Fréttablaðið - 10.12.2021, Blaðsíða 60

Trikkið er eiginlega
bara að hundsa öll
varnarskilaboð frá
líkamanum og vona
það besta.
Björn Berg
Gunnarsson
höfundur bókar-
innar Peningar
„Í dag verður
hellt úr stærsta
potti Happ-
drættis Há-
skóla Íslands
til þessa, þegar
heilar 110 milljónir króna falla á
einn gullsleginn miða,“ segir Björn
Berg Gunnarsson, deildarstjóri
greiningar og fræðslu Íslands-
banka og höfundur bókarinnar
Peningar, sem var af þessu tilefni
beðinn um að setja þessa fjárhæð
í samhengi.
„Eins langt og það nú nær, því
sigurvegarinn hlýtur að fjárfesta í
69 þúsund miðum í næsta drætti
til að vinna aftur,“ bætir Björn við.
„Eftir að hafa burðast út úr Smára-
lindinni með burðarpoka á pari við
Húsavíkurhelluna er ekki úr vegi
að vinningshafinn hugi að því að
greiða niður skuldir.
Sá aldurshópur landsmanna
sem skuldar mest er á aldrinum
45-49 ára og ef hinn heppni er
dæmigerður fulltrúi þess hóps má
losa sig við allar skuldirnar og eiga
95 milljónir í afgang til að leika sér.
Ef ætlunin er þó að koma sér
upp þaki yfir höfuðið, segjum í sér-
býli, fer mögulegur fermetrafjöldi
að sjálfsögðu eftir staðsetningu. Ef
við leikum okkur aðeins með fer-
metraverð virðast ekki fást nema
rétt ríflega 180 fermetrar í sérbýli
fyrir 110 milljónir í Ása- og Flata-
hverfum Garðabæjar, en hátt í 300
fermetrar á Akranesi og yfir 700
fermetrar á Hofsósi, að því gefnu
að sjálfsögðu að til sölu sé 700 fer-
metra einbýlishús á Hofsósi.
Mikilvægast er þó að sjálfsögðu
að gleyma sér ekki í fagnaðarlát-
unum, þó svo við gerum að sjálf-
sögðu kröfu um að í það minnsta
ein freyðivínsflaska sé rifin upp.
Öllu flóknara viðfangsefni er að
haga málum með þeim hætti
að stóri vinningurinn beri áfram
ávöxt og hægt verði að njóta hans
til framtíðar. En það er önnur
saga.“ n
Stóri vinningurinn kallar á að freyðivínsflaska verði opnuð
Þetta eru 110 milljónir´islenskra króna í þúsundköllum. MYND/AÐSEND
n Sérfræðingurinn
odduraevar@frettabladid.is
Stefán Árni
Pálsson
sjónvarpsmaður
Ég er aðal-
lega að horfa
á handbolta
þessa dagana.
Hef lítinn tíma í
annað, en það er
eitt sem ég verð hreinlega að gefa
mér tíma í og það eru þættirnir
Succession á Stöð 2.
Ég er mikill New York-maður
og þessir þættir gefa manni
þessa borg beint í æð, tónlistin er
geggjuð og karakterarnir sturlaðir.
Sérstaklega tengdasonurinn Tom.
Þann mann gjörsamlega elska ég.
Svo er ég mikið að vinna með
Latabæ. Horfi daglega með sextán
mánaða dóttur minni. Illa nettir
þættir og Stefán Karl stórkost-
legur. Mikill missir í þeim yndis-
lega manni. Annars hvet ég bara
alla til að horfa á handbolta,
skemmtilegra en allir þættir og
kvikmyndir. n
Gjörsamlega elskar
tengdasoninn Tom
n Á skjánum
Þór Saari
hagfræðingur
„Núna er ég bara
á bílastæðinu
fyrir utan Gló í
Faxafeninu, eða
einhverju Feninu.
Ég var að borða,“
segir Þór Saari,
hagfræðingur og
fyrrverandi alþingismaður. „Ég fer
svona stundum,“ segir Þór, þegar
hann er spurður hvort hann sé
kominn á kaf í hollustuna. „Þeir
eru núna með einhverja sérstaka
jólaskál sem er alveg rosalega góð,
sko. Ég mæli með þessu. Þetta er
fínt.“ n
Kíkt í góða jólaskál
Baldur segist
aldrei hafa séð
hljóðfæri sem
hafi öskrað eins
mikið á sig og
þessi gítar, sem
hafi verið eins
og sérsmíðaður
fyrir kappann.
MYNDIR/AÐSENDAR
n Hvar ertu?
Baldur Ragnarsson er rokkari
ekki einhamur, en milli þess
sem hann heillar leikhúsgesti
í Guðmundarlundi og fram­
leiðir vinsælustu hlaðvörp
landsins, semur hann tónlist
á glænýjan gítar fyrir stærstu
þungarokkssveit landsins,
sem er alls ekki hætt.
odduraevar@frettabladid.is
Varla er dauða stund að finna í sólar­
hringnum hjá Baldri Ragnarssyni,
sem stendur ásamt Leikhópnum
Lottu á sviði í leikverkinu Ævintýri í
Jólaskógi í Guðmundarlundi, semur
glænýja tónlist með félögum sínum
í Skálmöld sem hyggur á endur­
komu eftir pásu og svo framleiðir
hann vinsælustu hlaðvörp landsins
fyrir Hljóðkirkjuna.
„Trikkið er eiginlega bara að
hundsa öll varnarskilaboð frá
líkamanum og vona það besta,“
segir Baldur, þegar hann er spurður
hvernig hann fari að þessu. „Nei,
nei, þetta bara spurning um gott
skipulag og forréttindin eru nátt­
úrulega þau að ég er aldrei að gera
eitthvað sem mér þykir leiðinlegt.“
Gleði í Guðmundarlundi
Ævintýri í Jólaskógi var fyrst sett á
svið í Guðmundarlundi í fyrra, en
þá tók Baldur ekki þátt og heillaðist
sjálfur upp úr skónum. „Ég er sá eini
í hópnum sem er hæfur til að meta
hversu mikil snilld þetta er, því þau
voru öll meira og minna í þessu í
fyrra.“
„Mér hefur aldrei verið kippt jafn
harkalega út úr raunheimum í leik­
húsi. Þarna eru sagðar fjórar smá­
sögur úti í skógi í vasaljósaleikhúsi
þar sem er auðvelt að halda fjarlægð.
Ég vissi ekkert þegar ég mætti og
þetta er heilmikil upplifun,“ segir
Baldur. Hann viðurkennir að þetta
sé keyrsla enda um þrettán sýningar
á dag. Eftir að rökkva tekur.
„Maður finnur ótrúlega lítið fyrir
því og þetta er svo hryllilega gaman
og fólk er svo glatt því það er svo
flókið að ætla að gera eitthvað með
fjölskyldunni þessa dagana og þetta
er framúrskarandi upplifun.“
Skálmaldarpásan búin
Þungarokkssveitin Skálmöld lýsti
því yfir í lok desember 2019 að hún
væri farin í pásu. „Fólk misskildi
þetta eitthvað. Við vorum alls ekki
hættir,“ segir Baldur hlæjandi. „Við
fundum það eftir þessa hvíld að
Allt of mikið fjör til þess að hægt sé
að hlusta á líkamlegu hættumerkin
Baldur segir gesti gríðarlega glaða. FRÉTTABLAÐIÐ/ERNIRVeruleikinn hverfur í skóginum. FRÉTTABLAÐIÐ/ERNIR
þetta væri allt of gaman til að gefa
alfarið upp á bátinn.“
Baldur eignaðist nýlega glænýjan
gítar, smíðaðan af Gunnari Erni
Sigurðssyni. „Ég hef bara aldrei séð
hljóðfæri sem hefur öskrað jafn
mikið á mig úr fjarlægð. Það var
eins og ég hefði verið hafður með í
ráðum frá fyrstu handahreyfingu,“
segir Baldur. Hann segir gítarinn
koma sér vel, en þeir í Skálmöld
hittust á dögunum og eru byrjaðir
að semja nýtt efni.
„Þegar maður sest niður með nýtt
hljóðfæri, sem maður tengir svona
vel við, þá allt í einu byrjar maður
að semja öðruvísi lög og gleymir
sér gjörsamlega og það er það sem
er að gerast núna. Þannig að allt
þetta sem ég er að semja núna fyrir
Skálmöld kemur frá nýjum stað.
Hann er ótrúlegur þessi gítar.“
Þeir félagar verða með tónleika í
Eldborg á næsta ári í tilefni af tíu ára
afmæli plötunnar Börn Loka. „Þetta
verður veisla og það verða óvæntir
gestir með okkur.“
Baldur segir meðlimi sveitarinnar
sultuslaka og óljóst hvenær nýja
efnið kemur út. „Við erum ekki í
neinu stressi. Það er fátt skemmti­
legra en að búa til músík með vinum
sínum þannig við höldum því bara
áfram.“ n
24 Lífið 10. desember 2021 FÖSTUDAGURFRÉTTABLAÐIÐLÍFIÐ FRÉTTABLAÐIÐ 10. desember 2021 FÖSTUDAGUR