Sjálfsbjörg - 01.07.1970, Blaðsíða 26

þess, að um sjúkrastofnun sé að ræða. Hin
óhjákvæmilega sjúkrameðferð og endur-
hæfing fer fram í Johannastichtung. Lækn-
ir kemur í sjúkravitjanir, þegar þörf kref-
ur, og hverfishjúkrunarkona er við hend-
ina allan sólarhringinn. Deild fyrir nokkra
rúmliggjandi, lamaða sjúklinga er í þorp-
inu, en sé um alvarleg veikindatilfelli að
ræða er hinn sjúki fluttur á sjúkrahús eins
og aðrir íbúar Arnhems.
Svo sem sagt hefur verið er Het Dorp
tilraun til að skapa fötluðum þau um-
hverfis-, starfs- og búsetuskilyrði, sem
þeim eru nauðsynleg til að fá notið þess
lífs, er ýmiss konar tálmanir almennra
þjóðfélagshátta hindra þá í að lifa (stigar,
þröskuldar, þungar hurðir, gangstéttar-
brúnir o. m. fl.) Tilgangurinn er hins veg-
ar alls ekki sá að einangra þennan hóp,
þvert á móti er reynt að koma því þannig
fyrir, að hann hafi sem mest eðlileg sam-
skipti við þá, sem heilbrigðir eru, á jafn-
réttisgrundvelli. Hugmyndin var til dæmis
sú, að veitingastaðurinn, samkomusalur,
kirkja, bókasafn, verzlun og vörumarkað-
ur yrðu nokkurs konar sameiginleg mið-
stöð alls héraðsins Arnhems, þar sem fólk
hittist og kynnist eins og gengur og gerist.
I reynd hefur þetta orðið svo.
I ráði er, að Het Dorp öðlist nokkurs
konar sjálfsstjórn í samræmi við hollenzk
lög. Einu sinni í mánuði hverjum sitja sex
þorpsbúar ráðstefnu með bæjarstjórninni,
þar sem rædd eru skipulags- og hagsmuna-
mál.
Skilyrði til búsetu í Het Dorp eru líkam-
leg fötlun, sem þó má ekki vera á það háu
stigi, að einstaklingurinn sé gjörsamlega
ósjálfbjarga. Aldurslágmark er 18 ár.
Þar sem þorpið fullnægir hvergi nærri
húsnæðisþörf og umsóknum hinna fötluðu
um búsetu þar, er í ráði að reisa tvö eða
fleiri slík þorp í Hollandi á næstu árum.
Greiður að-
gangur
iVrirfatlaða
I fyrrasumar efndu Norðurlöndin til
samkeppni um táknrænt merki, sem ætl-
unin er að koma fyrir í byggingum, sem
aðgengilegar eru fyrir þá, er nota hjóla-
stól, og fatlað fólk yfirleitt.
Er þetta einn þáttur í þeirri vaknandi
viðleitni að skipuleggja byggingar með til-
liti til fatlaðra.
I septembermánuði síðastliðnum var svo
dæmt um hugmyndir þær, er bárust, á al-
þjóðlegri endurhæfingarráðstefnu, sem
haldin var í Dublin.
Fyrstu verðlaun hlaut dönsk stúlka,
Susanne Kofoed að nafni, og stundar hún
nám í byggingarlist.
Eins og meðfylgjandi mynd sýnir, tákn-
ar merkið mann í hjólastól og þarfnast
ekki nánari skýringa. Það er auðvelt í
framleiðslu, hvort heldur er úr málmi,
gleri eða öðru efni.
Merki þetta gegnir í rauninni tvíþættu
hlutverki. 1 fyrsta lagi gefur það viðkom-
andi strax til kynna, hvort hægt er að
komast fyrirhafnarlaust um húsið, jafnt
á salerni sem annars staðar. I öðru lagi
er það hvatning til allra, sem starfa að
byggingamálum, að standa ekki öðrum að
baki í þessu efni.
26 SJÁLFSBJÖRG