Strandapósturinn - 01.06.2016, Page 57

55
Þá kom fram svohljóðandi tillaga frá Matthíasi Péturssyni12, Skúla Alex-
anderssyni13 og Páli Sæmundssyni14.
[I gr.]
Fundur haldinn í UMF Efling skorar á stjórnina að hefjast nú þegar
handa um byggingu samkomuhúss fyrir félagið og fela formanninum að
annast um kaup á efni og útvega lóð. Og þótt ekkert verði úr húsbyggingu
þá tryggi félagið sér lóð.
II gr.
Fundurinn felur stjórninni að annast um fjáröflun í þessu skyni og heim-
ilar stjórninni að taka lán allt að 5000 kr. – fimm þúsund krónur – til
þriggja ára.
III gr.
Fundurinn mælir með því að húsinu verði valinn staður fyrir vestan
geymsluhús15 h/f Djúpavík.
Samþykkt í einu hljóði.
Næst kemur málið til umræðu á fundi 10. júní 1946:
Jóhannes Pétursson skýrði frá starfsemi félagsins frá því um vorið og fram
á haust, enn fremur frá málaleitan sinni um íþróttavöll og lóð undir
samkomuhús á Kjósarlandi. … Gat hann þess að hann hefði talað við
Loft Bjarnason16 í Hafnarfirði vegna útvegunar lóða og þau svör fengið
að lokum að vart mundi synjað um lóðir, en hins vegar kvaðst Loftur
ætla að koma og athuga hvar hann teldi heppilegt að hafa þær.
Enn er málið rætt á fundi 5. jan. 1947:
Rætt um möguleika um húsbyggingu á Djúpavík á komanda sumri og
var samþykkt að fela Skúla Alexanderss. og Jóhannesi Péturss. að athuga
möguleika á því að afla lóðar og efnis með viðráðanlegum kjörum.
12 Matthías Pétursson var frá Reykjarfirði, seinna kaupfélagsstjóri á Hellissandi og
skrifstofustjóri á Hvolsvelli.
13 Skúli Alexandersson var frá Kjós, seinna framkvæmdastjóri á Hellissandi og
alþingismaður.
14 Páll Sæmundsson var frá Kambi, vélstjóri á Djúpavík.
15 Yfirleitt nefnt Lagerhúsið. Búið er að rífa þetta hús.
16 Loftur Bjarnason, útgerðarmaður í Hafnarfirði, þá einn af eigendum Kjósar.