Strandapósturinn - 01.06.2016, Síða 94

92
heitir Halldórspollur (213), kenndur við ofangreindan Halldór.
Yst á nesinu, sem bærinn stendur á, er annað vik, Dýpri-Garðs-
stöð (214). Við og utan Dýpri-Garðsstöðvar eru Dýpri-Garðsstöðv-
arklettar (215). Í daglegu máli eru notaðar orðmyndirnar Dýpri-
Gástöð (216), Grynnri-Gástöð (217), Dýpri-Gástöðvarklettar
(218) og Grynnri-Gástöðvarklettar (219).
Norðan við bæinn er allbreið vík, nefnd Sandur (220). Á miðj-
um Sandinum er Bolahlein (221) og heiman til við hana er
Lendingin (222). Þar er uppsátur fyrir báta. Ofan við Lendinguna
er Kampurinn (223) sem er malarkampur ofan við fjöruna. Vest-
an við Lendinguna er Tanginn (224) og milli hans og Dýpri-Gá-
stöðvar er Vogurinn (225). Sagt er „að lenda í Vognum“. Boði er
skammt fram af Tanganum og nefnist hann Tangaboði (226).
Landið
Fyrir utan Sandinn er lítill pollur í klömpina efst í fjörunni sem
heitir Indapollur (227). Hann er kenndur við Indriða Guðmunds-
son sem lengi bjó á Munaðarnesi. Stuttu utar er Siggavík (228)
sem kennd er við Sigurð Guðbrandsson. Siggavík er beint niður
af Fellsmannaflöt. Þá taka við lágir klettar með sjónum sem Húsa-
klettar (229) heita. Stóriklettur (230) skagar fram úr miðjum
Húsaklettunum. Skömmu fyrir miðja þessa öld voru reist fjárhús
ofan við Húsaklettana og voru þau nefnd Mundahús eftir Guð-
mundi Guðbrandssyni sem byggði þau. Guðmundur var húsmað-
ur á Munaðarnesi áður en hann gerðist bóndi á Felli 1950. Þessi
hús eru nú í grunn fallin en svæðið þar sem þau stóðu heitir enn
Mundahús (231). Sagt er „að fara utan við Mundahús“.
Í gegnum Húsaklettana niður af Mundahúsum var fyrir
nokkrum árum sprengdur vogur. Hann var í fyrstu nefndur Nýi-
vogur (232) en síðar festist á hann nafnið Mottuvogur (233) og er
ástæðan fyrir því að þar eru skolaðar mottur sem notaðar eru
undir sauðfé um burð. Stóriklettur markar voginn að utanverðu.
Næst tekur við lítil vík sem veit mót norðri og heitir Rófufjara
(234). Rófufjara er niður af nyrðri enda Rimans. Þá er næst vík
sem heitir Níuálnafjara (235) og er Níuálnavöllur upp af henni
en Balinn er upp af Rófufjöru. Fyrir ofan Níuálnavöll eru klettar
sem Krossklettar (236) heita. Þar eiga álfar heima. Hæsta holtið á
Krossklettum heitir Móholt (237).