Bændablaðið - 22.07.2021, Side 1

14. tölublað 2021 ▯ Fimmtudagur 22. júlí ▯ Blað nr. 591 ▯ 27. árg. ▯ Upplag 32.000 ▯ Vefur: bbl.is
Sóldís Einarsdóttir myndlistarkennari, hestakona, hundaþjálfari og hundasnyrtir, stendur nú fyrir námskeiðunum Dýr og list í annað sinn í hesthúsi sínu hjá Hestamannafélaginu Spretti í Garðabæ/
Kópavogi. Hér má sjá Maríu Mist Siljudóttur, Ágústínu Líf Siljudóttur, Gabríelu Oragutraiman, Írenu Sóldísi, Sóldísi sjálfa og Sunnu Dís, sem sýndu blaðamanni hluta af þeim dýrum sem taka
þátt í námskeiðunum. (Sjá bls. 24). Mynd / ehg
Allar hænur í lausagöngu
– Kostnaðurinn vegna breytinganna rúmir þrír milljarðar króna
Samkvæmt reglugerð um
velferð alifugla verður notkun
á hefðbundnum búrum hætt í
eggjaframleiðslu 31. desember
2021. Stefán Már Símonarson,
formaður Félags eggjabænda og
framkvæmdastjóri Nesbús, segir
að vinna vegna breytinganna sé
í fullum gangi. Kostnaður vegna
breytinganna er um þrír milljarðar
króna.
„Að mér vitandi eru allir
eggjabændur, sem ætla að halda áfram
framleiðslu, á fullu við að breyta
húsunum sínum í lausagönguhús og
losa sig við búrin. Ég veit um tvo
framleiðendur sem ætla að hætta
vegna aldurs um áramótin en svo
eru líka að koma inn ný bú eins og
Hranastaðir. Eggjaframleiðendur á
Íslandi eru tíu í dag.
Almennt ganga breytingarnar vel
en skipulagsmálin taka oft lengri
tíma en menn búast við í fyrstu og
þvælast stundum fyrir okkur og
þar sem breytingar sem þessar eru
kostnaðarsamar verður að vanda vel
til verka,“ segir Stefán.
Þriggja milljarða kostnaður
Stefán segir að þar sem
lausagönguhænur þurfi meira rými en
búrhænur verði nýting húsanna verri
en áður og að eggjaframleiðendur
þurfi talsvert stærri hús en áður til
að framleiða sama magn af eggjum.
Kostnaðurinn við framleiðslu á
eggjum er því hærri en hann var fyrir.
„Áætlaður kostnaður við
breytingarnar er um 15 þúsund krónur
á hvern fugl og fjöldi varphænsna í
landinu yfir 200 þúsund þannig að
kostnaðurinn vegna breytinganna eru
rúmlega þrír milljarðar króna.“
Engir breytingastyrkir í boði
Ólíkt löndum í Evrópusambandinu
og öðrum löndum í kringum okkur
njóta íslenskir eggjabændur engra
styrkja vegna breytinganna sem eru
talsvert kostnaðarsamar auk þess sem
þær leiða til minni nýtni húsanna.
Stefán segist ekki hafa sett sig
vel inn í hvernig styrkjakerfið í ESB
virkar en að breytingaferlinu þar sé
víðast lokið.
„Covid-19 faraldurinn veldur
því að svona veigamiklar breytingar
ganga hægar fyrir sig og það verður
allt snúnara og tefst. Ég á samt
von á að það verði flestir búnir að
breyta húsunum um áramótin en hjá
sumum getur vel verið að endanlegur
frágangur tefjist tvo til þrjá mánuði
inn í næsta ár.
Sjálfur er ég þokkalega á
áætlun og á ekki von á öðru en að
breytingarnar hafist á þokkalegum
tíma.“
Miklar breytingar
„Í stuttu máli má segja að
breytingarnar gangi út á að
hefðbundin búr fyrir hænur
verða bönnuð og fuglarnir settir í
lausagöngu. Hvers konar lausaganga
verður fyrir valinu er mismunandi
milli búa. Algengast er að komið sé
upp pallakerfum þar sem fuglarnir
geta farið á milli hæða þar sem
hreiðrin eru í miðjunni. Annað
fyrirkomulag er svo hefðbundið
gólfkerfi á einni hæð eða hluti þess
upphækkaður.“ /VH
Breytingarnar ganga út á að hefðbundin búr fyrir hænur verða bönnuð og
fuglarnir settir í lausagöngu.
Stefán Már Símonarson, formað-
ur Félags eggjabænda og fram-
kvæmdastjóri Nesbús.
22–23
Lífsstílslitaðar
tískubylgjur eða fordæmi
komandi kynslóða ? 40
Spil sem miðlar
þekkingu um plöntur
Danskir fjárfestar sýna
Íslandi áhuga 2