Fréttablaðið - 10.12.2021, Blaðsíða 39

kynningarblað 21FÖSTUDAGUR 10. desember 2021 BÓK AJÓL
Katla og Máni eru
búin að koma
þessum nornum, Gull-
veigu og Angurboða ofan
í tvær kókómjólkur-
fernur og þau ætla að
flytja þær þannig yfir til
Goðheima aftur.
Kristín Ragna Gunnarsdóttir
Þriðja bókin í þríleiknum
Nornasögu, eftir mynd- og
rithöfundinn Kristínu Rögnu
Gunnarsdóttur er komin
út. Kristín hlaut í haust
Vorvindaviðurkenningu
Íslandsdeildar IBBY fyrir að
miðla goðsögum til barna.
Nornasaga fjallar í grunninn
um vináttu barnanna Kötlu
og Mána sem bæði eru svolítið
utanveltu. Fyrsta bókin, Norna-
saga 1 – Hrekkjavakan, hefst á
Hrekkjavökunni þegar Katla og
Máni kynnast. Þá vill svo óheppi-
lega til að Katla snertir eldgamalt
Íslandskort og upp úr kortinu gýs
norn. Nornin sú er Gullveig sem
kemur fyrir í Eddukvæðinu Völu-
spá. Í Nornasögu ætlar Gullveig
að leggja allt undir sig á Íslandi
og tekur meðal annars samfélags-
miðlana í sína þjónustu til þess.
Kristín Ragna heldur áfram
að miðla norrænni goðafræði til
barna í næstu tveimur bókum.
„Nornasaga 2 - Nýársnótt, hefst
á Þorláksmessu. Katla kemst að
því að hún getur galdrað í fyrstu
bókinni. Í byrjun Nornasögu tvö
er hún að æfa sig að galdra en gerir
mistök og kallar tröllskessuna
Angurboðu til Íslands. Angurboða
þessi er móðir Fenrisúlfsins, Mið-
garðsormsins og Heljar. Hún er
rosaleg og veldur miklum usla hér
á Íslandi,“ segir Kristín.
Sögusvið fyrstu tveggja
bókanna er miðborg Reykjavíkur,
Goðahverfið, Hallgrímskirkja og
Listasafn Íslands.
„Atburðarásin hefst í raun
á Listasafninu og færist að
Tjörninni og svo upp í Öskjuhlíð.
En þriðja bókin, Nornasaga 3 -
Þrettándinn, hefst á Nýársnótt í
Öskjuhlíðinni,“ útskýrir Kristín.
„Katla og Máni eru búin að
koma þessum nornum, Gull-
veigu og Angurboðu, ofan í tvær
kókómjólkurfernur og þau ætla
að f lytja þær þannig yfir til Goð-
heima aftur. Þetta er auðvitað
heljarinnar verkefni. Þriðja bókin
fjallar um ferðalagið til Goð-
heima, á því ferðalagi kynnast
Katla og Máni f leiri nornum,
meðal annars örlaganornunum
Urði, Verðandi og Skuld og síðar
kemur Frigg til sögunnar,“ bætir
hún við.
Kínverskur dreki í goðheimum
Fleiri persónur verða á vegi Kötlu
og Mána á ferðalagi þeirra til
Goðheima. Þeirra á meðal eru
Hræsvelgur, sem er jötunn í arnar-
ham og Loki Lævísi, sem kemur
í ljós að er pabbi hennar Kötlu
í bók númer tvö. Einnig koma
systkini Kötlu, þau Kári og Kría til
sögunnar og fullt af dýrum.
„Með þeim er síamskötturinn
Drekr og franskur bolabítur sem
heitir Prins Sjarmör. Til að f lækja
málin enn frekar er kínverskur
dreki sem þvælist með þeim yfir
til Goðheima. Hann raskar svo-
lítið jafnvægi hlutanna í heimi
norrænna goðsagna,“ segir Kristín
hlæjandi.
„Sögurnar um Kötlu og Mána
eru æsispennandi. Það er mikill
hasar og hröð framvinda. Svo er
líka húmor, af því persónurnar
í norrænu goðsögunum eru svo
fyndnar og skemmtilegar.“
Bækurnar eru stútfullar af lit-
ríkum og skemmtilegum mynd-
um sem gæða persónur og atburði
lífi, en Kristín myndskreytir allar
bækurnar sjálf.
„Ég legg mikið upp úr því að
hafa mikið af myndum. Þegar
maður les er upplifunin meiri ef
maður hefur líka myndir. Það er í
raun og veru annar staður í heil-
anum sem virkjast þegar maður
les texta annars vegar og myndir
hins vegar. Það býður upp á dýpri
lestur að mínu mati þegar myndir
og texti eru saman,“ segir Kristín.
Kristín er útskrifuð úr Mynd-
lista- og handíðaskólanum og er
einnig með próf í bókmenntafræði
og ritlist.
„Þessi þörf fyrir að segja sögur
hefur alltaf verið rík hjá mér. Ég hef
verið að segja sögur með einum
eða öðrum hætti frá því ég var lítil.
Strax og ég var búin í myndlistar-
náminu fór ég að myndlýsa bækur.
Þetta var það sem mig langaði
að vinna við, að búa til bækur og
söguheima. Þegar ég byrjaði að
myndlýsa bækur var ég að byggja
upp kjark til að stíga fram og skrifa
sjálf. Ég sé ekkert eftir því. Það er
óskaplega gaman að búa algjörlega
til söguheima sjálf, bæði texta og
myndir. Þá fæ ég að ráða öllu og
það er svo gaman,“ segir Kristín
kímin.
Viðurkenning fyrir
miðlun goðsagna
Kristín hlaut nýlega viðurkenn-
ingu Íslandsdeildar IBBY, Vor-
vinda, fyrir framlag sitt til barna-
menningar. Viðurkenninguna
hlaut hún fyrir að miðla goðsögum
til barna í gegnum bækur sínar og
myndlýsingar og fyrir töfrandi og
fræðandi barnasýningar. Kristín
segist hafa sökkt sér niður í heim
norrænna goðsagna eftir að hún
gerði myndabók með Þórarni Eld-
járn sem byggist á Völuspá.
„Ég hef verið að vinna með þetta
efni með ýmsu móti síðan þá. Ég
skrifaði bókaseríu um Úlf og Eddu
sem fjallar um börn sem finna
göng sem liggja yfir í Goðheima
og er einmitt núna að skrifa fyrstu
drög að leikriti sem byggist á þeirri
bókaseríu. Ég hef einnig búið til
sýningar eins og barnabókaflóðið,
sem byggist á goðsögunum. Sú
sýning ferðaðist um Eystrasalts-
löndin, en ég var þar um daginn
og fékk að sjá sýningarnar í öllum
þremur löndunum“ segir Kristín.
„Ég gerði líka bók með Ingunni
Ásdísardóttur sem heitir Örlög
guðanna og barnasýningu í
Gerðubergi sem hét Ormurinn
ógnarlangi. Ég er alltaf að finna
nýja fleti á þessum sögum og per-
sónum úr goðafræðinni. Ég nota
þá bæði til að auka áhuga barna á
þessu efni og að taka það aðeins
niður af stalli, svo börn finni að
þetta eru þeirra sögur og það má
leika sér með þær. Ég nota þetta
líka sem lestrarhvatningu eins og
í sýningunni barnabókaflóðið.
Þá er ég að hvetja börn til dáða að
semja sínar eigin sögur og lifa sig
inn í ævintýrin.“
Kristín hefur ferðast vítt og
breitt um landið á vegum verk-
efnisins Skáld í skólum og sagt frá
goðsögunum. Hún segir börnin
hafa brennandi áhuga á þeim.
„Sum þeirra vita svo mikið um
þær. Maður sér kvikna ljós í aug-
unum á þeim og þau vilja segja frá
því sem þau vita. Það er rosalega
gaman,“ segir hún.
Loks hægt að lesa í einum rykk
Núna þegar Nornasögu-seríunni
er lokið hefur Kristín snúið sér að
nýjum verkefnum.
„Ég er alltaf með fullt af hug-
myndum. Þær eru að takast á og
berjast meðan ég klára það sem
ég er að vinna að þá stundina. Svo
byrja ég að vinna að þeim hug-
myndum sem hafa orðið ofan á
þegar því verkefni er lokið,“ segir
Kristín.
„Núna er ég að skrifa fjórðu bók-
ina um Úlf og Eddu. Ég var búin að
lofa svo mörgum börnum að gera
það og ætla að standa við það. Ég
er líka byrjuð á alveg splunkunýrri
bók en ég þori ekkert að segja um
hana strax, svona hugmyndir eru
svo viðkvæmar þegar maður er
að móta þær. En svo er ég líka að
vinna að myndabók sem kemur
út á næsta ári. Það er mjög gaman
því það er langt síðan ég hef gert
myndabók.“
Kristín bætir við að lokum að
hún sé ánægð með að þriðja bókin
í Nornasögu-þríleiknum sé loks
komin út.
„Það var hugmynd mín með
seríunni að skrifa bækur sem börn
myndu lesa í einum rykk. Mig
langaði að skrifa bækur sem eru svo
spennandi að þú myndir byrja á
einni og færir svo beint yfir í næstu
og svo þar næstu. Núna er loksins
hægt að lesa þær þannig.“ ■
Börn hafa brennandi áhuga á goðsögum
Kristín með nornasögurnar þrjár en Nornasaga hefst við Listasafn Íslands. FRÉTTABLAÐIÐ/ANTON BRINK
Fallegar myndir
eftir Kristínu
prýða bækurnar.
MYND/
KRISTÍN RAGNA
GUNNARSDÓTTIR
Nornasaga 3 kom út nú fyrir jólin.