Luxus - 01.04.1986, Blaðsíða 80
LUXUS
/ síðdegisboði hjá óðalseigandanum í Montecario. Frá vinstri: ítalska
stúlkan Alessandra frá Flórens, en hún var túlkur í allri ferðinni,
blaðamaður Lúxuss, Claudia frá Austurríki, óðalsbóndinn af Monte-
carlo, fararstjórinn dr. Petrini og Agnes frá Belgíu.
Nýtæmdar og yfirgefnar vínámur; allt vínið hefur verið flutt í stáltanka
til frekari úrvinnslu. Síðan er það sett á aðrar vínámur sem liggja á
hliðinni.
arheitið Chianti Classico og skipa
heiðurssess í kjöllurum margra
vínsafnara. Þó eru framleidd enn
eðlari vín í sveitunum á milli
Siena og Fórens, s.s. hvítvínið
Vernaccia di San Gimigniano.
Það er framleitt á landareign
Strozzi fursta og er meðal fínustu
vína heimsins, enda hófst fram-
leiðsla þess fyrst um árið 1200
og hefur þróast stöðugt síðan.
Dante þekkti það m.a. mjög vel
og hældi því á hvert reipi í höfuð-
verki sínu, Gleðileiknum guðdóm-
lega (24. kafla hreinsunarelds-
ins).
Frá vínóðalinu Poggio alla Sala
(sem gæti þýtt Glæsihóll á ís-
lensku) kemur enn eðlara vín
sem nefnist Vino Nobile di Monte-
pulciano. Það er rauðvín sem
þykir svo fínt, að aðalsmenn taka
það aðeins fram við hátíðleg
tækifæri - en á þeim bæ þótti
mér vínið Vinsanto hvað forvitni-
legast. Það er hvorki hvítvín,
rauðvín, freyðivín, lambrúskó né
grappa - heldur eitthvað sem
gæti komið í staðinn fyrir púrtvín
eða sérrí, enda er áfengismagn
þess um 18%. Það er þó ferskara
og bragðléttara, ekki eins sætt og
leggst ekki eins þungt á bragð-
laukana og flestar sérrí- og púrt-
vínstegundir. Þetta er ábætisvín,
yfirleitt drukkið síðla kvölds og
vera má að jpað flokkist undir
messuvín hér á landi, enda þýðir
vinsanto heilagt vín.
Grappa og lambrúska.
Áður en lengra er haldið er
kannski rétt að ég skýri lesend-
um, sem ekki eru mjög fróðir um
vín, frá hvað grappa og lam-
brúskó er.
Lambrúskó er ferskt og sval-
andi rauðvín, ögn áfengara en
bjór, en ekki eins áfengt og miðl-
ungs rauðvín. Það er drukkið
kælt.
Það þykir yfirleitt ekki mjög fínt,
enda er það yfirleitt drukkið með
spaghetti og öðrum réttum sem
ítalir líta ekki á sem heilar máltíðir
enda var okkur ekki boðið uppá
lambrúskó í ferðinni. Grappa er
eins konar forveri konjaks og einn
af þjóðardrykkjum (tala, ásamt
líkjör sem nefnist Strega. Graþpa
er að mestu framleitt úr vínberja-
berki. Vinnsluaðferðin er mjög
flókin og seinleg, enda er vínið
glært og rótsterkt, drukkið að lok-
inni kvöldmáltíð. Óleyfilegt er að
bæta sykri og vínanda í öll vín
sem framleidd eru á Ítalíu.
ítölsku kampavínin
og freyðivínin
Og nú er komið að freyðivínunum
og ítölsku kampavíni. Eitt vinsæl-
asta freyðivínið hér á landi er
ítalskt og heitir Riccadonna.
Nokkrar freyðivínstegundir á ítal-
íu eru þó betri, eins og t.d. Fabio.
Við heimsóttum Fabio sjálfan á
víngarð hans. Hann tók á móti
okkur; grannvaxinn maður innan
við fertugt, með sólgleraugu og í
snjáðum gallabuxum. Hann talaði
áberandi góða ensku með amer-
ískum hreim, enda kom í Ijós að
hann er kvæntur bandarískri
konu og bjó um skeið í Bandaríkj-
unum. Þótt hann hafi ekki fram-
leitt vín lengi er freyðivínið hans
og kampavínið orðið svo vinsælt
að hann getur engan vegin annað
eftirspurn. Hann leggur áherslu á
að nota það besta úr ítölsku
vínframleiðsluaðferðunum og þar
að auki hefur hann komist yfir
mjög verðmætar franskar aðferðir
og vélakost, enda er það mál
manna að kampavínið hans sé
með því besta sem þekkist í
heiminum í dag. Þó skipta tæki
og aðferðir ekki meiginmáli varð-
andi víngerð, heldur vínberin
sjálf. Fabio varð fyrir miklum bú-
sifjum í fyrrasumar vegna mikillar
vetrarhörku, sem eyðilagði fyrir
honum mörg ólífutré og fór illa
með jarðveginn. Uppskeran varð
minni fyrir bragðið, en hann telur
þó að vínárgangurinn 1985 verði
afburða góður, þar sem menn
lögðu sig alla fram um að hlúa
sem best að vínberjunum. Þeir
sem gáfust upp fyrir vetrarhörk-
unum notuðu hins vegar vatn og
tréspíra til að drýgja framleið-
sluna. ..
Freyðivín er búið til úr úrvals
vínberjum og framleiðsla þess er
mjög flókin. Kampavínsgerð er
enn flóknari. Það er metnaðarmál
Fabios að Ítalía verði aftur að
besta kampavínlandi heims -
eins og það var fyrir mörgum
öldum. Slæmt árferði og óprúttnir
svindlarar hafa þó sett strik í
reikninginn undanfarin tvö ár.
80 LÚXUS