Knattspyrnufélagið Þróttur 40 ára - 01.12.1989, Qupperneq 48

að sem kastað var inná völlinn.
Áhorfendur voru þó ekki að mót-
mæla dómum Eysteins, heldur
getuleysi heimaliðsins.
Þorvarður Bjömsson tók dóm-
arapróf 1961, hlaut landsdómara-
réttindi 1968-69 og alþjóðaréttindi
1977. Þorvarður er einn af þessum
frábæru dómurum, sem enginn
verður var við á leikvelli. Hann
samrýmir leikinn sinni þægilegu
skapgerð. Segja má að hver leikur
hans sé meistarastykki út af fyrir
sig. Gætu margir dómarar af hon-
um lært. Minnisstæður er úrslita-
leikur bikarkeppninnar 1978. Þá
má segja að Þorvarður hafi staðið
í ströngu en Fram vann þar Val á
vítaspyrnu, þegar innan við ein
mínúta var til leiksloka. Þorvarður
segir um erlenda dómgæslu sína
að það hafi verið hans stórkostleg-
asta stund, þegar hann dæmdi á
Anfield Road, leikvelli Liverpool.
Þar upplifði hann stórkostlegustu
stemmningu sem til er á knatt-
spyrnuvelli, enda áhangendur
Liverpool þekktir fyrir að liggja al-
drei á liði sínu.
Bjami Pálmarssoti lauk dóm-
araprófi 1963 og fékk landsdóm-
araréttindi 1965. Áreiðanlega eru
þeir margir sem minnast Bjarna,
þessa ábúðarmikla dómara. Hann
notaði sérstæða og athyglisverða
tækni við störf sín á vellinum og
sóttust aðrir dómarar eftir að vera
línuverðir hans, því þeir gegndu
stærra hlutverki hjá honum en
nokkrum öðrum dómara. Bjarni
kynntist dómarastörfum í Englan-
di þar sem hann var starfandi í
nokkur ár. Ferill hans í stéttinni
var fremur stuttur, en þeim mun
kraftmeiri. Bjarni tók virkan þátt í
félagsmálum dómara.
Oli Ólseti tók dómaraprófið
1965, landsdómarapróf 1968 og al-
þjóðlegu FIFA-réttindin fékk
hann 1979. Óli byrjaði sem hand-
knattleiksdómari aðeins 15 ára að
aldri en tók dómarapróf í þeirri
grein 17 ára. Störfin frá byrjun eru
orðin 950 talsins, þar af 44 lands-
leikir ogEvrópubikarleikir. Þá hef-
ur Óli setið ráðstefnur Evrópu-
sambandsins UEFA í Hollandi
1980 og í Sviss 1986.
Eftirminnilegasti leikurinn?
Það segir Óli að sé leikur ÍBK og ÍA
í Keflavík 1970, úrslit íslandsmóts-
ins. Þann leik vann ÍA með 2:1
frammi fyrir 5000 áhorfendum á
sunnudagseftirmiðdegi í ágúst. Þá
tók það hálfan annan tíma að
komast gegnum vegtollinn sem þá
var tekinn á Keflavíkurvegi.
í handboltanum á Óli um 1300
störf, þar af 140 landsleiki og Evr-
ópuleiki. Hann á margar góðar
minningar úr leikstjórn í þessari
íþrótt, frá Hálogalandi, Laugar-
dalshöll og keppnishöllum er-
lendis.
Hjálmar Baldursson tók dóm-
arapróf 1980 og landsdómararétt-
indi 1983. Hjálmar er þekktur fyrir
að gefa sig allan að því verkefni
sem hann tekur að sér. Þeð hefur
líka gilt um dómarastörfin. Þessu
er það að þakka að hann hlaut
landsdómararéttindin á skemmri
tíma en nokkur annar Þróttari. Fé-
lagsmál dómara hafa heillað
Hjálmar og tók hann þar forystu
og átti sinn stóra þátt í að reisa
KDR úr öskustónni og er okkur
skylt að þakka honum hin miklu
og góðu störf hans fyrir félagið.
Hjálmar er ekki búinn að segja
slalið við flautuna, en hefur tekið
sér frí um stund vegna anna við
önnur störf.
Vilhjálmur Þór Vilhjálmsson,
sem fleiri þekkja sem Villa Þór,
kom í raðir Þróttar með landsdóm-
araréttindi upp á vasann. Var
hann þá þegar kominn í raðir vin-
sælustu dómara okkar í 1. deild-
inni. Það hefur alltaf gustað af
Villa Þór þar sem hann fer, hrókur
alls fagnaðar í röðum dómara og
annarra. Var sannarlega mikill
fengur að fá hann til liðs við félag-
ið, en ferillinn varð í styttra lagi
vegna annarra verkefna sem á
honum hvfldu.
Guttttar Ittgvarssott lauk dóm-
araprófi 1975 og hlaut landsdóm-
araréttindi 1986. Fyrstu ár sín sem
dómari starfaði hann afar tak-
markað þar sem hann var í raun
upptekinn af innri málum Þróttar
sem þjálfari. Nú hefur Gunnar
tekið flautuna fram yfir önnur
störf fyrir knattspyrnuna og bind-
um við miklar vonir við hann sem
framtíðar deildardómara hjá fé-
laginu.
Þórður Eiríkssott tók dómara-
próf 1964 og hlaut landsdómara-
réttindi 1968. Strax í upphafi ferlis
síns gerðist hann mjög virkur í
starfi og dæmdi hann í u.þ.b. ára-
tug til 1978 í 1. og 2. deild og var
leikjahæstur allra dómara undir
lokin. Störfin voru í raun of mörg,
Þórður átti sjaldan frí og ákvað
hann að hætta. Nokkrum árum