Strandapósturinn - 01.06.2016, Blaðsíða 110

108
inn upp mór á Skalladal og sést þar til fornra mógrafa. Ofan við
Miðhús var tekinn mór og einnig á Eiðinu, bæði ofan og neðan
akvegar.
Slægjur
Engjaslægjur voru aðallega á Munaðarneshlíð og þótti hey af
henni gott. Hlíðinni var skipt niður í parta sem voru slegnir ann-
að eða þriðja hvert ár. Það var kallað að slá einfornt eða tvífornt.
Þá var einnig heyjað á Eiðinu og upp á Heydölum en þangað var
erfiður heybandsvegur. Þá var heyjað víða á mýrunum í Landinu
og þaðan var reitt votaband heim á tún og þurrkað þar. Einnig var
heyjað uppi á Skalladal en þaðan var slæmur heybandsvegur.
Reki
Best rekur í Landinu, frá Stekkjarnesi út að Urðum. Í Urðunum
rekur talsvert en reki tollir þar illa vegna brims sem í görðum
gengur oft upp í skriður. Einnig rekur nokkuð í Víkunum vestur
frá bænum.
Selalagnir
Selalagnir voru og eru við Munaðarnessker. Lagt var við Pollasker,
Flatasker, Heiðnuflögu og Háasker. Í hafátt er lagt inn af Skerjun-
um eða vestur frá þeim. Í vestanátt er lagt út af eða austur frá
Skerjunum. Þá er einnig lagt í svonefnt Sog sem er fremst í
Pollaskeri og líka í Sundið sem er út af Flataskeri.
Smölun
Þegar Munaðarnesland er smalað er sagt að smala inn yfir og út
yfir. Þegar smalað er inn yfir er farið upp Ganginn og upp á Bæj-
arbrún. Síðan er leitarmönnum raðað upp eftir fjallinu allt að
Heydalatagli. Síðan er smalað vestur eftir fjallinu að Heydölum
og niður á Hlíðina og út og heim að bæ. Þegar smalað er út yfir
er farið upp á sama stað og í áðurnefndri smölun. Síðan er farið
upp eftir fjallinu og allt að Kálfatindum og smalað út eftir Skalla-
dal og af honum ofan í Landið. Síðan er farið út yfir Velli og
smalað niður Fellseggina og rekið niður Neshlíð ofan við Vetur-