Strandapósturinn - 01.06.2016, Side 12

10
Nú, þegar árið 2015 er liðið, er ágætt tækifæri til að staldra við og
fara yfir helstu viðfangsefni ársins hjá Kór Átthagafélags Stranda-
manna. Æfingar hófust 11. janúar eftir langt og gott frí yfir jól og
áramót. Meginverkefnið var að æfa fyrir vortónleikana sem haldn-
ir voru í Árbæjarkirkju sunnudaginn 26. apríl undir stjórn Ágotu
Joó og við undirleik Vilbergs Viggóssonar. Kórinn söng síðan á
kaffidegi Strandamanna sunnudaginn 10. maí. Hin árlega vorferð
var að þessu sinni farin austur á Kirkjubæjarklaustur þar sem kór-
inn hélt tónleika í félagsheimilinu Kirkjuhvoli. Á leiðinni austur
var komið við á dvalarheimili eldri borgara í Vík í Mýrdal þar sem
sungin voru nokkur lög við góðar undirtektir íbúa og starfsfólks.
Á Kirkjubæjarklaustri gistu kórfélagar ásamt mökum á Hótel
Laka sem er prýðisgott hótel þarna í nágrenninu. Um kvöldið
nutu ferðafélagar samverunnar og góðra veitinga í fallegu um-
hverfi. Að loknum morgunverði daginn eftir og skoðunarferð um
nágrennið var komið að heimferð. Á heimleiðinni var komið við
á bænum Hólmi í Landbroti. Á bænum var smiðja Bjarna Run-
ólfssonar og síðar skóli á vegum Búnaðarfélags Íslands. Á leiðinni
að Hólmi sagði einn ferðafélagi okkar, Ingimundur Benedikts-
son, áhugaverða sögu Bjarna og veitti Ingimundur góðfúslega
leyfi til að láta frásögnina fylgja hér:
Hólmur í Landbroti er örfáa metra frá hringveginum, skammt
vestan Kirkjubæjarklausturs. Þar býr í dag einsetumaðurinn og
Haukur Guðjónsson frá Kjörvogi
Kór Átthaga-
félags Stranda-
manna árið
2015