Strandapósturinn - 01.06.2016, Page 76

74
Oft hefur það komið í huga minn að gera tilraun til að lýsa gamla
bænum í Norðurfirði þar sem ég og öll mín mörgu systkini erum
fædd og uppalin og bernskuminningar mínar eru helst bundnar
við.1 Á andvökunóttum síðari ára hefur sú mynd oft staðið mér
ljóslifandi fyrir hugskotssjónum. Hvernig skipað var í rúm hinni
stóru fjölskyldu. Hvernig hin daglega önn fór fram í þvílíkum
þrengslum, laus við öll þau þægindi sem síðar komu. Þar var
þröngur stakkur skorinn til allra hluta. Þarna fór fram öll mat-
reiðsla, þvottar, dagleg önn og sú fræðsla sem við systkinin nutum
af hendi föður okkar og móður. Það er svo ótrúlegt hvernig hægt
var að koma þessu öllu við við þær aðstæður að varla nokkur nú-
tímamaður getur gert sér grein fyrir því.
En fjölskylda foreldra minna var ekki ein í þessari gömlu bað-
stofu, þó hálfþil skildi að íbúðir okkar og sambýlisfólksins. Þar
bjuggu í öðrum enda baðstofunnar hjónin Ólafur Ólafsson og
hálfsystir móður minnar, Soffía Hansdóttir, og þeirra fjölskylda.
Þótt lífið og störfin væru fremur einföld er það ekki eins auð-
velt að skýra þetta og gefa af því sanna og trúverðuga mynd. Það
hefur því alltaf vafist fyrir mér hvernig ætti að standa að þessu svo
nokkur mynd væri á því. Þegar ég nú á elliárum læt verða af því
að gera þessa tilraun geri ég mér grein fyrir því hve vanbúinn ég
er til þess. Um það þýðir ekki að hafa fleiri orð.
1 Texti Guðmundar er látinn halda sér en stafsetning að mestu færð í nútímahorf.
Orðum í hornklofum var bætt inn til að gera textann læsilegri. Ljóst er að Guð-
mundur ætlaði sér að skrifa meira um bæinn en ekki hefur orðið af því. Hann var
kominn á tíræðisaldur (f. 1905) er hann skrifar þessa lýsingu. – Haukur Jóhannes-
son.
Guðmundur P. Valgeirsson
í Bæ í Víkursveit
Gamli bærinn
í Norðurfirði1