Morgunblaðið - 06.03.2021, Síða 2

2 FRÉTTIRInnlent
MORGUNBLAÐIÐ LAUGARDAGUR 6. MARS 2021
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
holar@holabok.is — www.holabok.is
Meistaraverk!
Stórvirkið
Íslenskir fuglar
í þjóðtrúnni
er á geggjuðu verði
á bókamarkaðinum í
Laugardal, eða aðeins á
kr. 6.380 og flýgur út -
hvað annað!
Tryggðu þér eintak
strax í dag.
Ekkert innanlandssmit greindist í
fyrradag og eru nú bara tíu manns í
einangrun með kórónuveiruna á Ís-
landi. Þá er sami fjöldi í sóttkví
vegna gruns um mögulegt smit. Níu
af þeim tíu sem eru í einangrun eru
búsettir á höfuðborgarsvæðinu og sá
tíundi býr á Suðurnesjum. Allir þeir
tíu sem eru í sóttkví eru af höfuð-
borgarsvæðinu.
Nýgengi smita innanlands á
hverja 100 þúsund íbúa er nú 0,3 og
3 á landamærunum fyrir síðustu 14
daga, en einn greindist með kórónu-
veiruna í seinni skimun í fyrradag.
Þá var beðið niðurstöðu mótefna-
mælingar hjá öðrum.
Búið er fullbólusetja 12.709 ein-
staklinga og 14.332 til viðbótar hafa
fengið fyrri skammtinn. Er því
heildarfjöldi bólusetninga 39.747.
Tíu í einangrun, tíu í sóttkví
Innanlandssmit:
2 smit greindust sl. 14 daga
Nýgengi er: 0,3
Fjöldi í sóttkví: 10
10 eru með virkt smit og í einangrun
Fjöldi smita
frá 30.6. '20
Heimild: covid.is
júlí ágúst september október nóvember desember janúar febrúar mars
Fjöldi bólusetninga
Bólusetning hafin:
14.332 einstak-lingar
Fullbólusettir:
12.709 einstak-lingar
Alls 39.747 skammtar
39.747
 Ekkert innanlandssmit greindist í gær  Nýgengið 0,3
Almenna reglan er sú að finni barn
fyrir óþægindum vegna myglu verði
að leita leiða til að bæta úr því. Það
eigi ekki heldur að vera háð niður-
stöðum sýnatöku rannsókna, heldur
heilsu barns. Þetta kemur fram í
skýrslu verkfræðistofunnar Verkís,
sem dagsett er 4. mars síðastliðinn,
um úttekt á stofu 8 í Fossvogsskóla
sem ráðist var í í júní á síðasta ári.
Í skýrslunni, sem Morgunblaðið
hefur undir höndum, er staðfest og
haft eftir sérfræðingi Náttúrufræði-
stofnunar Íslands (NÍ) að svo-
nefndur kúlustrýnebbi, sem telst
varasamur sveppur innanhúss, hafi
fundist í skólastofunni eftir að við-
gerðum vegna myglu var lokið, en
niðurstöður stofnunarinnar þess
efnis, sem lágu fyrir í desember,
voru ekki birtar fyrr en í lok síðasta
mánaðar. Þá kemur einnig fram að
þó að almennt finnist minni mygla í
skólanum eftir viðgerðir og þrif sé
enn hægt að finna varasamar
sveppategundir í skólanum.
Auk kúlustrýnebba fannst einnig
grámygla í stofunni eftir viðgerðir,
og sagði í mati sérfræðings NÍ að
það væri „nokkuð athyglisvert“ hvað
grámygla sæist oft því venjulega sæ-
ist hún sjaldan og þá lítið af henni.
„Hún vex helst á skemmdum ávöxt-
um en getur einnig vaxið í illa förn-
um byggingarefnum þótt það sjáist
sjaldan,“ er haft eftir sérfræð-
ingnum.
Skóla- og frístundaráð Reykjavík-
urborgar hefur boðað skólaráð Foss-
vogsskóla til fundar á mánudaginn
ásamt borgarfulltrúum vegna máls-
ins, en foreldrar barna í skólanum
hafa krafist þess að vandinn verði
settur í forgang. Þá hefur faðir
drengs í skólanum tilkynnt borgina
til barnaverndaryfirvalda vegna
málsins.
Heilsa barns
ráði förinni
 Enn varasamar tegundir í skólanum
Morgunblaðið/Eggert
Fossvogsskóli Enn finnast vara-
samir myglusveppir í Fossvogsskóla.
Gunnlaugur Snær Ólafsson
gso@mbl.is
Á blaðamannafundi um borð í varð-
skipinu Þór í gær tilkynnti Áslaug
Arna Sigurbjörnsdóttir dómsmála-
ráðherra ásamt Georg Lárussyni,
forstjóra Landhelgisgæslunnar, að
ríkisstjórnin hefði samþykkt á
fundi sínum tillögu Áslaugar Örnu
um kaup á nýlegu skipi sem mun
þjóna Landhelgisgæslunni sem
varðskip í stað Týs.
Hún segir stöðuna á skipamarkaði
nú hagstæða og það sé mat Landhelg-
isgæslunnar að hægt sé að kaupa ný-
leg og vel búin skip í góðu standi fyrir
1 til 1,5 milljarða króna. Til saman-
burðar bendir Áslaug Arna á að
kostnaður við smíði nýs skips af sam-
bærilegri gerð og varðskipið Þór geti
numið 10 til 14 milljörðum króna.
Fyrr í vikunni kom fram að það
væri með öllu óvíst hvort og hvenær
varðskipið Týr gæti verið komið í
rekstur á ný í kjölfar alvarlegrar
bilunar og skemmda á búnaði skips-
ins. Áslaug Arna segir það ekki hafa
verið forsvaranlegt að ráðstafa
hundrað milljónum króna í viðgerð
á eins gömlu skipi og varðskipið Týr
er, en talið er að söluverð skipsins
gæti numið 25 til 50 milljónum
króna að loknum viðgerðum.
Grunnstoð öryggis
„Týr er auðvitað orðinn 46 ára
gamall og hefur þjónað hlutverki
sínu með glæsibrag, en það er ekki
forsvaranleg meðferð á opinberu fé
að eyða mörg hundruð milljónum í
viðgerð á svona gömlu skipi,“ út-
skýrir Áslaug Arna. „Við þurfum að
tryggja að Gæslan geti sinnt sínu
hlutverki sem grunnstoð í öryggis-
málum þjóðarinnar og höfum við
verið stöðugt minnt á það undanfar-
ið rúmt ár með ýmsum náttúruham-
förum og áskorunum.“ Hún bætir
við að skipakaupin séu til þess fallin
að styrkja Landhelgisgæsluna sem
hafi sinnt hlutverki sínu einkar vel.
Gert er ráð fyrir að Landhelgis-
gæslan hafi tvö skip til umráða
næsta vetur. Spurð hvort ákvörðun
hafi verið tekin um hvaða skip verði
fyrir valinu svarar dómsmálaráð-
herra því neitandi.
Morgunblaðið/Eggert Jóhannesson
Varðskip Áslaug Arna Sigurbjörnsdóttir og Georg Lárusson á þilfari Þórs eftir blaðamannafundinn.
Kynntu áform um
kaup á varðskipi
 Gert ráð fyrir að skipið verði komið í rekstur næsta vetur
Ekki hefur verið ákveðið hvaða
skip ríkisstjórnin hyggst kaupa
fyrir Landhelgisgæsluna, en
sérstaklega er til skoðunar
þjónustuskip úr olíuiðnaðinum.
Þetta segir Georg Lárusson,
forstjóri Landhelgisgæslunnar.
Þá segir Georg skip af þess-
um toga henta vel til landhelg-
isgæslustarfa. „Við höfum
reynsluna frá Noregi, norska
strandgæslan hefur tvö svona
skip í sinni þjónustu. Þetta eru
skip sem hafa mikla dráttargetu
og stjórnhæfni.“
Forstjórinn kveðst taka vel í
hugmyndir dómsmálaráðherra
um að nýja skipið hljóti nafnið
Freyja.
Kaupa líklega
þjónustuskip
REYNSLA NORÐMANNA
Lilja Alfreðsdóttir, mennta- og
menningarmálaráðherra, mun
áfrýja úrskurði Héraðsdóms
Reykjavíkur til Landsréttar en
dómurinn hafnaði í gærmorgun
kröfu ráðherra um að úrskurður
kærunefndar jafnréttismála yrði
ógiltur.
Í honum sagði að ráðherra hefði
brotið jafnréttislög með ráðningu
Páls Magnússonar, fyrrverandi
bæjarritara Kópavogsbæjar, í stað
Hafdísar Helgu Ólafsdóttur í stöðu
ráðuneytisstjóra árið 2019.
Úrskurður kærunefndarinnar
stendur því og íslenska ríkið skal
greiða Hafdísi málskostnað upp á
4,5 milljónir. Enn er svigrúm til
áfrýjunar og var greint frá því í
gærkvöldi að ráðherra hygðist gera
það. Verði þetta hins vegar end-
anleg niðurstaða málsins gæti Haf-
dís sótt bætur á
grundvelli hans.
Embætti ráðu-
neytisstjóra í
ráðuneytinu var
auglýst í júní árið
2019 og sóttu
þrettán um stöð-
una. Fjórir voru
metnir hæfastir
af hæfisnefnd,
tvær konur og
tveir karlar. Kærði Hafdís Helga
skipan Páls og komst kærunefndin
að þeirri niðurstöðu að menntamála-
ráðherra hefði vanmetið hæfi Haf-
dísar Helgu.
Ekki náðist í Lilju þrátt fyrir
ítrekaðar tilraunir í gær, og var til-
kynnt í gærkvöldi að hún hygðist
ekki tjá sig meðan málið væri í
áfrýjunarferli. johann@mbl.is
Lilja hyggst áfrýja
til Landsréttar
Úrskurðurinn ekki felldur úr gildi
Lilja
Alfreðsdóttir