Þjóðmál - 01.09.2017, Page 26

24 ÞJÓÐMÁL Hausthefti 2017
Þýsk stjórnmál
Björn Jón Bragason
Hagsæld fyrir alla
Þýsku þingkosningarnar, stefna Kristilegra demókrata,
Angela Merkel og Sjálfstæðisflokkurinn
Sunnudaginn 24. september síðastliðinn
gengu Þjóðverjar að kjörborðinu og kusu
sér nýtt sambandsþing. Sem mikill áhuga-
maður um þýsk stjórnmál hélt ég í júlí til
Þýskalands til að kynna mér kosningabaráttu
langstærsta stjórnmálaflokks landsins,
Kristilegra demókrata (CDU), sem er einmitt
systurflokkur Sjálfstæðisflokksins. Ytra átti ég
áhugaverð samtöl við starfsmenn CDU og
hitti einnig einn helsta fræðimann Konrad
Adenauer Stiftung, sem er vísindastofnun í
pólitískum fræðum, hliðsett flokki Kristilegra
demókrata. Ég notaði sömuleiðis tækifærið til
að fræðast um starfsemi flokksins og um þýsk
stjórnmál almennt. Mig langar hér í fáeinum
orðum að fjalla um nýloknar þingkosningar í
Þýskalandi, um stefnu Kristilegra demókrata
og systurflokksins í Bæjaraland, um flokks-
formanninn Angelu Merkel kanslara og
tengsl Kristilegra við Sjálfstæðisflokkinn. En
áður en lengra er haldið er rétt að gera lítils-
háttar grein fyrir uppruna flokks Kristilegra
demókrata og þýska flokkakerfisins.
Hún er „ein af okkur“ segja Þjóðverjar gjarnan um Angelu Merkel og kalla hana margir Mutti eða mömmu.
Hún er því ekki lengur Mädchen heldur orðin Mutti, og nota mætti orðið „landsmóðir“ í þessu samhengi.