Strandapósturinn - 01.06.2016, Blaðsíða 82

80
saman fyrir Jóhann Hjaltason og örnefnaskrár Símonar Jóhann-
esar Ágústssonar prófessors frá 1965 (heimildarmaður hans var
Eyjólfur Valgeirsson frá Norðurfirði). Þær eru báðar varðveittar í
Stofnun Árna Magnússonar í íslenskum fræðum (áður
Örnefnastofnun). Annar höfunda (Haukur Jóhannesson) vann í
samvinnu við Guðmund skrá um og fyrir 1990 og var þar nokkru
bætt við. Auk þess var sótt í ritaðar heimildir. Annar höfunda
(Guðmundur G. Jónsson) er fæddur og uppalinn á Munaðarnesi
og var síðasti ábúandinn. Jörðin féll úr ábúð haustið 2005.
Með greininni fylgja kort sem unnin eru á löngum tíma og því
nokkuð ósamstæð að gerð. Lesendur eru beðnir velvirðingar á
því.
Landamerkjaskrá
Landamerkjaskrá fyrir jörðina Munaðarnes í Árneshreppi.
Milli Munaðarness og Eyrar ræður merkjum klettaklauf við sjóinn og úr
henni sjónhending í Hróaldshöfða, úr honum sjónhending í öxlina á
Miðaptansfjallinu.
Milli Munaðarness og Fells í tanga þann, sem kallaður er Hellir beina
stefnu til Kálfatinda. Sker þau, sem liggja framundan landinu, liggja
undir jörðina, ásamt veiði við þau.
p.t. Árnesi, 2. júlí 1890
J. J. Thorarensen
Jón Gíslason
Örnefnalýsing
Munaðarnes stendur á nesi einu breiðu sem er milli Ingólfsfjarð-
ar (1) og Trékyllisvíkur. Eftir Ingólfsfirði og út frá honum liggur
djúpur áll sem einfaldlega nefnist Áll (2). Út og vestur af nesinu
er Ófeigsfjarðarflói (3). Hann er óhreinn og heitir svæðið allt frá
Sæluskeri (nú nefnt Selsker) og norður í Reykjarfjarðarál Grunn
(4). Sagt var „að róa norður öll Grunn“.