Strandapósturinn - 01.06.2016, Side 88

86
arflaga (90) en hún kemur aldrei upp úr. Þá tekur við Standavík
(91). Heiman til við Standavík er Standavíkurhöfði (92) og innan
til á honum eru Standar (93). Þeir eru tveir og stendur annar ofar
og skarð á milli. Sá neðri er einnig nefndur Standur (94) og var
sagt „að vera undir Standinum“. Í Standavíkinni skammt innan
við Standavíkurhöfða er Standavíkurvogur (95). Hann er nokkuð
langur en mjór vogur upp í klappirnar og er bátgengur. Utan til
við Standavíkurhöfðann er Miðvíkursker (96) og er mjótt sund á
milli þess og klappanna í fjörunni sem hægt er að stökkva. Á Mið-
víkurskeri er flæðihætta. Utan við Standavíkurhöfða tekur við
Miðvík (97) og þá Miðvíkurhöfði (98) sem einnig er stundum
nefndur Sandvíkurhöfði (99). Næst tekur við Sandvík (100).
Sandvík, Miðvík og Standavík eru nefndar einu nafni Víkur(nar)
(101). Sagt er „að fara inn í Víkur“. Í miðri Sandvík er sker eða
klömp sem hægt er að komast út í um fjörur og heitir það Sand-
víkursker (102).
Þá förum við aftur inn á Vetrarbrekku og höldum bílveginn
heim. Fyrst verður fyrir okkur Skriðulækur (103). Hann fellur
niður hlíðina milli Strýtanna og í sjó fram fram af Forvaðanum.
Um 400 metrum utar er skriðuhryggur sem Bölt (104) heitir eða
Böltarhryggur (105). Böltarlækur (106) fellur niður hjá Bölt og
hverfur í skriðuna. Upp og inn af Böltarhrygg er skora í
hamrabeltið. Um 200 m þar fyrir utan er annar skriðuhryggur
sem Slörk (107) eða Slörkahryggur (108) heitir. Það hét „að fara
fyrir ofan (neðan, utan eða innan) Slörk“. Innan við Slörk fellur
Slörkalækur (109) niður hlíðina. Utan við Slörk er lítill hvammur
milli tveggja skriðuhryggja, Miðhúsahvammur (110). Hlíðin þar
fyrir ofan og innan heitir Hallur (111) og klettarnir í henni heita
Hallsklettar (112). Upp af Hallinum er nokkuð stórt hvapp í
brúnina sem heitir Geifla (113). Í norðanáttum skefur í Geiflu og
þá hlaupa þaðan snjóflóð niður hlíðina milli Miðhúsahvamms og
Þrepanna. Upp af Miðhúsaklifi eru tveir skriðuhryggir sem heita
einu nafni Þrep (114) en eru aðgreindir sem Heimri-Þrepahrygg-
ur (115) og Innri-Þrepahryggur (116). Þrepalækur (117) fellur
niður klettahlíðina ofan við Þrepin innan við Innri-Þrepahrygg
og hverfur í skriðuna. Stundum er talað um Þrepahryggina (118).
Klettarnir neðan við Þrepin heita Þrepaklettar (119). Innan til í
Þrepaklettum eru Bekkir (120) og eru þeir litlir grasstallar ofan