Strandapósturinn - 01.06.2016, Blaðsíða 96

94
svæði enn því nafni. Garðurinn lá um 2–3 metra fyrir utan skurð
sem nú liggur rétt innan við Stekkjarneshúsin. Í Stekkjarnesinu
norðanverðu er kimi eða kór upp í klettana og í honum vegg-
hleðsla og heitir kiminn Kvíar (253) en þær hafa ekki verið notað-
ar svo menn muni. Í kringum Kvíarnar eru klettar sem nefndir
eru Kvíaklettar (254) eða Klettarnir við Kvíarnar (255). Kvíarnar
markast af endanum á Stekkjarnesi (hjallanum) og tveimur brík-
um austan við Mölina.
Fremst á Stekkjarnesi á móti norðri er lítil vík sem nefnd er
Heimstavík (256) eða Mölin (257). Þar er malarfjara. Fram af
Stekkjarnesi eru flúrur allnokkrar og fram af þeim er Nálarsker
(258). Sundið milli þeirra og lands heitir Nál (259). Heita má að
það fjari um fjörur. Út og fram af Stekkjarnesinu er sker sem heit-
ir Skuggi (260) og eilítið grynnra og austar er annað minna sem
heitir Litliskuggi (261). Skuggi er stundum nefndur Stóriskuggi
(262) til aðgreiningar frá Litlaskugga. Fram af Litlaskugga eru
tveir minni naggar sem eru nafnlausir.
Nokkru austan við Stekkjarnesið er klettarani sem liggur frá
hlíðarfætinum og fram í sjó og heitir Merarbryggja (263). Hún er
í daglegu tali nefnd Bryggja (264). Efst í tanganum austan við
Mölina eru Mávaklettar (265). Mávavogur (266) er örlítill vogur
sem gengur upp í flúrurnar austan við Mávakletta. Undir efsta
hluta Mávakletta er skothús sem enn er notað. Vogar (267) ná frá
Mávaklettum að nafnlausum kletti sem er í fjörunni vestan við
Merarbryggju. Utan við Merarbryggju tekur við nokkuð stór vík,
Skálanesvík (268), og á bökkum ofan við hana er klettur og annar
nokkru ofar og heita þeir saman Dýraklettar (269). Þeir eru að-
greindir sem Hærri-Dýraklettur (270) og Neðri-Dýraklettur (271).
Hærri-Dýraklettur er stundum nefndur Ytri-Dýraklettur (272).
Ofan við Skálanesvík er slétt grund með sjónum sem nefnist
Skálanesgrund (273) en bakkinn ofan við hana, sem Neðri-Dýra-
klettur stendur upp úr, nefnist Dýraklettabakkar (274). Þá tekur
við Skálanes (275) sem er nokkuð hátt klettanes gróið að ofan.
Fremsti hluti þess heitir Skálanestangi (276). Upp á Skálanesinu
ofanverðu er grasbali sem nefnist Bali (277) en fullu nafni ýmist
Skálanesbali (278) eða Viðarbásbali (279). Austan á Skálanestang-
anum er annar minni og nafnlaus tangi. Bælingabás (280) er nafn
á litlum vog sem gengur upp á milli ofangreindra tanga. Austan