Þjóðmál - 01.09.2017, Blaðsíða 36

34 ÞJÓÐMÁL Hausthefti 2017
Uppbygging Kristilegra demókrata
Í heimsókn minni í höfuðstöðvar CDU fyrr í
sumar vakti athygli mína hvernig starfsmenn
flokksins kynntu stefnu hans og uppbygg-
ingu. Þeir sögðu:
„Við erum flokkur allra stétta, við erum
flokkur verkamannsins í bifreiða-
verksmiðjunni í Stuttgart og kaupsýslu-
mannsins í Hamborg, vínbóndans í
Rínardalnum og kennarans í Berlín.“
Flokkurinn hefur á að skipa öflugum
launþegasamtökum, Christlich Demokrat­
ische Arbeitnehmershaft (CDA), og þá er innan
vébanda hans starfandi hreyfing lítilla og
meðalstórra fyrirtækja, en bæði þessi
aðildarsamtök hafa mikil áhrif á mótun stefnu
flokksins og framkvæmd mála.
Meðal fleiri aðildarsamtaka má nefna kvenna-
hreyfinguna, Frauen Union, ungliðahreyfing-
una, Junge Union, stúdentasamtök, Ring
Christlich­Demokratischer Studenten, og
samtök eldri félaga, Senior Union. Öll þessi
samtök eru sjálfstæð í þeim skilningi að þau
eru ekki rekin sem hluti af flokksheildinni.
Raunar gengur sjálfstæði þeirra svo langt
að hægt er að vera félagsmaður í þeim án
þess að vera skráður félagi í flokki Kristilegra
demókrata. Öll hliðstæð samtök eru starfandi
í tengslum við systurflokkinn í Bæjaralandi,
CSU.
Í miðstjórn CDU sitja sextíu manns, þar á
meðal formenn allra aðildarsamtakanna, og
kemur miðstjórnin saman tvisvar í mánuði.
Oddviti miðstjórnar er formaður flokksins,
Angela Merkel. Meðal miðstjórnarmanna
er Íslandsvinurinn dr. Otto Wulff, formaður
Senior Union, sem sæmdur var riddarakrossi
hinnar íslensku fálkaorðu á sínum tíma og
stórriddarakrossi að auki. Hann er 84 ára
gamall og tók mjög virkan þátt í kosninga-
baráttu Kristilegra nú síðsumars.
Flokksfélögin eru alls um tíu þúsund talsins,
þau minnstu eru allt niður í tólf manna. Þau
eru starfandi á þremur stjórnsýslustigum, í
sveitarstjórnum, í einstaka sambandslöndum
og á landsvísu.
Flokkurinn er það sem á þýsku er kallað
Volkspartei, eða þjóðarflokkur, og aðili að
Evrópusamtökum þjóðarflokka, Europäische
Volkspartei. Sjálfstæðisflokkurinn var um tíma
aðili að samtökunum en hefur sagt skilið við
þau.
Greinarhöfundur með dr. Karsten Grabow, einum helsta fræðimanni Konrad Adenauer Stiftung