Strandapósturinn - 01.06.2016, Side 51

49
frá Kjörvogi, þar sem gatan liggur milli stórra kletta sem ná út í
sjó og bratts hlíðarbakka. Þar fyrir innan rennur lækur sem kem-
ur niður úr Hrafnshamarsgjá sem þar liggur upp eftir hlíðinni,
nánast upp á topp, um 500 m.
Er Guðmundur vildi ganga þar um slökknaði á luktinni og var
eins og fyrir framan hann myndaðist einhver veggur og varð hann
um leið svo máttlaus að hann var við það að hníga niður. Er hann
sneri sér við hvarf máttleysið. Síðan reyndi hann aftur og þá gerð-
ist það sama. Ekki mun hann hafa getað kveikt á luktinni aftur að
sögn þeirra sem ég heyrði segja söguna. Eftir að hafa reynt í þriðja
skiptið sá hann sitt óvænna og hugsaði ráð sitt.
Guðmundur Árnason var enginn aukvisi og gaf ekki hlut sinn
auðveldlega. Ákvað hann því að fara upp á efri götuna sem lá þar
sem bílvegurinn er í dag. En er hann ætlaði þar yfir Hrafnsham-
arslækinn, sem rennur niður fyrrgreinda gjá, gerðist það sama.
Það stóð allt í einu eitthvað fyrir framan hann sem varnaði hon-
um að ganga áfram. Aftur varð hann svo máttlaus að hann gat
ekki staðið í fæturna en það hvarf er hann sneri sér við. Við svo
Ljósm.: Valgeir Benediktsson, 2015.
Hrafnshamarsgjá séð frá Hrafnshamri.