Strandapósturinn - 01.06.2016, Blaðsíða 78

76
Baðstofan í Norðurfirði hefur verið 18 álna löng = 6 stafgólf. Mun
hún hafa verið lengsta baðstofan í sveitinni, nema ef Finnboga-
staðabaðstofan kann að hafa verið lengri.
Hún var 6 álna breið. Var það algeng breidd á bæjum þess
tíma. Ástæðan til þess að hún var svo löng held ég að geti verið sú,
að um það leyti sem hún var byggð þá var faðir minn að setjast að
búi í Norðurfirði með móður minni, Sesselju Gísladóttur. Til að
byrja með í húsmennsku. En Gísli afi minn og Vilborg amma mín
voru enn við búskap.
Þeirra hlutur í baðstofunni var þrjú og hálft stafgólf eða 11½
alin. Þó ég viti ekki hvað margt var í heimili afa míns á þessum
tíma þá tel ég að stærð hans hluta af baðstofunni hafi verið í
stærra lagi. En hins vegar gert ráð fyrir fjölgun hjá ungu hjónun-
um.
Í hinum hluta baðstofunnar bjuggu þau Ólafur Ólafsson og
Soffía móðursystir mín með sína fjölskyldu. Þeirra hlutur í bað-
stofunni [var] 2½ stafgólf eða 73 og ½ alin. Var þeirra hlutur þilj-
aður af með þverbita í meters hæð. Á því milliþili var op í milli
baðstofuhlutanna. Gegnum það op var hægt að klofa og það
gerðum við börnin óspart. En lítið var það notað af fullorðnum til
annars en [að] skiptast á orðum milli baðstofuhólfanna. Það
gerðu þær systurnar oft og unglingarnir notfærðu sér þetta til að
ræða saman. Uppgöngustigar í bæjarloftin lágu sínhvoru megin
við skilrúmið. Held ég að þeir hafi verið rúmlega alin á breidd.
Nokkuð voru þeir brattir. Náði op þeirra svo sem 1 fet inn fyrir
rúmbreiddina sem lá að þeim í enda Ólafs og hans fjölskyldu.
Yfir stigunum voru hlerar á hjörum (leðurhjörum) sem opnað-
ir voru með öxlinni þegar upp var gengið, en lokuðust svo á eftir
þeim sem upp var kominn. Var gólfið þá sem heilt. Var varast að
láta hlerana standa opna. Í því var fólgin hætta fyrir börn sem
voru þar að leik og aðra ef ógætilega var farið. Þá nýttist gólf-
flöturinn til fulls þegar enginn var að koma upp eða fara ofan.
Í baðstofuhluta foreldra minna voru 3 rúmstæði að ofanverðu
en ekki nema tvö að neðanverðu. Eða 5 rúmstæði alls.
Við endann á rúmstæðunum tveimur að neðanverðu var svo
eldunarpláss heimilisins. Þar var eldstóin við milliþilið með örlitlu
bili frá þilinu. Var hún einöngruð frá því með járnplötu negldri á
3 Óljóst í handriti.