Strandapósturinn - 01.06.1997, Qupperneq 20

Strandasýslu, sem stofnað var á árinu og er samstarfsverkefni
allra sveitarfélaganna í sýslunni. Keyptur var sorppressubíll og
25 ruslagámar sem valinn hefur verið staður víðs vegar um svæð-
ið frá Bæjarhreppi til Arneshrepps og Langadalsstrandar. Þá hef-
ur verið opnaður urðunarstaður fyrir sorp í landi Hólmavíkur-
hrepps í Skeljavík. Alls nam stofnkostnaður við sorpsamlagið um
8,6 milljónum króna. I sambandi við ruslahreinsunina annast
sorpsamlagið einnig spilliefnamóttöku. Nú er tekið sorp 2-4
sinnum í mánuði allt árið í öllum hreppum frá Bæjarhreppi til
Kaldrananeshrepps og yfir sumarið í Arneshreppi. Stofnun sorp-
samlagsins og kerfisbundin sorphirða í dreifbýlishreppum sýsl-
unnar er mikið framfaraspor og markar ákveðin tímamót í
nmhverfismálum héraðsins.
Þá er m.a. samstarf með Hólmavíkurhreppi og Kirkjubóls-
hreppi um brunavarnir. A árinu var keypt ný (notuð) slökkvibif-
reið fyrir slökkviliðið. Bifreiðin er þýsk, af gerðinni IVECO Mag-
irus Deutz, 232 ha, með 8 cyl. díselvél, 4x4, árgerð 1980, 4500
lítra vatnstanki og 500 lítra froðutanki. Fylgihlutir eru Weber
vökvadrifnar björgunarklippur og glennur, 5,5 kW rafstöð, ljósa-
mastur með halogenkösturum, björgunarstigi, olíumiðstöð, IVE-
CO-dæla og byssa (monitor) á þaki. Bifreiðin er mjög lítið keyrð
og gerð upp undir eftirliti þýska öryggiseftirlitsins. Kostnaðar-
verð hennar ásamt fylgihlutum var um 5,5 milljónir króna. Með
tilkomu þessarar bifreiðar er vel séð fyrir tækjakosti slökkviliðs-
ins.
Framkvæmdir á vegum sveitarfélaganna voru ekki miklar á ár-
inu aðrar en venjubundið viðhald. Það sem hæst ber á þeim vett-
vangi er sá ánægjulegi atburður sem varð þann 10. júní, þegar
Drangsnesingar fengu 12 sekúndulítra af 60 gráðu heitu vatni
upp úr tilraunaborholu nr. 7, en hún er aðeins nokkra metra frá
skólahúsinu á staðnum.
Aðdraganda þessa atburðar má rekja til þess að veturinn
1995-96 lentu Drangsnesingar í þeim hremmingum að vatnsból
þeirra í Bæjarvötnum fraus. Varð þá staðurinn að miklu leyti
vatnslaus og öll vinnsla í frystihúsinu lamaðist. Til að bæta úr
þessum vandkvæðum var brugðið á það ráð að fá jarðbor til að
bora 100 metra djúpa holu í námunda við frystihúsið og freista
18