Strandapósturinn - 01.06.2016, Page 83

81
Eiðið og Munaðarneshlíð
Landamerki Munaðarness og Eyrar eru þar Höfðar (5) heita. Þeir
eru neðst í brattri fjallshlíð og eru þrír að tölu og heitir sá ysti
Hróarshöfði (6) og er hann þeirra stærstur. Hann er nefndur
Hróaldshöfði (7) í landamerkjaskránni frá 1890 og af Eyrarmönn-
um. Fyrir innan hann er lítið vik og innanvert við það er kletta-
snös fram úr bökkunum og lítil stórgrýtisurð sem nær í sjó niður
og þar eru landamerkin við Eyri. Hróaldshöfðavík (8) er nokkuð
breið vík innan við Hróaldshöfða og eru landamerkin í henni
miðri. Merkin eru svo sjónhending í öxlina á Miðaftansfjalli (9).
Miðaftansfjall er eyktarmark frá Norðurfirði. Utan við Hróars-
höfðann er lítil vík, Höfðavík (10). Upp frá Höfðunum og ofan
við brún er Höfðaholt (11) og þar mætast lönd Munaðarness og
Norðurfjarðar.
Eyrarmenn nota þarna örnefni á nokkuð annan veg. Innan við
Hróaldshöfðavík er Höfði (12) og upp af honum nefna þeir stutt-
an bungumyndaðan hjalla Höfðaholt (13). Þessi hjalli er nokkuð
áberandi og þar var farið upp með hesta yfir í Norðurfjörð. Eyrar-
menn nefna aftur á móti Höfðholt það sem fyrr er getið Ytra-
Ljósm.: Haukur Jóhannesson.
Munaðarnes. Myndin er tekin af sjó.