Strandapósturinn - 01.06.2016, Síða 91

89
Munaðarnes
Hár bakki er bæjarmegin við Sandvíkina og heitir flatinn upp af
honum Bænhúsvöllur (178). Það er bakkinn undir hlíðarfætin-
um þar sem vegurinn beygir niður að bænum. Má vera að þar hafi
staðið bænhús til forna þótt þess sé ekki getið í heimildum. Bæn-
húsvöllurinn er grýttur. Eggertsklettur (179) er heiman til og neð-
an við Bænhúsvöllinn og undir honum er Nátthagi (180). Álfar
eru sagðir eiga heima í Eggertskletti. Eggertsklettur er stærsti
kletturinn sem gengur fram úr hjallanum. Í kringum Nátthagann
var hlaðinn grjótgarður sem enn sér til og í honum miðjum var
garðtóft sem nú er alveg horfin. Kvíaærnar voru áður reknar í
Nátthagann og mjólkaðar í kví þar sem garðtóftin var. Fært var frá
á Munaðarnesi fram um 1930. Í krikanum sunnan undir bænum
er Bólið (181) og skilur garðlag það frá Nátthaganum. Ofan við
Bólið er Bólbarð (182) sem er klettahjalli ekki ýkja hár og er Egg-
ertsklettur í sama hjalla en innar. Bletturinn milli bæjar og Bæn-
húsvallar var og er kallaður Garður (183) en hann er utan túns.
Síðustu árin sem fært var frá á Munaðarnesi var mjólkað upp á
Bólbarðinu og var þar þá nefnt Kvíaból (184) og mun vera á svip-
uðum slóðum og nú heitir Garður.
Íbúðarhús Guðmundar G. Jónssonar stendur á Bæjarhólnum
(185) sem í daglegu tali er ávallt nefndur Hóllinn (186). Niður
með Bæjarhólnum að vestanverðu fellur Bæjarlækurinn (187).
Ofan við bæinn stóð áður fyrr brunnhús yfir Bæjarlæknum sem
nú er fallið og sjást aðeins veggjarbrotin eftir. Þar heitir enn í dag
Brunnhús (188) og sagt er „að fara upp fyrir Brunnhús“. Bæjar-
lækurinn kemur upp neðst í hlíðarfætinum. Framan við bæinn er
Hlaðið (189). Heimreiðin frá hlíðarfætinum að bænum heitir
Tröð (190). Þar sem þjóðvegurinn sveigir nú niður að bænum
hefur verið gert breitt útskot sem nefnist Planið (191) og er það
nafn nýlegt. Skammt norður af Planinu er grunnur bílskúrs sem
tók af í snjóflóði. Nokkru norðar og neðst á Skrautuhrygg var rétt
sem fé var rekið í og sést vel til hennar enn. Hún var nefnd Réttin
(192) og er það nú notað yfir þann stað. Sagt er „að fara upp fyrir
Réttina“.
Í túninu á Munaðarnesi eru eftirtalin stykki. Í slakkanum norð-
an við íbúðarhúsin heitir Fellsmannaflöt (193). Á henni stendur
nú íbúðarhús Jóns Elíasar Jónssonar yngra og markast flötin af