Strandapósturinn - 01.06.2016, Side 45

43
Gerði ég mér því minnispunkta varðandi mína sýn á málið til að
leggja fyrir fundarmenn þegar norður kæmi.
Ég áttaði mig á því að ekki væri nógu gott fyrir mig að vera einn
í svona leiðangri. Fór ég því vandlega yfir alla þá sem frá mínu
sjónarmiði kæmu til greina í þessa ferð. Fljótlega staldraði ég við
Danna bróður, Daníel Guðjónsson, og hringdi í hann og skýrði
honum frá málavöxtum og spurði hvort hann væri til í að fara
með mér í þessa ferð norður. Hann var þá lögregluvarðstjóri á
Húsavík og þurfti því að fara svipaða vegalengd og ég. Hann tók
strax vel í það og mæltum við okkur mót í Brú í Hrútafirði kl.
15:00 hinn 25. maí.
Þegar við komum norður í Reykjarfjörð bönkuðum við upp á
hjá Guðfinnu Guðmunds dóttur bónda þar því að hún var sú eina
sem ég hafði ekki náð í símleiðis og var eindregin með gömlu
kirkjunni. Við útskýrðum ferð okkar og tók hún mjög vel í að
reyna að koma þessu máli í eðlilegt horf, staðan væri ömurleg.
Hún kvaðst mundu mæta til fundarins á Storð næsta kvöld kl.
19:30.
Ljósm.: Páll Kristbjörn Sæmundsson, vorið 2014.
Nýja kirkjan í Árnesi.