Morgunblaðið - 22.07.2021, Blaðsíða 38

Ásgeir Ingvarsson
ai@mbl.is
Það er einstaklega góður andi á
Húsavík og í Norðurþingi öllu um
þessar mundir og ekki að furða
enda komst svæðið rækilega á
kortið með Eurovision-gaman-
myndinni vinsælu og laginu
„Húsavík (My
Home Town)“
sem tilnefnt var
til Óskars-
verðlauna.
Kristján Þór
Magnússon er
sveitarstjóri
Norðurþings og
segir hann að
strax í kringum
tökurnar hafi
mikið líf færst í
bæinn og heimamenn lagt sitt af
mörkum við að láta verkefnið tak-
ast vel. Á tímabili var óttast að
kórónuveirufaraldurinn myndi
verða til þess að kvikmyndin næði
minni útbreiðslu en þegar á hólm-
inn var komið sló mynd Wills Fer-
rells rækilega í gegn og gladdi
fólk sem sat fast í húsum sínum
um allan heim.
„Sérfræðingar hafa reiknað það
út að bara tilnefning Húsavíkur-
lagsins til Óskarsverðlauna hafi
komið Húsavík á framfæri við um
100 milljónir manns,“ segir Krist-
ján en minnir um leið á að nýta
verði sýnileikann með réttum
hætti: „Mögulega gæti það fljótt
orðið lúið að ætla að gera of mik-
ið úr tengslunum við kvikmyndina
en að sama skapi þurfum við að
nota þetta augnablik og þann
ferðamannastraum sem því fylgir
til að tryggja að fólkið sem kem-
ur hingað til bæjarins eigi
ánægjulega og sérstaka upplifun.“
Fyrirtækin rétta úr kútnum
Eins og í öðrum landshlutum
olli kórónuveirufaraldurinn tölu-
verðri röskun í Norðurþingi og
segir Kristján að sum fyrirtækin
á svæðinu hafi orðið fyrir miklum
búsifjum. Svæðið er samt óðara
að ná sér aftur á strik og ferða-
þjónustan þegar komin nokkuð
vel af stað, sem og starfsemin á
nýja iðnaðarsvæðinu á Bakka. „Í
þessum töluðum orðum er sól og
25 stiga hiti, margir gestir í bæn-
um og engin ástæða til annars en
að vera bjartsýnn.“
Kristján er sérstaklega
ánægður með hvernig atvinnu-
lífið hefur verið að þróast og út-
lit fyrir áframhaldandi uppbygg-
ingu. Hann nefnir fyrirhugað
fiskeldi á Kópaskeri sem muni
skapa fjölda starfa og einstakt
tækifæri er til að byggja upp
græna framleiðslu af ýmsum
„Engin ástæða til annars
en að vera bjartsýnn“
Húsavíkurbær fékk mikinn sýnileika
á síðasta ári og horfurnar góðar fyrir
atvinnuuppbyggingu í Norðurþingi
Grín Will Ferrell og Rachel McAdams uppáklædd í Eurovision-myndinni.
Kristján Þór
Magnússon
Ljósmynd / Ales Mucha
Upplifun Ferðaþjónustan hefur eflst og stoðum atvinnulífsins fjölgað.
HÚSAVÍK38
MORGUNBLAÐIÐ FIMMTUDAGUR 22. JÚLÍ 2021
Ásgeir Ingvarsson
ai@mbl.is
Ferðamannasumarið hefur farið vel
af stað á Húsavík og segir Eva Björk
Káradóttir að straumur gesta til
bæjarins undanfarnar vikur hafi ver-
ið meiri en heimamenn þorðu að
vona. Eva er framkvæmdastjóri
Hvalasafnsins á Húsavík og einnig
formaður stjórnar Húsavíkurstofu
og segir hún að
bærinn hafi svo
sannarlega notið
góðs af þeim sýni-
leika sem hann
fékk í Netflix-
gamanmynd Wills
Ferrell um sein-
heppna Eurovisi-
on-keppendur frá
Húsavík. „Við
greinum það sér-
staklega hjá
Bandaríkjamönnunum sem koma
hingað að þeir hafa flestir séð mynd-
ina og leita gagngert að stöðum þar
sem eftirminnileg atriði voru kvik-
mynduð,“ útskýrir Eva og bætir við
að fyrir aðdáendur kvikmyndarinnar
sé búið að skipuleggja sérstaka
gönguferð um Húsavík með viðkomu
á mikilvægum stöðum úr myndinni.
„Þá er búið að endurbyggja litla ál-
fabæinn sem leikur stórt hluverk í
söguþræðinum og hafa erlendu gest-
irnir gaman af að koma þar við til að
færa álfunum smágjafir.“
Stendur meira að segja til að end-
urbyggja strætóbiðskýlið þar sem
söguhetjur Rachelar McAdams og
Wills Ferrell leggja af stað í ör-
lagaríkt ferðalag til Reykjavíkur.
„Við tökurnar var einfaldlega fengið
að láni skýli frá nálægum fótbolta-
velli, en með því að endursmíða rú-
tubiðskýlið eins og það birtist í kvik-
myndinni ættu ferðamenn að hafa
skemmtilegt kennileiti til að ljós-
mynda.“
Hitta hvali í sýndarveruleika
Flestir sem heimsækja Húsavík
leggja leið sína í Hvalasafnið en
safnið hefur verið starfrækt í nærri
aldarfjórðung. Eva brýnir fyrir ís-
lenskum ferðalöngum að sleppa ekki
safninu þótt þeir haldi kannski sumir
að þeir viti allt sem hægt er að vita
um hvali: „Fólk verður mjög hissa
þegar það kemur á safnið og upplifir
allt sem þar er að sjá, og fræðist um
hvalina sem lifa í hafinu umhverfis
Ísland. Safnkosturinn er mjög fjöl-
breyttur og skartar m.a. ellefu
beinagrindum af hvölum og þremur
heimildarmyndum um hvali.“
Sýningarrýmin eru átta talsins og
eru hvölum, hvalveiðum, lífríki sjáv-
ar og þjóðsögum tengdum hvölunum
gerð skil með fjölbreyttum hætti.
„Nýjasta upplifunin í safninu fer fram
í sýndarveruleika og þar gefst gestum
kostur á að kafa ofan í hafið til fundar
við fimm hvalategundir. Mesta að-
dráttaraflið hefur þó, nú sem endra-
nær, steypireyðurin en beinagrindin
af henni er 23 metra löng og margir
sem standa á gati þegar þeir mæta
þessu stærsta dýri sem lifað hefur á
jörðinni.“
Þá er vitaskuld ómissandi að fara í
hvalaskoðunarferð en nokkur hvala-
skoðunarfyrirtæki gera út frá Húsavík
og halda oft á dag til fundar við hvalina
úti á Skjálfandaflóa. Eva segir flóann
henta einstaklega vel til hvalaskoðunar
vegna þess mikla fjölbreytileika teg-
unda sem þar ber fyrir augu. Skjálf-
andafljót ber með sér næringarefni út í
flóann svo að þar á sér stað mikil fæðu-
myndun sem hvalirnir sækja í og ekki
óalgengt að í hvalaskoðunarferð megi
sjá allt að fimm ólíkar tegundir hvala
ef heppnin er með.
Af fjórum hvalaskoðunarfyrir-
tækjum eru þrjú komin aftur á fulla
ferð og segir Eva að þau bjóði upp á
svipað verð en ólíka upplifun. „Valið
veltur á því hvort fólk langar t.d. að
skoða flóann á gamaldags eikarbát, á
seglskipi, rafmagnsknúnum bát eða
hraðskreiðum slöngubát.“
Geta séð hvali úr sjóböðunum
Á undanförnum árum hefur mikil
uppbygging átt sér stað í ferðaþjón-
ustunni í Norðurþingi og segir Eva að
svæðið skarti einstakri náttúrufegurð
og góðum gönguleiðum. Af vinsælli
áfangastöðum má nefna Þeistareyki
og Ásbyrgi og árið 2018 voru opnuð
Geosea-sjóböðin á Húsavíkurhöfða.
„Þar er notast við jarðhitavatn sem
tekið er úr borholu undir sjó og er
vatnið því salt og mjög gott fyrir húð-
ina. Gestir hafa útsýni yfir flóann og
stundum má sjá hvali beint úr böð-
unum.“
Á slóðum hvala og Hollywood-stjarna
Ljósmynd / Ales Mucha
Slökun Það er ekki amalegt að svamla í heitu vatni með annað eins útsýni.
Eva Björk
Káradóttir
- Hvalasafnið hefur starfað í aldarfjórðung og býður nú upp á að hitta hvali í sýndarveruleika
- Til stendur að endurbyggja rútubiðskýlið úr Eurovison-myndinni til að gleðja ferðamenn
Risar Eva Björk segir fólk oft gáttað
þegar það áttar sig á hvað hvalir
eru stórar og merkilegar skepnur.