Strandapósturinn - 01.06.2016, Side 99

97
þann sem hóaði. Annað nafn á stapanum er Skip (294) og var það
oftast notað af börnum og unglingum. Annað berg stendur á
þurru og ber sama nafn, Sjálfberg (295). Austan við Sjálfbergið er
hólmi sem heitir Sjálfbergshólmi (296) eða oftar aðeins Hólmi
(297). Austan við Sjálfbergsbásinn er nes og fram af því flúrur. Þar
heitir Sjálfbergstangi (298) en oftar er talað um tangann heiman
við Viggu eða tangann utan við Sjálfbergið. Þá tekur við löng
malarfjara sem heitir Vigga (299). Í henni miðri er klettur sem
einnig ber nafnið Vigga (300) eða Vigguklettur (301). Kletturinn
Vigga er efst í mölinni og slitinn frá klettahjallanum fyrir ofan.
Sagt er að það „sé reki heiman til eða utan til í Viggu“. Ofan við
alla víkina er bakki sem nefnist Viggubakkar (302).
Nokkru austar en kletturinn Vigga fellur lækur niður hlíðina
og niður í víkina. Hann heitir Litlaá (303). Þá er allmikið vatnsfall
sem Stóraá (304) nefnist en er oftast nefnd Skallá (305). Stóraá og
Litlaá eru í daglegu tali nefndar Árnar (306). Skallá greinist í
tvennt er upp á dalinn kemur og nefnist sú vestari Innriá (307).
Skallá markar Viggu að austan. Svæðið milli ánna frá fjöru og upp
á dal er nefnt Milli Ánna (308).
Á bakkanum austan Skallár eru húsatóftir, sem eru kallaðar
Byrgi (309), og smávík þar niður undir heitir Byrgisvík (310) og
markast hún af litlum hleinum sem ganga í sjó fram. Tóftirnar
eru af beitarhúsum sem stóðu þar framan af öldinni og nefnd
Örnefni á Munaðarnesfjalli.