Luxus - 01.04.1986, Blaðsíða 79

LÚXUS
Lúxus kynnist vínmenningu
Toskanabúa
Toskana er eitt besta vínrcektarhérað Ítalíu. Paðan koma m.a. Chianti-vínin og freyðivínið Riccadonna
TEXTI: ÞORSTEINN EGGERTSSON
að voru ítalir sem kenndu
Frökkum að framleiða konjak
- en ósvikið konjak er ekki ítalskt
í daa. Það er franskt. Það voru
líka ftalir sem fundu upp kampa-
vínið, þótt ekta „champagne" sé
að sjálfsögðu aðeins franskt. En
nú er sagt að vínberin séu farin
að „súrna“ í frægustu kampa-
vínshéruðum Frakklands. Að
minnsta kosti halda ítalir því fram
að þeir séu farnir að slá slöku við
í þeim flóknu framleiðsluaðferð-
um sem kampavínsgerð krefst.
Á síðustu misserum hefur hvert
vínhneykslið á fætur öðru komið
upp í Evrópu. Fyrir nokkrum árum
misstu menn tiltrú á austurrískum
vínum, í fyrra urðu ýmis þýsk vín
tortryggileg og ekki er langt síðan
nokkrir ítalskir vínbændur voru
staðnir að því að drýgja fram-
leiðslu sína með tréspíritus.
Svona lagað hefur auðvitað
óbætanleg áhrif á orðstír vín-
framleiðenda í viðkomandi
löndum - ekki síst á Ítalíu þar
sem virtustu vínframleiðendurnir
hafa verið að hasla sér völl á
heimsmarkaði með góðum
árangri undanfarin ár.
Sem betur fer er ekki alls staðar
maðkur í mysunni. Eitthvert besta
vínræktarhérað Ítalíu er Tosk-
ana, sem er eins konar menning-
arríki út af fyrir sig. Þar varð
endurreisnartímabilið til og reis
hæst. Þaðan voru Dante, Bottic-
elli, Leonardo da Vinci, Rafael,
Michaelangelo og Machiavelli -
allir frá Flórens sem reyndar var
höfuðborg allrar ítalfu um tíma.
Þar voru líka eðaldrykkirnir
konjak og freyðivín fundið upp.
Lúxus kynnist vín-
menningu Toskanabúa
Lúxus átti þess kost að ferðast
um þetta fræga og glæsilega hér-
að síðastliðið haust, sjá svolítið
af borgunum Písa, Flórens, Fie-
sole og Siena, heimsækja Strozzi
fursta, sem var nýbúinn að til-
kynna trúlofun sonar síns og dótt-
ur Frescobaldis greifa, gista í
kastalanum San Gimigniano,
sem er miðja vegar milli Siena og
Flórens - og kynnast vínmenn-
ingu Toskanabúa af eigin raun.
Sjálft ferðalagið var lygasögu
líkast, en of langt mál yrði að
segja frá því hér, enda efast ég
stórlega um að lesendur myndu
trúa helmingnum af ferðasögunni.
Tólf blaðamenn frá sex löndum
tóku þátt í ferðinni auk fararstjór-
ans dr. Petrini frá Róm. Auk mín
voru þrír Danir, þrír Þjóðverjar,
þrír Belgíumenn, ein kona frá
Svtþjóð og önnur frá Austurríki.
Við vorum þarna í boði ítalska
flugfélagsins Alitalia, en Arnarflug
sá um íslenska þátt ferðarinnar.
Eftir að hafa gist tvær nætur í
borginni eilífu, Róm, héldum við
til Písa og fórum þaðan rakleitt til
Flórens, sem varð einskonar
bækistöð okkar. Fyrst fórum við
til héraðsins Montecarlo sem sér-
hæfir sig í hvítvíni með sama
nafni. Þar fengum við að sjá ýmis
framleiðslustig vínsins og allan
þann tækja- og tankakost sem til
þarf. Svo vel vill til að blaðamaður
Lúxuss, sá er skrifar þessar línur,
vann um skeið í vínfirmanu
Georg Bestle í Kaupmannahöfn,
svo að hann kom ekki alveg að
tómum kofanum þegar vínbænd-
ur fóru að sýna gestunum hvernig
vínið er framleitt; erjað og kælt -
gerjað og mælt.
Framleiðsla Vernaccia
hófst árið 1200
Við fórum um héruðin þar sem
Chianti-vínin (frb. khí-ANtí) eru
framleidd. Þessi vín eru mjög
mörg og misjöfn. Á bestu bæjun-
um er stuðst við margra alda
gamlar hefðir meðan annars
staðar er ekki einu sinni hirt um
að fara með framleiðsluna í tilskil-
ið eftirlit. Hér á landi eru tegund-
irnar Ruffiono og Antinori hvað
þekktastar af Chianti-vínum.
Bestu vínin frá Chianti fá sæmd-
LÚXUS 79