Strandapósturinn - 01.06.2016, Side 54

52
Ungmennafélagið Efling var stofnað á Djúpavík 30. apríl árið
1939. Í því voru ungmenni úr syðsta hluta Árneshrepps, frá Kol-
beinsvík og að Reykjanesi. Félagið var starfandi frá 1939 og lík-
lega fram á árið 1950 en þá hafði fækkað svo fólki að starfsemin
lagðist niður. Fundargerðabók og sjóðsbók félagsins hafa varð-
veist auk nokkurra bréfa og annarra skjala og kennir þar margra
grasa. Eitt þeirra mála sem mikið ber á er barátta fyrir samkomu-
og íþróttahúsi á Djúpavík. Hér verður sú saga rakin að mestu eftir
skjölum félagsins og eru þau raunar látin segja alla söguna. Texti
tilvitnana er með nútímastafsetningu og augljósar stafsetn-
ingarvillur og pennaglöp leiðrétt án athugasemda. Innskot höf-
undar eru í hornklofum. Þess ber að geta að í texta höfundar er
ávallt ritað Djúpavík með a-i í öllum föllum og er það gert eftir
forskrift Skúla Alexanderssonar sem sagði að svo hefði ávallt verið
málvenja í Kjós. Beyging orðsins í tilvitnuðum texta er látin halda
sér.
Fyrst er rætt um húsnæðismál á fundi Eflingar 15. febr. 1942:
Gunnar Daníelsson1 tók næstur til máls og minntist á salinn gagnvart
félaginu og deildi jafnframt á Guðmund Pétursson2 fyrir aðgerðaleysi
hans gagnvart félaginu og starf hans í þágu annars félags. … Til
1 Gunnar Daníelsson var frá Hvammstanga. Verkamaður á Djúpavík 1935–43, síðar
bóndi á Þorfinnsstöðum í Önundarfirði.
2 Guðmundur Pétursson var frá Reykjarfirði, seinna vélstjóri í Reykjavík.
Haukur Jóhannesson
Þættir úr sögu
Djúpavíkur I
Samkomu- og íþróttahús
Umf. Eflingar á Djúpavík