Morgunblaðið - 22.07.2021, Síða 4

4 FRÉTTIR
Innlent
MORGUNBLAÐIÐ FIMMTUDAGUR 22. JÚLÍ 2021
COSTA DEL SOL
27. JÚLÍ - 6. ÁGÚST - 11 DAGAR
FLUG & 4* GISTING Á
VERAMAR VERÐ FRÁ:
99.900 KR.
*Á MANN M.V. 2 FULLORÐNA
OG 2 BÖRN. INNIFALIÐ Í VERÐI
FLUG, GISTING, INNRITAÐUR
FARANGUR OG HANDFARANGUR
INNIFALIÐ Í VERÐI
FLUGSÆTI BÁÐAR LEIÐIR
FLUG OG HANDFARANGUR
FLUG
VERÐ FRÁ:
39.900 KR.*
WWW.UU.IS | HLÍÐASMÁRI 19, 201 KÓP. | 585 40000 | INFO@UU.IS
Þóra Birna Ingvarsdóttir
thorab@mbl.is
Sumarið hefur komið sér vel fyrir á
Norður- og Austurlandi meðan það
forðast höfuborgarsvæðið. Meðalhiti
síðustu tuttugu daga júlímánaðar í
Reykjavík er 11,1 stig en á Akureyri
hefur meðalhitinn verið 14,4 stig. Á
norðan- og austanverðu landinu er
þessi júlímánuður sá hlýjasti á öld-
inni. Hlýjasta veðurstöð landsins hef-
ur verið við Upptyppinga, þar sem
meðalhitinn hefur verið 14,8 stig, en
það er á hálendinu, sem verður að
teljast óvenjulegt. Þetta kemur fram í
bloggi Trausta Jónssonar veðurfræð-
ings, Hungurdiskum.
Margir nýta sumarfríið sitt til að
elta sólina. Hafa því tjaldsvæði, veit-
ingastaðir og gistiheimili á Austur-
landi fundið vel fyrir því en í gær náði
hitinn þar víða yfir 20 stigum.
Eygló Björk Ólafsdóttir rekur
ásamt manni sínum Móður jörð þar
sem fram fer grænmetisræktun, veit-
ingarekstur og starfræksla gistihúss.
Eygló segir að það hafi verið gríð-
arlega mikið að gera, bæði á veit-
ingastaðnum og við ræktunina enda
hefur verið mikill þurrkur. „Við þurf-
um að hlaupa hratt á hvorum tveggja
vígstöðvum,“ segir hún. Eygló bendir
á að mörg fyrirtæki í ferðamanna-
þjónustu á landsbyggðinni séu und-
irmönnuð þar sem ekki hefur verið
jafn aðgengilegt að ráða erlent vinnu-
afl á tímum Covid.
Í verslun Bónuss á Egilsstöðum
var tekin ákvörðun í júní um að bæta
við sérstakri ferð með birgðir allar
helgar til þess að bregðast við aukinni
eftirspurn ferðalanga á svæðinu. Otti
Þór Kristmundsson, rekstrarstjóri
Bónuss, segir að þótt verslunin hafi
ekki lent í vöruskorti sé álagið gríð-
arlegt á starfsfólki og stundum
myndist raðir á álagstímum. Sjálfs-
afrgeiðslukerfið reynist þó vel undir
þessum kringumstæðum og flýtir fyr-
ir afgreiðslu.
Í Nettó á Húsavík hefur fólk þó
lent í því að koma að tómum hillum.
Að sögn starfsmanns var glampandi
sól á Húsavík í gær og flestir klæddir
í stuttbuxur og hlýrabol. Grillmeti og
drykkir rjúka út. „Maður fyllir á,
snýr sér við og kíkir svo aftur en þá
er hillan orðin hálftóm á nýjan leik.“
Nettó fylgist vel með veðurspánni
þegar innkaup eru áætluð en versl-
unin á Húsavík er ekki vön svona
mörgu fólki.
Starfsmaðurinn taldi Húsvíkinga
þó ekki ósátta þótt ferðalangar klár-
uðu allt lambakjötið í búðinni. Telur
hann frekar að þeir vorkenni starfs-
fólkinu vegna álagsins. Á Húsavík
hefur veðrið verið ljúft í nánast allt
sumar en starfsmaður Nettó segist
ekki vera kominn með nóg af sól-
ríkum dögum. „Mannlífið lifnar við,
fólk er að labba úti og situr fyrir utan
barina. Ekki hægt annað en taka því
fagnandi.“
Morgunblaðið/Hafþór Hreiðarsson
Húsavík Mikil aðsókn hefur verið í veitingastaði við höfnina.
Morgunblaðið/Sigurður Aðalsteinsson
Hérað Fólk kældi sig í Jökulsá á Dal við Brú og stökk út í.
Morgunblaðið/ Hafþór Hreiðarsson
Sjóköttur Léttlæddur Húsvíkingur tók sjóköttinn til kostanna.
Sumar og sól og fólkið á ferðinni
- Hlýjasti júlí aldarinnar á Austurlandi - Undirmönnuð Móðir jörð - Mikill þurrkur - Bætt við
sendingu í Bónus á Egilsstöðum - Tómar hillur í Nettó á Húsavík - Mannlífið lifnar hressilega við
Morgunblaðið/Helgi Bjarnason
Hauganes Íbúar og gestir Hauganess í Eyjafirði nutu blíðunnar í gær fyrir utan veitingastaðinn Baccalá-bar.
Logi Sigurðarson
logis@mbl.is
Jóhann Guðlaugsson, stofnandi og
fyrrverandi eigandi Geysis, sakar
Rammagerðina um hugverkabrot.
Þannig hafi fyrirtækið stofnað til
rekstrar í verslunum Geysis undir
fyrra heiti þeirra.
„Rammagerðin opnar búðir í rým-
unum okkar sem við vorum með á
Skólavörðustíg og í Kringlunni. Hún
hefur ekki fyrir því að taka niður
merkingar, hún hefur ekki breytt
neinu frá því að ég fór. Hún er með
aðrar vörur en heldur okkar nafni. Að
opna búðir og breyta ekki neinu er
mikið metnaðarleysi og óvirðing
gagnvart okkur.“
„Þetta er misskilningur“
Helgi Rúnar Óskarsson, eigandi
Rammagerðarinnar, kemur af fjöll-
um varðandi ásakanir Jóhanns um
hugverkabrot og segir þá ekki vera að
opna búðir undir merkjum Geysis.
„Það er verið að reyna að opna nýju
búðirnar eins hratt og hægt er. Þetta
er misskilningur, það getur vel verið
að það standi enn Geysir á verslunun-
um en þá á eftir annaðhvort að skrúfa
það niður eða mála yfir það. Þetta er
eitt af þeim verkefnum sem þarf að
vinna, að taka niður gömul skilti og
það sem tilheyrði þessu þrotabúi.“
Jóhann tók sig til og málaði yfir
merkingar Geysis á Skólavörðustíg 7
í gær.
„Þeir eru að reyna að eignast vöru-
merkið með notkunarrétti og það er
líka það sem Hótel Geysir hefur reynt
að gera. Þeir eiga ekki vörumerkið og
það er spurning hver á það. Það er
nokkuð sem einkaleyfastofa verður að
skera úr um. Eins og staðan er núna
er fyrirtækið sem átti vörumerkið
farið í þrot. Svo virðist sem Ramma-
gerðin og Hótel Geysir séu bæði að
reyna að sölsa undir sig merkið með
notkun á því.“
Helgi tekur fram að enginn ásetn-
ingur hafi verið í því að opna búðirnar
áður en Geysismerkið var tekið niður
og segir reksturinn ekki tengjast búð-
inni á nokkurn hátt.
„Þetta verða ekki Geysisbúðir,
þetta verða Rammagerðarbúðir.“
Helgi bætir við að Jóhann eigi í
raun ekki vörumerki Geysisverslan-
anna.
„Það hefur komið fram opinberlega
að vörumerkið tilheyrir Geysi í
Haukadal; ef það fyrirfinnst hug-
verkaréttur þá er hann í eigu Geysis í
Haukadal, hitt félagið er gjaldþrota.“
Jóhann segir að enginn hafi keypt
vörumerkið Geysi, hvorki Hótel
Geysir né Rammagerðin.
„Maður er hálfvankaður og trúir
varla að metnaðarleysið sé svona mik-
ið. Það er ekki efst í huga að fara í mál
þegar við erum að reyna að byggja
upp nýja búð Mt. Hekla. Okkar orka
fer í uppbyggingu og að koma undir
okkur fótunum aftur.“
Sakar Rammagerð-
ina um hugverkabrot
- Kemur af fjöllum - Málaði yfir merkingu sjálfur
Morgunblaðið/Unnur Karen
Geysir Jóhann tók sig til og málaði
yfir merkingu sjálfur.