Fréttablaðið - 11.06.2022, Blaðsíða 6

tsh@frettabladid.is
FÉLAGSMÁL Frumvarp Katrínar
Jakobsdóttur forsætisráðherra um
vöggustofur var samþykkt á Alþingi
í vikunni. Reykjavíkurborg hefur nú
öðlast lagaheimildir til að rannsókn
á vöggustofum geti farið fram.
Hrafn Jökulsson, einn fjórmenn-
inga í forsvari fyrir stuðningshóp
vöggustofubarna, segir rann-
sókn löngu tímabæra. Um sé að
ræða „mein sem teygir sig víða um
samfélagið“.
„Það er ljóst að vöggustofurnar
ollu mjög víðtækum skaða og sá
skaði, hann dó ekkert út þótt að
vöggustofurnar lokuðu. Þannig að
nú viljum við vita hvernig eftirlif-
andi vöggustofubörnum líður og
kannski hvort það sé hægt að gera
eitthvað fyrir þau,“ segir Hrafn.
Hann fagnar því að málið sé
komið í farveg þótt hann hefði vissu-
lega viljað sjá eitthvað gert fyrr.
„Þessi rannsókn hefði auðvitað
þurft að fara fram fyrir áratugum en
hún er að fara af stað núna og það er
gott. Þannig að það er fagnaðarefni
og við gleðjumst. Nú skulum við
bara sjá hvað kemur út úr þessari
rannsókn, það verður kannski ófag-
urt en við verðum að horfast í augu
við það,“ segir Hrafn Jökulsson. n
Heyrðu, ég bið bara að
heilsa, vinur.
Pétur Bjarnason, Íslandsvirkjun
Nú skulum við bara sjá
hvað kemur út úr
þessari rannsókn, það
verður kannski
ófagurt.
Hrafn
Jökulsson
SÓLARLUKKA
24 TÍMA TILBOÐ Í SÓL
Komdu í heimsókn til okkar í dag, Hlíðasmára 19, 201 Kóp.
milli 11:00 og 16:00 og bókaðu sólarferð á betra verði!
Í dag bjóðum við upp á afslátt af sólarferðum til Tenerife,
Almeríu, Ítalíu og Alicante svo eitthvað sé nefnt.
Frítt að bóka í almenn sæti og ekkert bókunargjald
ef þú bókar hjá þjónustufulltrúa okkar í dag.
Þú getur nýtt þér
afsláttarkóða á uu.is:
Gildir til miðnættis 11.06.2022
SUMARSÓL
Heiða bóndi vorkennir ekki
meirihluta sveitarstjórnar
Skaftárhrepps að fá á sig
fjölda af kærum, ábyrgðin sé
þeirra. Sveitarstjóri vill lítið
segja um kærurnar. Forstjóri
Íslandsvirkjunar skellti á
blaðamann.
bth@frettabladid.is
SKAFTÁRHREPPUR Leynd virðist
ríkja um fjárfesta að baki Hnútu-
virkjunar í Hverfisfljóti, umdeildrar
fyrirhugaðrar framkvæmdar sem
fimm náttúruverndarsamtök auk
fjölda heimamanna hafa kært til
úrskurðarnefndar umhverfis- og
auðlindamála.
Í kærunni segir að náttúru undur
í sögu frægu Skaft ár elda hrauni séu í
hættu, gangi á form um virkjun eftir
og um sé að ræða brot á lögum.
Fréttablaðið hefur meðal annars
fjallað um þverrandi vatnsmagn
náttúruperlunnar Lambhagafossa
ef virkjað verður, og vegagerð sem
skemma mun ásýnd sögufrægs
hrauns.
Í kærunni er bent á að Skaft-
ár hreppur búi yfir magnaðri, lítt
raskaðri og verð mætri náttúru,
mikil vægasta at vinnu grein sveitar-
fé lagsins, ferða þjónustan, byggir á
því ríki dæmi.
Þrír sveitarstjórnarmenn af fimm
í Skaftárhreppi gáfu grænt ljós á
framkvæmd virkjunarinnar á fundi
rétt fyrir kosningar.
Tveir fulltrúar minnihlutans voru
andvígir og skiluðu bókun þar sem
ákvörðunin var harðlega fordæmd.
Sandra Brá Jóhannsdóttir sveitar-
stjóri vildi ekki hafa mörg orð um
kærurnar þegar Fréttablaðið bar
málið undir hana í gær.
„Það er engra viðbragða að vænta
strax, hann var bara að klárast
athugasemdafresturinn. Ég get ekki
tjáð mig, ég er ekki búin að sjá þessi
gögn,“ segir Sandra Brá.
Spurð um meint lögbrot ítrekar
sveitarstjóri að ekki sé tímabært að
tjá sig frekar að sinni.
Ragnar Jónsson, landeigandi
á Dalshöfða, er skráður fram-
k væmdaaðili v irk ju nar innar.
Ragnar sagði í samtali við Frétta-
blaðið fyrir skemmstu að hann liti
svo á að virkjunin væri í höfn. „Ég
get ekki breytt skoðunum fólks sem
er á móti þessu,“ sagði Ragnar.
Þrálátur orðrómur hefur verið
meðal heimamanna um að f leiri
fjárfestar séu á bak við áformin.
Hefur verið nefnt að Íslandsvirkjun
sé með augastað á virkjuninni. Þórir
Kristmundsson, verkefnastjóri hjá
Íslandsvirkjun, sagði þegar hann
var spurður í gær hvort Íslandsvirkj-
un ætti eignarhlut í Hnútuvirkjun:
„Ekki svo ég viti til.“
Fréttablaðið hringdi í Pétur
Bjarnason, forstjóra Íslandsvirkj-
unar, og spurði hvort félagið ætti
hlut í Hnútuvirkjun. „No com-
ment,“ svaraði Pétur. Blaðið spurði
hvort Pétur vildi ekki ræða við fjöl-
miðla um hina umdeildu virkjun.
„Heyrðu, ég bið bara að heilsa,
vinur,“ svaraði Pétur þá og sleit sím-
talinu. Það er því óljóst hvort félagið
á hlut að máli eða ekki.
Á heimasíðu Íslandsvirkjunar
segir að virkjanir á vegum félags-
ins séu Gönguskarðsárvirkjun og
Köldukvíslarvirkjun. Áhersla sé á
smærri virkjanir og umhverfisvæna
orkuframleiðslu, græna orku.
Heiða Guðný Ásgeirsdóttir, bóndi,
sem sat í minnihluta sveitarstjórnar
Skaftárhrepps, greiddi atkvæði gegn
Hnútuvirkjun. Hún segist bjartsýn á
að ekkert verði af áformunum.
„Ég fagna þessum kærum, þarna
eru framin skýr brot á náttúru-
verndarlögum og mikið í húfi að
þessi landslagsheild verði ekki rofin.
Ég hef fulla trú á að þessu verði
snúið við,“ segir Heiða.
„Mér finnst allt í lagi að draga
það fólk til ábyrgðar sem að þessu
stendur, ég vorkenni þeim ekki
neitt.“ n
Íslandsvirkjun upplýsir ekki hvort
félagið standi að baki Hnútuvirkjun
Fráfarandi fulltrúi í sveitarstjórn væntir þess að virkjanaáform í Hverfisfljóti verði stöðvuð. FRÉTTABLAÐIÐ/ANTON BRINK
Vöggustofur ollu
víðtækum skaða
birnadrofn@frettabladid.is
MENNTAMÁL Fríða Björk Ingvars-
dóttir, rektor Listaháskóla Íslands
(LHÍ), sem kveðst ekki geta rætt um
einstaka umsækjendur í skrif legu
svari við fyrirspurn Fréttablaðsins
vegna máls Þóris Gunnarssonar,
bendir á að skólinn sé með lægsta
inntökuhlutfall íslenskra háskóla.
Þórir Gunnarsson listamaður
telur  fötlun sína ástæðu þess að
hann fái ekki inngöngu í Listahá-
skólann, að því er fram kom í við-
tali við hann í Fréttablaðinu. Þórir
hefur tvisvar sótt um inngöngu og
og fengið synjun í bæði skiptin.
„Ég get þó sagt í samhengi við-
talsins við Þóri, að LHÍ tekur ein-
ungis um 25 prósent umsækjenda
inn, og við erum því með lægsta
inntökuhlutfall háskóla á Íslandi.
Við bjóðum með öðrum orðum
einungis broti af þeim sem sækja
um, skólavist,“ segir Fríða. Hópur
umsækjenda sé breytilegur milli
ára, bæði varðandi fjölda, styrk-
leika og breytileika.
Aðspurð segir Fríða að LHÍ hafi
boðið fötluðum skólavist.
„Nemendur eru teknir inn í gegn-
um umsóknarferli á samkeppnis-
grundvelli, horft er til umsókna í
fyrstu umferð og síðan taka viðtöl
og eða aðrir matsþættir við, allt
eftir eðli hverrar listgreinar,“ segir
hún.
Þórir er ekki með stúdentspróf
en inntökuskilyrði í myndlistar-
nám við Listaháskólann miða við
að umsækjendur hafi lokið stúd-
entsprófi eða sambærilegu námi.
Fríða segir stúdentspróf þó ekki
ófrávíkjanlega kröfu. Sértækar
námsleiðir fyrir fatlaða hafi verið
til umræðu undanfarin ár, en enn
sem komið er hafi LHÍ ekki svig-
rúm hvað varðar fjármögnun og
húsnæði til að mæta slíku, utan
þeirra námsleiða sem þegar séu í
boði.
„Við höfum þó aldrei skorast
undan samtali um slíkar leiðir og
þróun þeirra,“ segir rektor. n
Fatlaðir fengið vist í Listaháskólanum
Fríða Björk
Ingvarsdóttir,
rektor LHÍ.
Miðað er við að
umsækjendur í
háskóla á Íslandi hafi
stúdentspróf. Það er
þó ekki ófrávíkjanlegt.
6 Fréttir 11. júní 2022 LAUGARDAGURFRÉTTABLAÐIÐ