Fréttablaðið - 11.06.2022, Blaðsíða 4

ÞVERHOLT 6 • 270 MOSFELLSBÆR • S. 590 2300
OPIÐ VIRKA DAGA 10-17 • LOKAÐ Á LAUGARDÖGUM Í SUMAR JEEP.IS
EIGUM BÍLA
TIL AFHENDINGAR
STRAX!
PLUG-IN HYBRID
Jeep® Wrangler Rubicon 4xe goðsögnin rafmagnaða
hefur svo sannarlega slegið í gegn og sannað gildi
sitt við íslenskar aðstæður. Bjóðum upp á 35”-37”
og 40” breytingapakka.
Ólga meðal eigenda sem
vilja hluthafafund. Edda
Falak segir ekki jafnréttis­
legt áhyggjuefni þótt einum
hvítum karlmanni hafi verið
vikið úr stöðu forstjóra.
bth@frettabladid.is
VIÐSKIPTI Þrýstingur er meðal eig­
enda í Festi um að knýja fram hlut­
hafafund vegna starfsloka Eggerts
Þórs Kristóferssonar forstjóra. Við­
mælendur Fréttablaðsins segja óvar­
legt að álykta um tengsl milli starfs­
lokanna og Vítalíumálsins.
Kauphöllin er með Festi til skoð­
unar eftir starfslok Eggerts. Ólafur
Sigurðsson, framkvæmdastjóri líf­
eyrissjóðsins Birtu, sem á stóran hlut
í Festi, segir mörgum spurningum
ósvarað. „Við erum að ræða þetta
mál, við formaður og varaformaður
Birtu. Ég á bráðlega von á niður­
stöðu,“ segir Ólafur, spurður hvort
farið verði fram á aukahluthafafund.
„Okkur finnnst að það verði að
passa upp á jafnræði hluthafa. Halda
hluthöfum upplýstum svo ekki bara
sumir heldur allir sitji við sama borð,“
bætir Ólafur við. Ein spurningin snýr
að því að á sama tíma og Eggert skil­
aði rekstrarlegu góðu búi fær hann
reisupassann. Festi hefur gefið út
að ágætt sé að skipta um forstjóra á
sjö ára fresti. Margir forstöðumenn
fyrirtækja í Kauphöllinni hafa setið
mun lengur í forstjórastöðu.
Þá er ósamræmi milli tilkynn­
ingar til Kauphallarinnar, þar sem
sagði að Eggert hefði sjálfur sagt
upp og þess sem síðar hefur komið
á daginn. Kauphöllin hefur því til
skoðunar hvort um villandi upp­
lýsingar hafi verið að ræða.
Hilmar Harðarson, formaður
Landssamtaka lífeyrissjóða, baðst
undan viðtali, þar sem hann hefði
ekki kynnt sér málið nægilega vel.
Hann sagðist vera að afla upplýsinga.
Fjölmiðlar hafa fjallað um að
Vítalía Lazareva hafi sagt opinber­
lega að Eggert hafi átt fund með
henni og aðgreint sig frá öðrum
fyrirtækjum viðskiptalífsins með
góðum viðbrögðum, þegar fjór­
menningarnir sem sakaðir voru
um að hafa farið yfir mörk stigu til
hliðar. Þórður Már Jóhannesson,
sem var formaður stjórnar hjá Festi,
áður en Vítalíumálið kom upp, er
stærsti hluthafi félagsins, ef undan
eru skildir lífeyrissjóðir.
Edda Falak, fjölmiðlakona og
þáttastjórnandi Eigin kvenna, segir
of snemmt að álykta hvort tengsl séu
milli Vítalíumálsins og afdrifa Egg­
erts.
„Þórður og félagar, ég held að þeir
séu ekkert mættir aftur við völd. Ég
sé ekki að þetta sé bakslag í #MeToo
þótt einum hvítum karlmanni hafi
verið vikið úr forstjórasæti, það er
ekki sérstakt áhyggjuefni,“ segir
Edda Falak.n
Þrýst á hluthafafund hjá Festi vegna
nýlegrar brottvikningar forstjórans
Kauphöllin er
með starfslok
Eggerts Þórs,
fyrrum forstjóra
hjá Festi, til
skoðunar, sem
og upplýsinga-
gjöf. Hluti
eigenda vill
hluthafafund.
FRÉTTABLAÐIÐ/
VALLI
Ég sé ekki að þetta sé
bakslag í #MeToo þótt
einum hvítum karl-
manni hafi verið vikið
úr forstjórasæti.
Edda Falak hlað-
varpsstjórnandi
gar@frettabladid.is
FÉLAGSMÁL Mikill viðbúnaður er nú
hjá Vinstri grænum vegna f lokks­
ráðsfundar í lok ágúst og leynilegrar
sumarferðar í kjölfar hans.
„Undirbúningur ferðarinnar er í
öruggum höndum Siggu Gísla, for­
manns VG á Ísafirði. Hún býst við
fjölmenni og er búin að taka frá
mestallt laust gistirými í bænum og
á nærliggjandi svæðum þessa helgi,“
segir í Föstudagsfréttum VG. „Nán­
ari upplýsingar um sumarferðina
og skemmtiatriði verða leyndarmál
enn um sinn,“ er bætt við. n
Gisting tekin frá
fyrir VG á Ísafirði
Tveir af þremur ráðherrum VG.
thorgrimur@frettabladid.is
LANDBÚNAÐUR Byggðastofnun birti
í gær skýrslu um ástand sauðfjár­
rækar á Íslandi, sem dregur fram
„dökka mynd.“
Í skýrslunni segir að rekstrar­
af koma sauðfjárbúa fyrir f jár­
magnsliði og afskriftir hafi verið
neikvæð frá árinu 2018. Ekki sé útlit
fyrir að rekstur batni á næstu árum.
„Það er ekkert í þessari skýrslu
sem er nýtt fyrir mér eða sauðfjár­
bændum,“ sagði Trausti Hjálm­
arsson, formaður Landssamtaka
sauðfjárbænda. „Þetta hefur verið
hörmungarástand rekstrarlega séð.
Það sem þarf að gerast er að afurða­
verðið þarf að hækka. Ef það er ekki
hægt að hækka það sem við þurfum,
verður ríkið að koma af meiri krafti
inn í þessa grein.“
Í skýrslunni er ástandið meðal
annars útskýrt með því að ekki hafi
orðið næg kynslóðaskipti í sauðfjár­
rækt síðastliðin fimm ár. Stór hluti
sauðfjárbænda sé yfir sextugu og
margir í þann mund að hætta
Trausti segir þetta þó afleiðingu,
en ekki orsök vandans. „Ég sýni því
fullan skilning að ungt fólk vilji ekki
fara inn í atvinnugrein sem ekki
skilar rekstrarafgangi.“ n
Forsendur fyrir sauðfjárrækt á Íslandi að bresta
Trausti
Hjálmarsson,
formaður
Landssamtaka
sauðfjárbænda.
Stjórnin hafnar tengslum uppsagnar við hneykslismál
„Stjórnin stendur við ákvörðun sína og byggir hana á því mati að félag-
ið standi nú á tímamótum eftir mörg ár uppbyggingar og mótunar,“
segir í yfirlýsingu sem stjórn Festar sendi frá sér í gær.
„Hluthafar geta að sjálfsögðu haft aðra skoðun á þessu máli og
komið þeirri skoðun á framfæri við stjórn eftir viðeigandi boðleiðum.
Erfitt er hins vegar að taka það samtal í smáatriðum á hluthafafundi,
þar sem til staðar eru, auk hluthafa, fjölmiðlar og fulltrúar samkeppn-
isaðila,“ segir stjórnin, sem hafnar því að starfslok forstjórans, sem
stjórnin hafi haft forgöngu um þótt hann hafi sagt upp sjálfur að eigin
ósk, tengist máli Þórðar Más Jóhannessonar, sem sagði af sér stjórnar-
formennsku í félaginu eftir ásakanir Vítalíu Lazarevu um misnotkun.
„Tenging þessa máls við mál fyrrverandi stjórnarformanns, að-
draganda afsagnar hans, og fleiri vangaveltur af þeim meiði, eiga sér
hins vegar enga stoð í raunveruleikanum og er vísað algjörlega á bug,“
segir stjórnin.
thorgrimur@frettabladid.is
gar@frettabladid.is
SLYS Þyrla Landhelgisgæslunnar
náði ferðamanni, sem alda hrifsaði
í Reynisfjöru um miðjan dag í gær úr
sjónum, rétt fyrir klukkan sex.
Maðurinn var í skipulagðri ferð
ásamt eiginkonu sinni.
Mörg banaslys hafa orðið í
Reynis fjöru á fárra ára tímabili.
„Ég er ekki búinn að sjá leiðir til
að koma í veg fyrir þetta af því að
fólk fer hreinlega ekki nógu var­
lega,“ segir Ingi Már Björnsson, for­
maður björgunarsveitarinnar Vík­
verja í Vík, aðspurður hvort ekki sé
hægt að koma í veg fyrir þessi slys.
„Eftir síðasta slys í fyrrahaust
fórum við að skoða aðstæður. Við
fylgdumst með hverjum einasta
ferðamanni og þeir gengu fram hjá
hverju skiltinu á fætur öðru og litu
ekki á þau,“ lýsir Ingi Már. „Það er
því miður þannig að ég býst ekki
við að þetta verði síðasta skiptið.“n
Maður í sjóinn
við Reynisfjöru
Ekki er litið við viðvörunarskiltum.
4 Fréttir 11. júní 2022 LAUGARDAGURFRÉTTABLAÐIÐ