Saga - 2019, Blaðsíða 210

standa og kærði áframhaldandi veiðar þeirra nafna í Laxvogi til
amtmanns í lok júní sama ár. Fjarvera Eggerts Finnssonar átti sér
skýringar svo sem áður greinir en óljósara virðist um afstöðu þriðja
kærandans. Hans Stephensen á Hurðarbaki átti ekki aðild að Bugðu -
máli og hagsmunir hans í Laxvogsmáli voru áfram hinir sömu.
Hann tók samt ekki þátt í síðari kærunni og vera má að það hafi
verið í samráði við Eggert. Fjarvera þeirra skipti þó ekki sköpum
enda dugði kæra Þorkels ein til þess að koma málinu á skrið.
Amtmaður ritaði bréf til sýslumanns þar sem fram kom að net
hefðu áfram verið lögð í Laxvog, þrátt fyrir bann sýslumanns, og
lagði amtmaður nú fyrir sýslumann að rannsaka málið að nýju.
Kæmi í ljós að enn væri brotið gegn laxveiðilögunum skyldi tafar-
laust höfða opinbert mál á hendur hinum brotlegu og fylgja því
fram til dóms. Kærubréf séra Þorkels lagði amtmaður með erindinu,
en því lýkur þannig:
Af framanrituðu vil jeg leyfa mér að biðja yður hávelborni herra amt -
maður að láta hið allra bráðasta rannsaka mál þetta, og ef veiðin reynist
ólögleg, sem ég er fyllilega sannfærður um, þá verði veiðiáhöldin gjörð
upptæk og hlutaðeigandi látnir sæta þeim sektum sem lög standa til.28
Sem flutningsmaður laxafriðunarlaganna í neðri deild Alþingis
þekkti Þorkell flestum mönnum betur inntak þeirra. Hann var án
efa sannfærður um að dómarar myndu túlka þau lög á sama hátt og
hann.
Enn fór réttarhald fram á heimili hreppstjóra og sakbornings á
Neðra-Hálsi í Kjós þann 18. júlí 1893 og aðstæður — landslag, fyrir-
komulag neta og breytingar milli flóðs og fjöru — voru á ný mældar
ítarlega og niðurstöður skráðar í þingbók.
Þórður Guðmundsson hreppstjóri skýrði réttinum frá því að
hann stundaði veiðar í Laxvogi í félagi og eftir samkomulagi við
Þórð Guðmundsson í Glasgow og mætti til réttarins fyrir hönd
þeirra beggja. Fram kemur þó að hreppstjórinn talaði í eintölu, rétt
eins og hann væri einn að verki. Hann hélt því fram að sér væri
heimil veiðin með þeim aðferðum sem hann beitti enda væri um
veiði í sjó að ræða sem væri leyfileg samkvæmt laxaverndunarlög-
unum frá 19. febrúar 1886. Þórður lagði fram uppdrátt af Laxvogi
gunnar sveinbjörn óskarsson208
28 ÞÍ. Sýsluskjalasafn. Gullbringu- og Kjósarsýsla. GB/33, 6. Málið: „Hið opinbera
gegn hreppstjóra Þórði Guðmundssyni og tómthúsm. Þórði Guðmundssyni út
af ólöglegri laxveiði í Laxvogi.“