbýli ehf. á
Eyrarbakka sem heimilar fyrir-
tækinu 70 tonna hámarkslífmassa á
sæeyrum til klak- og matfiskeldis,
að því er fram kemur á vef stofn-
unarinnar.
Áform Sæbýlis var ekki háð um-
hverfismati samkvæmt ákvörðun
Skipulagsstofnunar, en fyrirtækið
gerir ráð fyrir að starfsemin fari
fram í 1.650 fermetra húsnæði sem
áður hýsti fiskvinnslu. Því er ekki
gert ráð fyrir að óraskað land fari
undir starfsemina. „Við erum bara á
okkar siglingu og gerum ráð fyrir að
vera komin í þessi 70 tonn árið
2024,“ segir Ásgeir Eiríkur Guðna-
son, framkvæmdastjóri Sæbýlis.
Hann segir starfsemina hingað til
hafa fyrst og fremst miðað að því að
leggja jarðveginn fyrir sæeyrnaeld-
ið, en í því felst meðal annars klak-
og kynbótavinna.
„Núna erum við komin með stofn
sem getur gefið okkur möguleika á
uppskölun,“ útskýrir Ásgeir. Þá sé
um að ræða stofn sem má aðallega
rekja til Japans en hann er með
vinnu starfsmanna Sæbýlis að verða
í raun séríslenskur.
Morgunblaðið/Ásdís
Eldi Sæeyru þykja lostæti í Asíu og geta falist verðmæti í ræktun þeirra.
70 tonna sæeyrna-
eldi á Eyrarbakka
SÉRBLAÐ
Fermingarblaðið hefur
verið eitt af vinsælustu
sérblöðum Morgunblaðsins.
Fjallað verður um allt
sem tengist fermingunni.
NÁNARI UPPLÝSINGAR GEFUR:
Katrín Theódórsdóttir
Sími: 569 1105 kata@mbl.is
PÖNTUN AUGLÝSINGA:
Til mánudagsins 8. mars.
Fermingarblað
Morgunblaðsins
kemur út föstudaginn
12. mars