Þjóðmál - 01.09.2017, Side 75

ÞJÓÐMÁL Hausthefti 2017 73
Sagan endurtekur
sig ekki en hún rímar
– Rússland tekur aftur upp utanríkisstefnu níunda áratugarins
Daniel Fried
Alþjóðastjórnmál
Stjórnvöld í Rússlandi eru aftur farin að beita
kaldastríðsaðferðum gegn Bandaríkjunum.
Vert er að minnast þess að þær komu Sovét-
ríkjunum ekki að gagni þegar þeim var áður
beitt.
Nýlegur brottrekstur Rússa og Bandaríkja-
manna á starfsliði sendiráða hvors annars
(Rússar sendu mörg hundruð starfsmenn
bandaríska sendiráðsins heim í stigmögnunar-
aðgerð vegna þess að Bandaríkjamenn sendu
35 rússneska sendiráðsstarfsmenn heim í
desember síðastliðnum) minna á stórfelldan
brottrekstur starfsmanna sömu sendiráða
árið 1986. Fáir muna smáatriðin í þeim
aðgerðum í forsetatíð Ronalds Reagan en
margir muna að níunda áratugnum lauk illa
fyrir Sovétríkin.
Það er einmitt málið: Ráðamenn í Moskvu
hafa valið myrka leið ágreinings við Banda-
ríkjamenn og yfirgangs annars staðar. Eins og
í Sovétríkjunum og hjá afturhaldssömum
keisurum hefur ágreiningur við erlend ríki
verið samfara, og ef til vill bætt upp fyrir,
stöðnun heima fyrir.